To start downloading books

Please sign in or create an account.

Ketabton 4 years ago 3,344
زموږ د خپګان او ناکامۍ څلور لوی لاملونه کوم دي؟

زموږ د خپګان او ناکامۍ څلور لوی لاملونه کوم دي؟

ځينې خلګ له ژونده نارضه وي، او فکر کوي چې ګواکي ټول مشکلات يوازې دوی تيروي، خو داسې نه ده د نړۍ ټول خلګ مشکلات لري، د نړۍ ټول خلګ له ستونزو سره مخ کېږي، خو د هغوی د برياليتوب لامل دا دى چې لاندې څلور خاصيتونه يې حذف کړي؛ راځئ دا څلور ځانګړتیاوې وپيژنو او له ژوند څخه يې لرې کړو څو موږ هم په خپل ژوند کې خوشاله او بريالي انسانان واوسو.
هغه څلور خاصيتونه دا دي:

1- د نورو لپاره ژوند کوو:
ژوند په هر ځاى کې او د هر چا لپاره بيل دى، او هر څوک د خپل ځان لپاره ژوند کوي، خو ځينې بيا د ژوند په هره برخه کې نور خلک او حتى خپل دوستان دخيلوي، مثلاً وايي که پلانکی کار وکړم پلانی به څه وايي، خلګ به راپسې بد وايي، خلکو ته به کم راشم، خلګ به راپسې وخاندي… او په لسګونو داسې نور دليلونه، دا هغه څه دي چې موږ نه پريږدي آزاد، خوشال او په خپله خوښه ژوند وکړو، چې بالاخره په ژوند کې د زياتو ستونزو او د ناهيلۍ سبب کيږي.

2-ناسالم رقابت او له نورو سره د ځان مقايسه:
هغه څه چې الله ج موږ ته راکړي په هغو شکر نه باسو، او هميش لوړو ښاخونو ته لاس اچوو، او دا فکر کوو چې پلانى دا څه لري زه يې ولې نه لرم؟
پلاني دا کار وکړ زه يې ولې نشم کولاى؟
دا او دې ته ورته په سلګونو نور مثالونه شته چې موږ نه پريږدي له خپلو امکاناتو او ژوند څخه خوند واخلو، او خوښ و اوسو.

3-هميش د دې انتظار کوو چې بل څوک دې موږ ته خوښي راکړي:
دا نظر کاملاً غلط دى، زموږ د ژوند جوړونکي او د خوښۍ راوستونکي يوازې موږ خپله يوو، نور خلګ نه زموږ ژوند راته جوړولاى شي او نه خوښي راکولاى شي، موږ دا هرڅه هغه وخت کولاى شو چې هيڅکله ماتې و نه منو، هميش قناعت او هڅه وکړو، هيڅکله له نورو دا تمه او توقع ونه لرو چې دوى دې موږ ته خوښي راکړي، د خپل ځان د خوښۍ او برياليتوب لپاره خپله هڅه او تلاش وکړو.

4-ځان له نورو کم ګڼل:
دا خاصیت تر ټولو خطرناک دى، خپل ځان هيڅکله کم مه ګڼه، خپل ځان ته په خپله ارزښت ورکړه، په خپل ځان اعتماد او باور انسان لوړو پوړونو ته رسوي، تاسو د خپل ځان او نړۍ اتلان ياست، د نړۍ ټول خلک يو شان خلاقيت لري، څه چې نورو خلکو کړي موږ يې هم کولاى شو، څه چې نورو زده کړي موږ يې هم زده کولاى شو، فقط فرق به يې دا وي چې نور خلک لږ تر موږ مخکې بريالي شوي او موږ ورپسې لږ وروسته بريالي کيږو، په ماتې هيڅکله باور مه لرئ، هميش په خپل ځان باور او اعتماد ولرئ او دا نظر ولرئ چې هميش به بريالي کيږو انشاءالله.

له حوصلې او لوستلو څخه مو مننه

Related Articles

د سر درد لس لاملونه

کلستري سر درددا ډول سر درد له ځان سره شدید درد لري، په داسې حال کې چې دا درد د نورو ډولونو په پرتله لږ عام دیاو له هرو لسو نفرو (۹) یي نارینه دي، او بل هغه کسان چې ډیر وخت نشه یي توکي کاروي هم له دې ډول سر درد سره مخ کیږي.د کلستر سر خوږي په ډلیزه توګه حمله کوي،سر دردي، هره ورځ په یوه معین وخت کې خپریږي. او امکان لري دا دردونه ورځې، اونۍ، او کیدای ش...

ګلابو - لومړۍ برخه

ګلابو - لومړۍ برخه ۲۰۱۹ میلادي کال - کابل  د پسرلني سمسټر د پیل لومړۍ ورځ ده، غالب د ښوونځي څخه د فراغت څلور کاله وروسته پوهنتون پیل کړی له لمانځه وروسته یې د ځان تیارولو باندې پیل وکړ ۶:۳۰ کیدونکې وې غالب یې د مور خونې ته ورغی ویې ویل:- ادې! زه ځم غالب منډه کړه مور یې ورپسې ورغله غږ یې کړ:- زویه! یو څه خو وخوره کنه بیا ولاړ شه غالب غږ کړ:- نه...

سنګ کاری Stone Masonry

سنګ کاري Stone Masonry, Rock Masonry : سنګ کاري هم دساختماني کارونو له جملې څخه دی او برآورد يې په مترمکعب سره ترسره کيږي ، د سنګ کارۍ دحجم 30-35 فيصدو پورې مصالحه Mortar (1:6) په نظر کې نيول کيږي.په جلال اباد او شاوخواسيمو کې دسنګ کارۍ لپاره دکامې دغره له تيګو څخه چې ښه جنسيت لري زياته استفاده کيږي.اوس مهال په جلال اباد ښارکې ديوموټرتیږې قیمت 170...

Recommended Articles

بي دوه پنځوس" څه ډول الوتکې دي؟"

ژباړه ـ ریاض مقامزی په هېواد کې د جګړو له پراخوالي سره سم امریکايي ځواکونو اعلان وکړ، چې د بي.۵۲ الوتکو پر مټ به پر تالبانو هوايي بریدونه وکړي؛ همداسې وشول او په بېلابېلو سیمو کې یې د وسله والو تالبانو ډلې په نښه کړې. خو اوس پوښتنه دا ده، چې بي ـ ۵۲ څه ډول الوتکې دي او کومې ځانګړتیاوې لري؟  ددې لیکنې تر پايه به مو دواړه پوښتنې حل شي.    ځانګړتي...

کوم ډول خلک بايد کېله ونه خوري

که څه هم کېله ځيني ګڼې ګټي لري خو دغه ميوه ځينې عورايض او تاووانونه هم لري.چې په لاندي ډور ورته اشاره کوو. دغه خوږ ميوه د خپل ځانګړي خوند، او نرموالي له امله په ټوله نړۍ کې مشهوره ده. ګېله کوم ډول زيانونه لري. ۱: د وزن زياتوالی دـ ځينو نورو خوړو په څير کېله هم پريمانه کالوري لري چې د وزن د زياتوالي لامل کيږي په هره متوسطه کېله کې ۱۰۵ ګرامه کالو...

په ځوانۍ کې د ويښتانو سپينېدل او درملنه

د ويښتانو سپينېدل اکثراً د زړښت معنا ورکوي نو ځکه خو انسان د خواشينۍ احساس کوي؛ مګر دا لا ډېره خواشينوونکې وي، چې په ځوانۍ کې مو ويښتان سپين شي. په طبیعي توګه د سپين پوستو ويښتان نسبت تورپوستو ته ژر سپینېږي. معمولاً په سپين پوستو کې د ويښتانو سپينېدل د ژوند د څلورمې لسیزې په لومړيو کې پيلېږي، مګر په نورو نژادونو کې دا حالت د څلورمې لسیزې په وروستيو...