To start downloading books

Please sign in or create an account.

Faridon Delsoz Niazai 1 year ago 1,042
په ډپرېشن کې له ځان سره مرسته

په ډپرېشن کې له ځان سره مرسته

په ډپرېشن کې له ځان سره مرسته (Self Help in Depression):
که چېرې دوه اونۍ او ياله دې څخه ډېروخت لپاره ځان خپه،نااميده،بې مينې اوبې له کوم معلوم لامل څخه بې خوبه،ډېر ستړى اوبې انرژۍ احساسوي بايد په رواني ناروغيو کې ماهر ډاکټرته ورشٸ.
بې له دې چې داپه پام کې ونيسٸ،چې کوم ډول ډپرېشن لرٸ،لاندې اقدامات چې له ځان سره دمرستې(self help)په نامه هم يادېږي،ګټوره پايله لري.
1_پوره خوب وکړٸ.
2_صحي اوښه غذا وخورٸ،دادرسره مرسته کوي،چې روغتياموښه پاتې شي اوله ډپرېشن څخه ژر روغ شٸ.
3_منظم فزيکي تمرين وکړٸ،رڼاته ووځٸ،ښه وګرځٸ،منډې ووهې،بايسکل وچلوٸ اونورفزيکي کارونه او تمرينونه ترسره کړٸ.
4_له الکولو،چرسواونورونشه يي توکودکارولوڅخه ځان وژغورٸ.
5_ په داسې کارونولاس پورې کړٸ،چې تاسې خوشالوي،سره له دې چې کېداى شې اوس مو خوښ نه شي.
6_ خپل وخت له خپلې کورنۍ اوملګرو سره تېرکړٸ،خپل ځان په خپله يوازيتوب ته مه ورکوٸ.
7_ له روحاني او مذهبي عالم سره وغږيږٸ،په مذهبي غونډو اومراسمو کې ګډون وکړٸ،لمونځ په خپل وخت په جماعت سره اداکړٸ او دقرآن کريم تلاوت وکړٸ.
8_ عبادت دناروغ روح ته غذاورکوي او هغه ځواکمنوي.
9_ له خپلې غذاسره(Omega-3)شحمي اميدونه،چې په ماهيانو کې موندل کېږي ضميمه کړٸ.
10_  ۔  Falat(vit bq),چې په Multivitamin ګوليوکي د٤٠٠-٨٠٠   مايکرو ګرامه موجود دي،وخورٸ.
11_   ځان ته داسې موخې وټاکٸ،چې رسيدل ورته ستاسې لپاره اسان وي.
 12_ ځان ته ستونزمنې اوکړونکې دندې مه ټاکٸ،بلکې هغه دندې اوکارونه چې تاسو ته ډېر اسان وي وټاکٸ اوځان پرې مشغول کړٸ.
13_ که نورکسان غواړي،چې مرسته درسره وکړي،پريږده چې ويې کړٸ.
14_ داسې تمه بايد ونه کړٸ،چې ډپريشن به يودم درڅخه لرې شي،بلکې ورو ورو به لومړى اشتهاښه شي اووروسته به مو په کراره کراره دډپرېشن په نورو اعراضو کې ښهء والى راشي.
 15_  مهمې پريکړې وروسته وځنډوٸ،لکه واده کول،نوې دنده اخستل،اونور مهم تصميمونه ،که کوم اړين او مهم  تصميم نيسٸ،تل له هغو کسانو سره مشوره وکړٸ،چې تاسې ښهء پېژني اواتبار ورباندې لرٸ
 16_ په ياد ولرٸ چې کله مو ډپرېشن ددرملنې په مقابل کې ښه غبرګون ښيي،مثبت فکرونه دې په مغزو کې دمنفي فکرونو ځاي نيسي.
17_ دډپرېشن ضد درمل که درته پيل شوي وي،په خپل سر سره مه خوشې کوٸ،بلکې تل په دې هکله  له ډاکټر سره مشوره وکړې.
18_ که دځان وژنې فکرونه درته پيداشول،تر هر څه ژرځان ډاکټراويا نږدې روغتون ته ورسوٸ او له خپلې کورنۍ اوملګرو څخه مو حال مه پټوٸ،له هغوى څخه وغواړٸ،چې مرسته درسره وکړي اوډاکټر ته مو ژر بوزٸ.
19_ له نورو خلکو سره خبرې وکړٸ،خپلو نږدې کسانو ته ووايي،چې تاسوڅنګه احساس لرٸ او څه فکرکوٸ،چې دامو د اعراضوپه ښه کېدو کې مرسته كوي .
20_له خپلو منفي فکرونو سره مبارزه وکړٸ،هغه کسان چې ډپرېشن لري دخپل ژوند،خپل ځان اوخپلې راتلونکې په اړه بدبين او دښه کېدو فکر اوتوقع نه لري.دافکرونه هېڅکله مه منٸ،خپل منفي فکرونه وليکٸ اوله هغه سره يې چې په نورمال حالت کې مو درلودل پرتله کړٸ اوهڅه وکړٸ،چې دا قبوله کړٸ چې منفي فکرونه يوازې دډپرېشن نښې دي اوله واقعيت سره سمون نه لري او باوروکړٸ چې تاسې بېرته ښه کېږٸ.
 21_ ځان ته دخپلو ورځنيو کارونو دتر سره کولو لپاره يو يادښت وليکٸ،چې څه،څه بايد ترسره کړٸ.
22_دخوب له ګوليو او هغه درملو چې اراموونکى تاثيرلري،ځان وژغورٸ.
23_دورځې لخوا ډير ارام او استراحت مه کوٸ.
24_تاسي هېڅ ګناه نه لرٸ،دالکه دنوروجسمي ناروغيو په څېر يوه ناروغۍ ده او دايى اعراض دي،چې تاسې انرژي نه لرٸ،ستړي ياستٸ،خپه يٸ او څه کار ته مو زړه نه کېږي او يا کار نه شٸ کولاى،داهرڅه به بېرته ښه شي.
25_ دهيلې لمن مه پريږدٸ،داخبره په دې نه ارزي،چې تاسې يې شپه اوورځ په فکر کې ياست اوناارامه کړي يٸ،ستاسې احساس به ورو ورو بدلون وکړٸ او ښه به شٸ.
ډاکتر رحمت الله بشرمل
دعمومي داخله ناروغیومعالج
دعصبي اومعدي ناروغیو ماهر
                                  MD,KMF
اړیکه او واټساپ 0700048913
اړیکه اوواټساپ
اړیکه: 
ادرس: کندهار افغانستان
که مو معلومات خوښ سوی وی پانه لایک اوشیر کړي مننه
https://www.facebook.com/ډاکتر-رحمت-الله-بشرمل-106438185021314/

Related Articles

د نړۍ لومړنۍ ښځينه شاعره؛ سافو

لیکنه ـ ریاض مقامزی له میلاد څخه شپږسوه کاله وړاندې د "لیس بوس" په ټاپو کې یوه شتمنه کورنۍ اوسېده. په یاده کورنۍ کې یوه نجلۍ وزېږېده، چې نوم یې پرې سافو "Sappho" کېښود. وروسته یوه لویه شاعره شوه او د نړۍ لومړنۍ ښځينه شاعره بلل کېږي. د شعرونو له محتوا او مفکورې څخه معلومېږي، چې سافو یوه ځيرکه او با تدبیره مېرمنه وه.  نوموړې د ځينو ستونزو له امله د...

څنګه کولای شو هدف ته ورسېږو؟

 تاسو به ډېر داسې کسان لیدلي وي او یا به مو په اړه معلومات لوستي وي چې په ژوند کې بریالي دي، موخو ته رسېدلي او تر نورو یې ژوند جوړ او خوشحاله دي. خو دا چې دوئ څنګه ځان دې ځای ته رسولای؟دا خو معلومه خبره ده چې انسانان، پوهان او شتمن خلک څنګه چې دي دغه شان له مور نه نه دې زېږېدلي بلکې په خپل فکر، خپل زیار او خپلو هڅو یې ځانونو دغه ځای ته رسولي. هر ان...

ادب او ژورناليزم

ادب او ژورناليزم  27.05.2007  ځينې خلك ژورناليزم او ادب يو صنف ګڼي. كېداى شي دغه خلك د خپل عامه فكر لپاره ډول، ډول دليلونه ولري، ولې ځينې داسې برخې شته چې پكې ژورناليزم او ادب له يو بل سره ورته موخې لري. د بېلګې په ډول ژورناليزم كېداى شي د يوه خاص دور تاريخ وګڼل شي چې د اوچتې پايې ادب هم همدا ځانګړتيا لري. همدارنګه كه د ناخوالو پر خلاف ژورناليزم...

Recommended Articles

که دا عادتونه خپل کړئ له غربت څخه خلاصېږئ!

لیکنه ـ ریاض مقامزی دا به سمه خبره وي، چې شتمني له قسمت سره تړلې ده؛ خو دا خبره هم هېڅکله غلطه نه ده، چې ستاسو عادات په دې برخه کې رغنده رول لري. که تاسو هر څومره ډېرې پیسې ولرئ؛ مګر پر مصرف، پانګونې او نورو لاروچارو پوه نه شئ ډېر ژر به مو غربت د کور تر دروازو ورسېږئ. یا که ډېر غریب هم یئ؛ مګر دا لارښوونې عملي کړي، نو ډېر امکان شته، چې له غربت څخه...

ملا نصرالدین څوک و؟

ملا نصرالدين ته ترکان حواجه يا خواجه نصرالدين وايې، افغانان او اير انيان يې ملا نصر الدين (ملا نصرودين) بولي،عربان يې دجحا نصرالدين او افندي نصرالدين په نامه پيژني٠  ملا نصرالدين د يوه روايت پر بنسټ په اوومې هجري پېړۍ کې چې د١٢٠٩ زېږدېز/میلادي کال سر ه سمون خوري دسلجوقي واکمنۍ په زمانه کې دتر کيې دخورتو په ښار ګوټي کې دې نړۍ ته سترګې پرانيستلي دي...

له مطالعې سره څنګه ځان عادت کړو؟

لیکنه ـ ریاض مقامزی د هر لوستي ځوان لپاره دوامداره مطالعه ډېره اړينه او مهمه ده. که تاسو دوامداره مطالعه کوئ، ذهن به مو فعال وي او هېڅکله به په وینا کې له بندښت سره مخ نه شئ. ددې ترڅنګ مطالعه ګڼې نورې ګټې هم لري. موږ نه غواړو، چې تاسو ته د مطالعې پر ارزښت وغږېږو. یوازې غواړو، تاسو ته ددې لارښوونه وکړو، چې څنګه دوامداره مطالعه خپل عادت وګرځوو. آیا...