To start downloading books

Please sign in or create an account.

Faridon Delsoz Niazai 2 years ago 516
شربت ګلۍ د ژوند کیسه

شربت ګلۍ د ژوند کیسه

شربت ګله وايي، که اوس هماغه لس کلنه نجلۍ وای، خپل درس به مې ویلای. دیارلس کلنۍ کې به مې واده نه کاوه او دومره ترخې ورځې او مشکلات به را باندې نه را تللی.

شربت ګله چې د افغانستان په مونالیزا هم مشهوره ده له بي بي سي سره په ځانګړې مرکه کې خپله کیسه کړې.

شربت ګله وايي زما دا امید نه و چې د پاکستان حکومت به ما سره دا ډول چلن کوي او په پای کې به ما زندان ته اچوي. دا زما په ژوند کې تر ټولو بده او سخته شېبه وه.

د پاکستان د فدرالي پلټنو ادارې د اکتوبر پر ۲۶ د پاکستانۍ پېژندپاڼې د جوړولو په تور شربته ګله ونیوله او له زندان وروسته یې افغانستان ته واستوله.

شربت ګله اوس له خپلو درې لورګانو او زوی سره په کابل کې اوسېږي. مشره لور او مېړه یې په پښتونخوا کې په تور ژیړي مړه شوي.

د پاکستاني حکومت له لوري د زندان خبره ورته اوس هم ترخې شېبې ور په زړه کوي، ځکه وايي پښتونخوا ته یې کډوالي هم له سختۍ وه او کله چې وطن ته ستنېده هم له سختیو راغله.

د شربت ګلې عکس
شربت ګله وايي لس کلنه وم، په ښوونځي کې وم د رخصتي وخت و چې عکاس زما عکس اخیستی و. خو خبره نه وم چې دا عکس چا او څنګه واخیست.

بیا ۱۷ کاله وروسته عکاس زه پیدا کړم او دا عکس یې راته راووړ، هغه وخت کې زما ماشومان ول، خاوند مې و.

شربت ګله چې په ۱۳ کلنۍ کې واده شوې وايي له دې وړاندې له خپل عکسه خبره نه وه.

شربت ګله وايي د دې د عکس مشکل ډېر او ګټه یې کمه وه.

د نوموړې په وینا، مشکل یې همدا و چې په نړۍ کې یې رسوا کړم، دومره یې مشهوره کړم چې زندان ته په کې ولاړم، او د زندان نه بله کومه ستره خبره خو نه شته

شربت ګله وايي کله چې یې درې ورځې وروسته لیدو ته افغانان ورغلل نو زړه یې ډاډه شو چې اوس به خوشې شي.

شربت ګله وايي "زه پاکستان کې صرف علاج لپاره ایساره وم. کډې مې تړلې وې او را ستنېدلو. دوی د شپې نهه بجې چاپه واچوله. زه یې تاڼې ته بوتلم. پوښتنې یې رانه وکړې. ما ورته وویل چې د دوه خبرو لپاره ما د پاکستان شناخت کارت جوړ کړی. یو د کور خرڅېدو لپاره چې کارت نه وي نه خرڅېږي او بل د ماشومانو سبق لپاره."

شربت ګله وايي کله چې یې درې ورځې وروسته لیدو ته افغانان ورغلل نو زړه یې ډاډه شو چې اوس به خوشې شي.

شربت ګلې ۱۵ورځې قید تېر کړ او اته شپې په روغتون کې وه.

نوموړې وايي په پښتونخوا کې مې "له خپلو پښتنو سره ښه ښایسته ژوند تېر کړی. ۳۵ کاله مې تېر کړل خو زما دا تمه نه وه چې د پاکستان حکومت به زما سره دا چل کوي او آخره کې به ما زندان ته اچوي. دا زما په ژوند کې تر ټولو بده او سخته شېبه وه"

شربت ګله وايي "زه چې اوس خپل وطن ته راغلم ډېره خوشحاله یم. ولسمشر اشرف غني صاحب او کرزي صاحب او زموږ افغانانو ډیر عزت او ډیر قدر زما وکړ، له دوی نه ډېره مننه کوم".

د شربت ګلې ناروغي
شربت ګله تور ژېړی لري چې په وینا یې اوس په افغانستان کې تر درملنې لاندې ده.

شربت ګله وايي هیله لري چې ماشومان یې ښوونځي ته ولاړ شي. د دې ترڅنګ نوموړې د خیریه موسسې جوړولو یادونه هم وکړه. شربت ګله وايي غواړم له مشهورتیا مې دا ګټه واخلم چې یوه خیره موسسه جوړه کړم چې د خلکو پکې وړیا اعلاج وشي.

دا وايي، "پر ما خو ډېر مشکلات تېر شوي چې په نورو تېر نه شي "

شربت ګله وايي، که اوس هماغه لس کلنه نجلۍ وای، خپل درس به مې ویلای. دیارلس کلنۍ کې به مې واده نه کاوه او دومره ترخې ورځې او مشکلات به را باندې نه را تللی.

نوموړې له بي بي سي سره په دې مرکه کې پر نورو افغانانو غږ وکړ او ويې ویل "په کم عمر کې لورګانې مه ودوئ او څنګه چې په زامنو تعلیم کوي په لورګانو یې هم وکړئ".

"له خدای نه غواړم چې بیا څوک مهاجر نه شي" شربت ګله

دایې نو دشربت ګلې اصلي کیسه
او بل دا لیکنه مخکېنۍ ده خو شربت ګله اوس هم په کابل کې ژوتد کوي

Related Articles

په اختر کې دې څلورو ټکو ته حتماً پام وکړئ!

په اخترونو کې اکثره ددې مهمو مسایلو په برخه کې بې غوره وي او په دې توګه خپل ځان او یا هم نورو ته تاوان رسوي. تاسو د يوه لوستي انسان په توګه باید دې ټکو ته جدي پام وکړئ! • خپلې ټولې پيسې مه مصرفوئ!تاسو به هم لیدلې وي چې ځينې وګړي او په ځانګړي توګه ځوانان په اخترونو کې نهايي ډېر مصارف کوي او پدې توګه وروسته له اقتصادي مشکلاتو سره مخ کېږي او خپل ځان...

انسان د فطرت له مخې خیرخواه دی که شریر؟

لیکنه- ابراهیم شینواری انسان د فطرت له مخې خیرخواه دی، شریر نه دی. خو د خپل مصئوونیت د لاسه ورکولو له امله ویرې سره مخ کیږي او دغه ویره یې انحراف ته مجبوروي او په شریر موجود بدلیږي. همدارنګه هغه غریزې چې فطرتاً د ده په بدن کې د دفاع لپاره دي په تعرضي غریزو بدلیږي او بیا نورو ته ضرر رسوي. په وروستیو پیړیو کې د غربي فیلسوفانو، سیاست پوهانو او ساینس...

! هغه لاملونه چې نارینه باید له یو ښه ساعت څخه ګټه واخلي

لیکنه: شکېبا نادري هغه لاملونه چې نارینه باید د یوه ښه ساعت څخه ګټه واخلي!   په پخوا وختونو کې به خلکو له ساعتونو څخه ډېره ګټه اخیستله، خو د موبایلونو د ډېرېدلو سره له ساعتونو څخه ګټه اخیستل ورځ تر بلې مخ پر کمېدو دي، خو هغه کسان چې غواړي منظم او ځانګړي و اوسي، نو ارومرو له ساعت څخه ګټه اخلي.  موږ په نننۍ لیکنې کې تاسو ته د هغو لاملونو په اړه م...

Recommended Articles

کوټه سنګي ته ولې کوټه سنګي وايي؟

ځینې کسان په دې اند دي چې د کوټه سنګي نوم اصلا د هغې ډبرېنې کوټې څخه اخیستل شوی دی چې یو وخت په میرویس میدان کې جوړه شوې وه.ویل کیږي کله چې د دغه ځای د سړکونو کرښې وکښل شوې د سړکونو د تقاطع په نقطه کې یعنې په څلور لارې کې د ساتونکي لپاره د ډبرو یوه خونه جوړه شوه له همدې امله دا سیمه په کوټه سنګي یا د ډبرو د کوټې په نوم ونومول شوه.خو اصلا د دې  سیمې...

له مطالعې سره څنګه ځان عادت کړو؟

لیکنه ـ ریاض مقامزی د هر لوستي ځوان لپاره دوامداره مطالعه ډېره اړينه او مهمه ده. که تاسو دوامداره مطالعه کوئ، ذهن به مو فعال وي او هېڅکله به په وینا کې له بندښت سره مخ نه شئ. ددې ترڅنګ مطالعه ګڼې نورې ګټې هم لري. موږ نه غواړو، چې تاسو ته د مطالعې پر ارزښت وغږېږو. یوازې غواړو، تاسو ته ددې لارښوونه وکړو، چې څنګه دوامداره مطالعه خپل عادت وګرځوو. آیا...

وړیا PDF کتابونو معتبر سایټونه

وړیا pdf کتابونه چیرته پیدا کړو؟ ځواب: 👇 دلته میلیونونه کتابونه موندلی شئ  دا چې یو زیات شمیر کتاب لوستونکو او څېړونکو هیواد پریښی او له بده مرغه نورو هیوادونو کې د پښتو او فارسي کتابونو چاپي نخسې نه موندل کیږي او ددې ترڅنګ د هیواد په دننه کې هم د کتاب بازار سوړ شوی، له بهر څخه واریدیدونکي کتابونه محدود شوي دی نو ځکه مې لازمه وبلله د کتاب د نړیو...