To start downloading books

Please sign in or create an account.

Faridon Delsoz Niazai 1 year ago 1,028
د ساختمان سنګکاری

د ساختمان سنګکاری

سنګکاري
د ډیرې پخوا زمانې څخه تیږې د ساختماني مادې په دود د ودانیو، پلونو، استنادي دیوالونو په جوړولو کې کارول کیږي، د مسالې سره د تیږو څخه د دیوال جوړولو ته سنګ کاري وايي.
په سنګارۍ کې د هغه تیږو څخه ګټه اخیستل کیږي چې قطرونه یې د 25-40 سانتي متر پورې وي، په دیوالونو کې د تیږو د کارولو لپاره د بیلابیلو مسالو څخه استفاده کیږي، په پخوا زمانو کې به د سنګارۍ لپاره د چونې او ریګ د مسالې څخه ګټه اخیستل کیدله، خو اوس په افغانستان کې زیاتره انجینران د سنګکارۍ لپاره یواځې د سیمنټي مسالې څخه ګټه اخلي.
د سنګکارۍ په جریان کې د تیږو تر منځ د 2-3 سانتي متره پورې اندازه پریښودل کیږي چې د مسالې څخه ډکیږي
له بلې خوا د سنګ کارۍ دیوال کې د تیږو تر منځ بافت ته پاملرنه کیږي چې له یوې خوا دیوال ته مقاومت او بلې خوا دیوال ته خاصه ښکلا ورکوي.
د سنګ کارۍ په دیوالونو کې د دریايي تیږو څخه استفاده نه کیږي او هغه تیږي چې په خپل مخ باندې منګ لري هغه هم په سنګ کارۍ کې نه کارول کیږي
د تیږو دیوال ته په کتو په افغانستان کې د سنګ کارۍ لپاره د مسالې معمول نسبتونه عبارت دي له 
1:3
1:4
1:5
1:8
چې لومړې برخه یې سمنټ او دوهمه برخه یې ریګ راښایي
د سنګ کارۍ کار د متر مکعب په واحد سره اندازه کیږي او په همدې واحد ورته نرخ ورکول کیږي خو ځینې وخت چې د سنګ کارۍ کار پرته له موادو په اجاره ورکول کیږی هلته د دیوال د لوړوالي او عرض په ذکر کولو سره په متر مربع سره هم اندازه کیږي
په افغانستان کې د شته ریفرنسونو په اساس د سنګ کارۍ په دیوال کې د 30-35 فیصده پورې مساله په کار وړل کیږي چې دغه ارقام د موادو د محاسبې لپاره له تاسې سره مرسته کولی شي.
د یو متر څخه د لوړ دیوال د جوړولو پر وخت خوازې ته هم ضرورت پیښیږي چې باید په براورد کې مصارف په پام کې ونیول شي.
د سنګ کارۍ د دیوال د جوړولو څخه ورسته د تیږو درزونو ته هنګاف ورکوي چې معمولاً ورته جدا ایټم په دود نرخ ورکول کیږي.
هنګاف کاري(Pointing)
د تیږو د دیوالونو د جوړولو وروسته هنګاف کاري کوي، د تیږو د دیوالونو په هنګاف کارۍ د داسې مسالې څخه ګټه اخیستل کیږي چې د سیمنټو مقدار یې لوړ وي، د زیاتو سیمنټو لرونکې مساله بیا زر زر اوبه کولو ته اړتیا لري له دی کبله دغه ډول هنګاف کارۍ ته حد اقل په ورځ کې اوه ځلې د اووو ورځو لپاره اوبه ورکول شي.
که هنګاف لپاره د مسالې نسبت 1:2 وي او په نظر کې نیول شوی هنګاف Flash یا هم هموار په نظر کې نیول شوی وي، نو د هر متر مربع سطحې د هنګاف کولو لپاره 0.065bag کڅوړې سیمنټو ته ضرورت دی، په دغه حساب کې محسابه وشي نو ویلی شو چې د 15 متر مربع هموارې هنګاف کارۍ لپاره یوه خریطه سیمنټو ته ضرورت دی.
خو که په همدغې نسبت(1:2) مساله په پام کې وي، او هنګاف کاري راوتلې(Raised) په نظر کې نیول شوي وي نو د هر متر مربع سطحې د هنګاف کارۍ لپاره 0.13 کڅوړې سیمنټو ته ضرورت دی، په دغه حساب بیا هم که محاسبه ترسره شي نو ویلی شو چې د هر 8 متر مربع سطحې د راوتلې هنګاف کارۍ لپاره یوه خریطه(بوجې) سیمنټو ته ضرورت دی

#سنګکاري

کله چی د یو تهداب سنکاري کوو نو باید لاندې نقطې په نظر کی ونیسو .
1: په هیڅ صورت کی باید ډبرې بدون د رجې او شاقول څخه په تهداب کی و نه لگول شي .
2 : لویې ډبرې باید دتهداب په بیخ کی استعمال شي .
3 : په سنګکارۍ کی باید په زیاته کچه د کوچنیو ډبرو د استعمال څخه ډډه وشي .
4 : په سنګکارۍ کې باید د لویو ډبرو په منځ کې یوه اندازه کوچنې ډبرې استعمال شي، تر څو ډبرې خویې  نه شي .
5 : باید په سنګکارۍ کې د دیوال په څلورو اړخونو کی لویې ډبرې نسبتا د باندی استعمال شي . او کوچنۍ ډبرې باید د دیوال په داخل کی د ډکون لپاره استعمال شي .
6 : په سنکارۍ کې باید د هرې ډبرې  ټولو طرفونو ته مصاله ورکړل شي .
7 : په سنگکارۍ کی ډبرې باید درز په درز استعمال نه شي .
8 : په سنگکاری کی ډبرې باید په ولاړ ډول یعنې نیغې ونه درول شي .
9 : په سنگکارۍ کې باید ډبرې داسې ولگول شي چې اوژد طرف یی داخل د دیوال ته شي .
10 : په سنگکاری کی باید په هس ډول سره کمزورې او درز لرونکې ډبرې استعمال نه شي که څه هم یوه دانه وي .
11 : د سنگکاری خوا او شاه باید تر هغی پټه نه شي چی تر څو یی داخلي مصالي پوره اوبه نه وي خوړلې .
12 : په سنگکاری کی باید په هره نقطه کی د هموارۍ لپاره د پایپ لیول څخه کار واخیستل شي .
13 : په سنگکاری کی باید د باجري څخه استفاده وشي .
۱۴.باید په سنګکارۍ کې تر ۳۵% پورې مصالحه پکار یوړل شي.
۱۵. کله چې سنګکاري مکمله شي، لپاسه یې باید د DPC کانکریټو طبقه همواره کړل شي ،چې مارک یې 200 او نسبت یې 1:1.5:3 دی
۱۶. په ساختمانونو  کې د سنګکاریو د ساتلو بهترینه طریقه انګاف کاري ده، چې باید ټول ډبرین دیوالونه انګاف کاري شي د انګاف د مصالحه نسبت باید 1:3 او یا 1:4 وي.

                               KBC
            Karimi Buildings Construction

Related Articles

عصر کرونایی و مسوولیت مدنی غیر تعاقدی دولت در قبال اتباع || The corona age and the government's non-contractual civil liability to its citizens

نام نویسنده: محمدمصطفی محمدیار (کارشناس ارشد در رشته حقوق خصوصی) Writer’s name: Mohammad Mustafa Muhammadyar مسوولیت مدنی به معنای پاسخگویی در قبال تکالیف است و به دو نوع است، مسوولیت مدنی قراردادی و مسوولیت مدنی غیر تعاقدی که از نوع دوم آن به نام‏های مسوولیت مدنی غیر قراردادی، مسوولیت مدنی غیر عقدی، مسوولیت مدنی خاص، ضمان قهری، مسوولیت تقصیری، م...

د افغانستان د بریا مهم پيغام

د نولس کلنو نړیوال جام په منځلوبو کې د افغانستان کرکټ ملي لوبډلي له سرې لنکا لوبه وګټله او نیمه پایلوبې ته یې لار پیدا کړه.دا هغه لوبډله ده چې تر وروستۍ شیبو یې ویزې نه ورکولې، ویسټ انډیز ته په ځنډ لاړل. تمرینونه یې ګډوډ شول، د لومړي لوبې نېټه یې وخنډیډه خو دا دی بیا هم نن تر نیمه پایلوبې ورسېدل. افغانستان کې له عادي وګړو نیولې بیا تر دغسې نړیوالو...

قاموس لیکنه

قاموس لیکنه (Lexicography   )      قاموس لیکنه (  What’s  Lexicography  )قاموس لیکنه د ژبپوهنې هغه برخه ده چي د یوې ژبي  د لغاتونه مانا او تشرېح کوي او کله کله یې بیا په مقابل کي د بلې ژبي هغه لغات چي د همدې ژبې د لغات سره یو ډول مانا ورکړي. (معجم العربیة). قاموس لیکنه د  ډېکشنري تحلیل، تشرېح او تجزیه ده. د یوې ژبې علمي او ساینسي تجزیه ده،)    )...

Recommended Articles

بي دوه پنځوس" څه ډول الوتکې دي؟"

ژباړه ـ ریاض مقامزی په هېواد کې د جګړو له پراخوالي سره سم امریکايي ځواکونو اعلان وکړ، چې د بي.۵۲ الوتکو پر مټ به پر تالبانو هوايي بریدونه وکړي؛ همداسې وشول او په بېلابېلو سیمو کې یې د وسله والو تالبانو ډلې په نښه کړې. خو اوس پوښتنه دا ده، چې بي ـ ۵۲ څه ډول الوتکې دي او کومې ځانګړتیاوې لري؟  ددې لیکنې تر پايه به مو دواړه پوښتنې حل شي.    ځانګړتي...

د وينا پر مهال د ويرې ختمولو 27 ګټورې لارې

هغوى چې په سټيج باندې عونډو، سيمنارونو، ټولګي او حتى د ملګرو سره په مخامخ خبرو پر مهال ويره احساسوي دوى عمومآ د Glossophobia په اروايي ناروغۍ اخته دي، چې د خبرو دغه ويره د مرګ له ويرې هم سخته ده چې ستاسو مسلکي او شخصي ژوند زيان رسولى شي. ددغې ويرې پر مهال ستاسو بدن ريږدي، لاسونه مو خولې کيږي، زړه ضربان مو زياتيږي، چې په تجارت او د ژوند په نورو اړخ...

د حافظې د پیاوړتیا څو لارې

هغه حقیقت چې د عمر په زیاتېدو سره حافظه له منځه ځي، دلیل نه شي کېدای چې ونه شو کولی د له منځه تللو طریقه یې ډېره سسته کړو. څېړنو ښودلې ده چې موږ کولی شو د امکان تر حده حافظه وساتو، اجازه راکړئ دغه عملي لارې وسپړو.  د حافظې د قوي کېدلو څو لارې  ژور فکر وکړئ چې فعاله حافظه مو بهتره شي: فعاله حافظه تقریباً ستاسو د مغز د یادښت کتابچه ده، چېرته چې نوي...