To start downloading books

Please sign in or create an account.

یوه 95 کلن سړي د ژوند 50 مهمې خبرې

یوه 95 کلن سړي د ژوند 50 مهمې خبرې

د یوه 95 کلن سړي د ژوند 50 مهمې خبرې!
ژباړه: طارق تسل
۱. خلکو ته دوهم چانس هم ورکړئ! خو درېیم بیا مه ورکوئ!
۲. کله چې درته شک پیدا شو؛ د تحقیق لپاره یو بل قدم هم پورته کړئ!
۳. پر خلکو رشخند مه وهئ!
۴. د ژوند ملګری/ملګرې په ډېر پام سره وټاکئ! ځکه چې دې پرېکړې پورې ستاسې غم او خوښي تړلې ده.
۵. له خپلې ګټې څخه زیاتې پېسې مه مصرفوئ!
۶. زاړه پلونه مو مه ورانوئ! تاسې څه پوهېږئ؟ چې بیا به مو د سیند څخه د تېریدلو پر مهال څو ځله پکارېږي.
۷. که ملګري ته مو راز ویلو؛ نو وړاندې ترې دوه ځله فکر وکړئ!
۸. له هغه چا لرې اوسه! چې د بایللو لپاره هیڅ نه لري.
۹. د خوب له ځای سره مو نږدې د یاداښت کتابچه او قلم کېږدئ! لوړ فکرونه کله کله د شپې په ۳ بجو هم راځي.
۱۰. پر جامو اخیستلو زیات لګښت مه کوئ!
۱۱. کله چې د چا کره میلمانه شوئ؛ د ډوډۍ ستاینه یې وکړئ!
۱۲. هر شی چې تکلیف در رسوي، ترې لرې اوسئ!
۱۳. که حال مو هر څومره بد یا ښه وي؛ حتمن یوه ورځ بدلېږي.
۱۴. هره ورځ ورزش کوئ! تر دې که ستاسې خوښ هم نه وي.
۱۵. که ته یې و نه غواړې؛ نو نه در رسېږي.
۱۶. که کېږي؛ نو هره ورځ د مالټې جوس وڅښئ! دا مو ځوانوي.
۱۷. پېسې مو اوس سپما کړئ او وروسته یې بیا مصرف کړئ!
۱۸. هر وخت زړور اوسئ!
۱۹. په اسانه ماتې مه منئ! ځکه تاسې څه پوهېږئ چې وړاندې به څه کېږي.
۲۰. دا مهمه نده چې ته دې په خپله خبره ولاړ اوسې، کیداې شي ته په غلطه یې.
۲۱. له چا څخه په کرکې کولو سره خپل وخت مه بربادوئ!
۲۲. له ملګرو او خپلوانو سره اړیکې وپالئ! په دې سره مو ډېر کم وخت مصرفېږي؛ خو ګټه یې زیاته ده.
۲۳. له خپلې ماضي سره سوله وکړئ! تر څو حال مو خراب نکړي.
۲۴. له تا پرته ستاسې د خوښۍ ذمه وار بل هیڅوک هم ندی.
۲۵. څوک چې غاړه درکوي؛ پرېږده چې در یې کړي.
۲۶. له خپل لومړني معاش نیولې بیا تر تقاعده پورې سپما وکړئ!
۲۷. کینه د وخت ضایع ده، تاسره هغه څه شته چې ستا ورته اوس اړتیا ده.
۲۸. ستونزو ته لاس تر زنې مه کینئ! پر حل یې فکر وکړئ!
۲۹. خپل ژوند له نورو سره مه پرتله کوئ! تاسې ته څه مالومه ده چې هغوې په کومه لاره روان دي.
۳۰. خواړه مه ضایع کوئ!
۳۱. کوچنیانو سره د لوبو پر مهال هغوې پرېږدئ چې له تاسې یې وګټي.
۳۲. شکر وباسئ! او هغه خلک مه هیروئ چې مرسته یې درسره کړې ده.
۳۳. له اړتیا زیات چمتوالی ولرئ! او بیا په سمندر ور ګډ شئ!
۳۴. خلک له هیلو مه محروموئ! دا وروستۍ هڅه ده چې دوې پرې ډاډه دي.
۳۵. خپل ښه لباس مو همدا نن پر ځان کړئ! د ځانګړو مراسمو لپاره یې مه ساتئ! همدا نن تاسې لپاره ځانګړې ورځ ده.
۳۶. خلکو ته بخښنه وکړئ! که هر څومره درته ستونزمنه هم وي.
۳۷. کله چې ناروغه شئ، دنده مو پکار نه راځي خو ملګري مو پکار راځي؛ نو اړیکې پیاوړې کړئ!
۳۸. یواځې هغه کتابونه خلکو ته ورکړئ! چې تاسې یې نه لولئ!
۳۹. په خواږه، لوړ او پُرجوشه غږ ټیلیفون ته ځواب ورکړئ!
۴۰. که نن ثابت قدمه وې؛ د راتلونکي هر حالت څخه په اسانۍ سره تیریدلې شې.
۴۱. خپل شته نعمتونه وشمارئ!
۴۲. ستاسې کوچنیان فقط یو د کوچنیوالي دوره لري، یادګار ترې جوړ کړئ!
۴۳. له نورو سره ژړل؛ له دې غوره ده چې یوازې وژاړې.
۴۴. یاد ولرئ! چې په هر کار کې ۸۰ سلنه بریالیتوب له خلکو سره په خبرو کولو کې نغښتی دی.
۴۵. څوک چې درسره مینه لري، موقع ورکړئ چې اظهار یې درته وکړي.
۴۶. له خلکو سره د خبرو پر مهال د هغوې سترګو ته وګورئ!
۴۷. نور خلک چې ستاسې په تړاو هر ډول فکر کوي؛ خپل کار یې دی.
۴۸. د هغه چا ډېر درناوی وکړئ! چې حلاله روزي ګټي، که کاروبار یې هر څومره کوچنی هم وي.
۴۹. پر ټیلیفون د مهمو خبرو پر مهال هیجا ته د مزاحمت اجازه مه ورکوئ!
۵۰. واده یوازې د مینې لپاره وکړئ!
#all_information 
All Information 
#like #invite  #page #Delsoz

Related Articles

بې خوبي او هېښوونکي روغتيايي ستونزې

انسان د ژوند په اوږدو کې استراحت او منظم خوب ته اړتيا لري. که تاسو په مناسبه اندازه خوب و نه کړئ، له ګڼو وژونکو ناروغيو سره به مخ شئ. انسانان په خاصه توګه ځوانه طبقه د بنډارونو، مطالعې، بوختياوو، ستونزو او نورو بېلابېلو عواملو له کبله بې خوبي کوي. يا هم په کافي اندازه خوب نه کوي، چې ددې کار تاوان ډېر زیات دی. کوښښ وکړئ په مناسبه اندازه خوب ولرئ، تر...

انفلاسیون څه ته وايي؟

لیکنه: سرفراز څرګند انفلاسیون په عامه اصطلاح د توکو او خدمتونو په نرخونو کې په عمومي کچه جګوالي ته وایي یا په بله معنا انفلاسیون په اقتصاد کې هغه حالت ته وایي چې پیسې خپل ارزښت له لاسه ورکړي او د توکو او خدمتونو په نرخونو کې لوړ والی راشي چې دغې حالت ته انفلاسیون وایي، چې یاده چاره په اقتصاد کې مهم رول لوبوي او دولتونه ورته باید متوجي اوسي، مخکې ل...

د زیتون بانو لنډ ژوندلیک

لیکنه ـ ریاض مقامزی په پښتني ټولنه کې چې د ښځو پر وړاندې ګڼ شمېر ننګونې موجودې دي، د یوې مېرمنې دومره شهرت یوازې او یوازې د ډېر زحمت او جرأت پایله کېدای شي. آغلې بانو د خپل ژوند په اوږدو کې ګڼ شمېر داستاني آثار وپنځول او د یوې لوستې پښتنې مېرمنې په توګه یې خپل مسولیت ادا کړ. د نوموړې په مړینې سره د پښتو ادب یوه سرشاره چینه وچه شوه. په دې لیکنه کې...

Recommended Articles

که جرأت نه لرئ، مه خفه کېږئ! دلته يې لاملونه او حللارې لوستلای شئ

 ژباړه: هدایت الله همت ارواپوهانو له نظره، بې جراتي او پر ځان نه باور له هغو ستونزو دي، چې ځوانان د ماشوم والي له دورې ورسره لاس و ګرېوان کېږي. دوی ته دا حق نه ورکول چې له خپلو حقه حقونو ساتنه وکړي او که کله دوی دا کار کوي نو د کورنۍ د مشرانو له خوا رټل کېږي او د جرات ماده یې په هماغه کوچني والي کې مړه کېږي.   ځينې خلک بیا خپل جرات په هماغه کوچني...

ملا نصرالدین څوک و؟

ملا نصرالدين ته ترکان حواجه يا خواجه نصرالدين وايې، افغانان او اير انيان يې ملا نصر الدين (ملا نصرودين) بولي،عربان يې دجحا نصرالدين او افندي نصرالدين په نامه پيژني٠  ملا نصرالدين د يوه روايت پر بنسټ په اوومې هجري پېړۍ کې چې د١٢٠٩ زېږدېز/میلادي کال سر ه سمون خوري دسلجوقي واکمنۍ په زمانه کې دتر کيې دخورتو په ښار ګوټي کې دې نړۍ ته سترګې پرانيستلي دي...

کوم ډول خلک بايد کېله ونه خوري

که څه هم کېله ځيني ګڼې ګټي لري خو دغه ميوه ځينې عورايض او تاووانونه هم لري.چې په لاندي ډور ورته اشاره کوو. دغه خوږ ميوه د خپل ځانګړي خوند، او نرموالي له امله په ټوله نړۍ کې مشهوره ده. ګېله کوم ډول زيانونه لري. ۱: د وزن زياتوالی دـ ځينو نورو خوړو په څير کېله هم پريمانه کالوري لري چې د وزن د زياتوالي لامل کيږي په هره متوسطه کېله کې ۱۰۵ ګرامه کالو...