جرمني Hilde domin scholarship بورسونه:

د جرمني Hilde domin scholarship بورسونه:
د بورسونو دا کټګوري هغو کسانو ته ځانګړې شوې چې وکړی شي جرمن پوهنتونو ته د ځان د تهدید په اړه قناعت ورکړي. په دې ترتیب جرمن پوهنتونونه بیا نوموړي کسان بورس ته نوماندوي. ډيډلاین یې د جنوري تر پایه دی. د اسنادو د ارزونې پروسه یې هم متفاوته ده. د هر چا اسناد چې ژر ورغلل هغه ارزول کېږي او په اړه یې تصمیم نیول کېږي.
زه تر اوسه له څو کسانو خبر یم چې د بورسو په دې کټګوری کې مخ ته تللي. یو دوکتورا بورس ته معرفي شوی. که څه هم ډيډلاین نه دی را رسېدلی خو نوموړی یې اخري پړاو ته رسېدلی چې ممکن ژر د بریا احوال ورکړي. همدارنګه بل ځوان چې خپله یې هڅه کوله، وکړی شول د یوه پوهنتون پروفیسور ته قناعت ورکړي تر څو دی هم دې بورس ته نوماند کړي. اسناد یې ورکړل او ممکن د ده سرنوشت هم ژر معلوم شي.
له همدې کبله مې سپارښتنه ده چې تر هر څه لومړی د پوهنتون استادانو او د ماسترۍ د برنامو دایرکټرانو ته ایمیلونه وکړئ. د خپل تهدید په اړه ورته ووایاست او ترې وغواړئ چې دې بورس ته مو نوماند کړي. دا هم اړینه نده چې تاسې په لومړي پړاو کې له پوهنتون داخله واخلی، یوازې پوهنتون باید تاسې نوماند کړي، داخله بیا په راتلونکو میاشتو کې اخیستی شئ. 
دا چې اوسمهال نجونې پوهنتون او کار ته نشي تللی، زما په اند د هغو د منل کېدو چانس بیخي ډېر دی. غوره دا ده چې زیار وګالئ او لومړي پړاو کې یې بریالي شئ.
نوټ: زه د چا سره په اختصاصي ډول مرسته نشم کولای. یوازې لار درښیم. نور زیار مو خپله وګالئ. خو خبر یم چې څو کسانو همدا لار تعقیب کړې او ژر ممکن بورس ترلاسه کړي چې ورسره د ایستلو ژمنه یې هم کړې.
https://www.daad.de/en/the-daad/what-we-do/sustainable-development/funding-programmes/funding-programmes-for-students-a-z/hilde-domin-programm/
https://twitter.com/assemmayar1