To start downloading books

Please sign in or create an account.

Imran Akhtar 2 years ago 744
د مینې میاشت

د مینې میاشت

د مینې میاشت

عمران اختر

البته، د هرې بلې موضوع په پرتله د مینې په اړه ډیر څه لیکل شوي، د مینې په اړه د شعرونو نه ختمیدونکي بهیر، ډرامې او فلمونه او کتابونه شتون لري چې په هره برخه کې د مینې جلا جلا مفاهیم روښانه شوی دي.

په اصل کې مینه صبر ده، مینه مهرباني ده. مینه حسد نه دي، چاپلوسي نه ده، غرور نه دي، د نورو بې عزتي نه ده، ځان غوښتنه نه ده، غوسه نه ده، بلکې مینه همیشنۍ ساتنه ده، همیشنې باور دي، همیشنې امید دي، او همیشنې صبر دی.

لږ به یې نور هم روښانه کړو چې  مینه د ځان غوښتنه نه ده، د بیلګې په توګه د خپلې کورنۍ او ملګرو ته هم پام غواړي. مینه غوسه نه ده، د بیلګې په توګه د ځواب ورکولو د مخه دوه ځله فکر غواړي؛ مینه د تیروتنو کتاب نه دی، د بیلګې په توګه بخښنه او هیرول او افسوس نه تکراروي.

د کال  دویمه میاشت، فبروري د مینه کوونکو لپاره ځانګړې ګڼل کیږي، ځکه چې د دې میاشتې په دویمه اونۍ کې د فبرورۍ له ۷ نیټې څخه د فبروري تر ۱۴ نیټې پورې د ویلنټاین اونۍ لمانځل کیږي، دا د مینې اونۍ هم بلل کیږي. 

مینه او فبروري په اړه یوه مشهوره افسانه شته چې سینټ ویلینټاین د مینې کیسه بیانوي، نوموړي ددې مینې په ترلاسه کولو کې د اعدام سزا وڅکله او د اعدام څخه مخکي یې "ستاسو ویلینټاین" تر نامه لاندې لاسلیک شوی لیک هم لیکلي وه.  په لرغوني روم کې د دویم کلودیوس (Claduias II) امپراتوري وه. چې هغه وخت درېیمه مېلادي پیړۍ په جریان کې وه. امپراتور کلودیوس یو فرمان صادر کړ چې، د ځوانې په عمر یو څوک نشي کولای چی واده وکړي. د دویم کلودیوس موخه دا وه چې، په هغه وخت ډېر ځوانان په فوځ کې په اجباري ډول په خدمت بوخت وو.  پدی وخت کی یو عیسوي دیني لارښوود والېنټاین (Valentine) د امپراتور له فرمان څخه په پټه سر غړونه کوله او د ځوانو مينو جوړو ترمنځ به یې نکاح کوله. کله چی امپراتور کلودیوس د Valentine له د غه کار خبر شو، لومړی یې هغه زنداني او ورپسې یې اعدام کړ.

ددې میاشتې دوهمه هفته د ۷ نیټې څخه تر ۱۴ نیټې پورې د مینې او دریمه هفته د ۱۵ نیټې څخه تر ۲۱ نیټې پورې د مینې برعکس هفته ګڼل کیږي. 

:د فبرورۍ دوهمه هفته

فبرورۍ ۷ نیټه: په دې ورځ معمولآ مینه کوونکي خپلو کې یو بل ته ګلابونه ورکوي.

فبرورۍ ۸ نیټه: په دې ورځ مینه کوونکي یو بل ته د واده وړاندیز کوي.

فبرورۍ ۹ نیټه: په دې ورځ مینه کوونکي په خپلو کې یو بل ته چاکلیټ .ورکوي، چې د ډایري میلک چاکلیټ یې ښه مثال دي

فبرورۍ ۱۰ نیټه: په دې ورځ مینه کوونکي په ځانګړي ډول هلکان انجونو ته Teddy Bear یا نانځکې ورکوي، او په دې سره د دوی مینه لا سیوا کیږي.

فبرورۍ ۱۱ نیټه: په دې ورځ مینه کوونکي په خپلو کې یو بل ته د همیشنۍ مینې، تل پاتې کیدلو، او یو بل سره د نږدې اړیکو ژمنې کوي.

فبرورۍ ۱۲ نیټه: په دې ورځ مینه کوونکي یو بل ته داسې غیږ ورکوي، چې د یو بل ستونزي، پریشاني او دردونه راکم کړي، اوږده غیږ ورکوي ترڅو خپل ځانونه راحت کې کړي.

فبرورۍ ۱۳ نیټه: په دې ورځ مینه کوونکي یو بل ښکلوي.

فبرورۍ ۱۴ نیټه:  په دې ورځ مینه کوونکي خپله د مینې ورځ لمانځي، او د تیر کال ټولې کیسې یو بل ته کوي.

:د فبرورۍ دریمه هفته 

فبرورۍ ۱۵ نیټه: په دې ورځ بیا هغه کسان چې په مینه کې یې یو بل ته دوکه ورکړي وي، یو بل ته .څپیړه ورکوي

فبرورۍ ۱۶ نیټه: په دې ورځ بیا هغه کسان چې په مینه کې یې یو بل ته دوکه ورکړي وي، ټول هغه پریشانیاني ختموي چې د عاشقۍ په دوران یې درلودي، او ورسره څنګ د خپل میین ډالۍ هم په لته وهي.

فبرورۍ ۱۷ نیټه: په دې ورځ ملګري یو بل ته عطر ورکوي ترڅو خوشاله شي.

فبرورۍ ۱۸ نیټه: دا ورځ په دې خاطر لمانځل کیږي، چې ځينې کسان د خپلو مینانو سره دوکه کوي، اړیکي ورسره ختموي، او بیا د بل چاسره اړیکه جوړوي.

فبرورۍ ۱۹ نیټه: دا ورځ بیا هغه کسانو ته ده چې د یو چاسره مینه لري، خو د مینې د اظهارکولو توان نلري.

فبرورۍ ۲۰ نیټه: دا ورځ په خپل ژوند کې د یو چا یادولو په خاطر ده، هغه شخص چې د یو چا لپاره ډير قدرمن وي او ډير ډير یې یادیږي.

فبرورۍ ۲۱ نیټه: دا ورځ بیا د هغه کسانو لپاره ده چې زړونه یې د یو چا امله مات شوی دی، او اړیکه یې ورسره پای ته رسیدلي وي.

دا میاشت زموږ په ژوند کې د مینې اهمیت ته اشاره کوي، مګر مینه او غم نږدې تړاو لري، او دا ناممکنه ده چې یو له بل پرته دې اووسې او مینه ده چې غم زیږوي. اوس دا روښانه شوه چې په ژوند کې د هرغم سرچینه مینه ده. په هر صورت، مینه او فبروری په خپل ځای خو زما وړاندیزونه تاسې ته دا دي، چې نه یوازي په دې میاشت کې بلکې هر وخت لپاره لاندې لارښوونې تعقیب کړئ.

د خپل ځان سره مینه وکړئ: اړینه ده چې هر انسان باید د خيل ځان سره مینه وکړي، ځکه د ځان سره مینه ددې سبب ګرځې چې تاسې د نورو سره مینه وکړئ. په کافې اندازه استراحت وکړئ، خپل ځان ته وخت ورکړئ، ځکه د خپل ځان په اړه مینه او پاملرنه د خپل ذهن، بدن ، زړه او روح د ریچارج کولو لپاره ده، ځکه مینه مثبت چارجونه دي چې په ذریعه یې تاسې د انسانانو سره ښه رویه کولای شئ. صحت ته مو ډيره پاملرنه ترسره کړئ ترڅو تاسې مینې او ښه سلوک ته اماده اووسئ.

خپلې نږدی اړیکې وپالئ او ورسره مینه وکړئ: وخت او میاشتې مینې پورې مه تړئ بلکې هر وخت کولاي شئ چې خپل اقاربو سره مینه وکړئ. مینه، سلوک او تګ راتګ مو په ډالیو پیل کړئ، یو بل ته احترام او درناوي وکړئ، ترڅو مینه لا پیاوړي شي – یوه خبره چې ساده عملونه هم کولی شي د مینې او احترام سبب شي، د زړه اخلاص او یو بل ته عزت هر څه دي.

نورو ته مینه ورکړئ / مینه خپره کړئ: هر کله چې تاسې خپل ځانته، کورنۍ او ملګرو ته په دوامداره توګه مینه ورکړئ او د هغوي خیال وساتئ، نو واضح خبره ده چې تاسو دې ته اماده کیږئ چې ډیر مهربانه او مینه ناکه اووسئ ، او په ښه توګه د نورو سره مینه وکړئ. د نورو انسانانو سره مینه ددې سبب کیږي، چې په ټولنه کې محبوبیت زیاتیږي، او د انسانانو زړونه ګټل اسانه دي، فقط مینه، مهرباني او ښه رویه غواړي.

 

Related Articles

رفاقت که رقابت؟

لیکنه ـ ریاض مقامزی   یو حکایت دی وايي، چې استاد خپلو ټولو محصلینو ته یوه ـ یوه پوکاڼۍ او ستنې ورکړې. ویې ویل: "په یوه دقیقه کې به تاسو هڅه کوئ د بل کس پوکاڼۍ وچوئ او خپله روغه وساتئ. که د هر چا بالون/پوکاڼۍ روغه پاتې شوه هغه ګټونکی دی." وروسته له یوې دقیقې فقط د څلورو تنو بالونونه روغ وو او ګټونکي اعلان شول. په آخره کې استاد وویل: "همدا سیالي مې...

د خلکو په زړونو کې ځای داسې پیدا کړئ!

لیکنه ـ ریاض مقامزی په ټولنه کې محبوب اوسېدل نږدې ټول انسانان خوښوي. هر انسان غواړي، چې پخپله ټولنه کې منلی شخص اوسي او خلک یې احترام وکړي؛ مګر ډېر کم خلک پوهېږي، چې څنګه د نورو په زړونو کې ځای پیدا کړي او خلکو ته ګران اوسي. ددې چارې لپاره ځينې مطلق وړیا او اسانه تګلارې شته. تاسو فقط همدا لارښوونې عملي کړئ، ان شأالله ډېر ژر به مثبتې پایلې ووینئ....

درمل

لیکنه ـ وړانګه اکبر درمل یو کیمیاوي توکی دی، معمولا هر یو په خپل پیژندل شوي فورمول سره رامنځته کېږي،کله چې یو ژوندي موجود ته ورکړل شي ځینې بیولوژیکي بدلونونه پکې رامنځته کوي. درمل د دارو او دوا په نوم هم یادیږي، دناروغۍ د درملنې، د ناروغۍ د مخنیوي، یا تشخیص یا د هوساینې د ودې لپاره کارول کیږي.  درمل یو کیمیاوي توکي دي چې په بدن کې د پروټینونو سر...

Recommended Articles

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته بيا بېرته خپل ټول تاثير له لاسه ورکړي، د هورمونونو تاثير د زيات وخت لپاره دوام کوي. د انسان په بدن...

کوټه سنګي ته ولې کوټه سنګي وايي؟

ځینې کسان په دې اند دي چې د کوټه سنګي نوم اصلا د هغې ډبرېنې کوټې څخه اخیستل شوی دی چې یو وخت په میرویس میدان کې جوړه شوې وه.ویل کیږي کله چې د دغه ځای د سړکونو کرښې وکښل شوې د سړکونو د تقاطع په نقطه کې یعنې په څلور لارې کې د ساتونکي لپاره د ډبرو یوه خونه جوړه شوه له همدې امله دا سیمه په کوټه سنګي یا د ډبرو د کوټې په نوم ونومول شوه.خو اصلا د دې  سیمې...

خېټه څنګه کوچنۍ کړو؟

د نارینه او نجونو لپاره تر ټولو بد مرض د خېټې د وازدو ډېرېدل او غټېدل دي چې نه یې یوازې ښکلا ته زیان رسوي، بلکې صحت ته یې هم ستونزې جوړوي. نن درته د خېټې د کوچني کولو داسې طریقې در ښیوو چې د ډېر ورزش ستړیا به هم نه ورسره ګالۍ او په تکلیف به هم ورسره نه شئ. د ورځې پیل د لیمو په جوسو وکړئ، نیم لیمو په یو ګیلاس اوبو کې زبېښل او څښل یې په حجراتو کې...