To start downloading books

Please sign in or create an account.

د انګلېسي ژبې د چټکې زده کړې تګلاره! 

د انګلېسي ژبې د چټکې زده کړې تګلاره! 

لیکنه ـ ریاض مقامزی

اوسنۍ نړۍ د سرعت نړۍ ده. ټول غواړي، چې ژر ـ ژر خواړه پاخه کړي، کار ته لاړ شي، شتمن شي او همداسې ژر خپلو موخو ته ورسي. دا غوښتنه بېخي طبیعي ده، په داسې نړۍ کې ژوند کوو، چې د یوې تڼۍ په کېکاږلو سره د دنيا له یوه کونجه له بلې برخې سره وصل کېږو، نو د خلکو غوښتنې هم همداسې چټکې شوي دي.
 آيا د سرعت غوښتنه د ژوند په هره برخه کې کېدای شي؟ داسې تګلاره شته، چې انګلېسي ژبه ژر زده شي؟
 هو؛ تاسو کولای شئ له ځينو لارو چارو څخه په ګټې اخيستنې انګلېسي ژبه ډېر ژر زده کړئ.  

۱. اهميت

انسانان هر هغه څه ته پاملرنه کوي، چې اهميت ورته لري. نو تاسو هم کوښښ وکړئ، تر هر څه لومړی د انګلېسي ژبې پر اهميت ځان پوه کړئ. کله چې ددې ژبې ارزښت ته قایل شوئ نو بیا به ډېره هڅه کوئ، چې زده یې کړئ. 
 موږ په ډېر لنډ ډول ددې ژبې پر اهيمت غږېږو. تر هر څه اول دا چې انګلېسي یوه نړېواله ژبه ده. که تاسو د نړۍ هر ګوټ ته ځئ نو ددې ژبې ويونکي پيدا کولای شئ. که په کوم بل هېواد کې له ستونزو سره مخ کېږئ، له دې لارې خپله ستونزه حلولای شئ.
 انګلېسي د ټکنالوژۍ ژبه ده؛ په اوسني عصر کې د بریا لپاره اړينه ده، چې د نورو زده کړو ترڅنګ په ټکنالوژۍ هم پوه اوسو. خو د ټکنالوژۍ سمه زده کړه پر انګلېسي ژبې له پوهېدا پرته سخته ده. همدارنګه د نړۍ نوي علمي څېړنې او مقالې پر همدې ژبې خپرېږي. که تاسو د هر مسلک زده کړیال یئ ستاسو د مسلک اړوند ټول نوي مواد په همدې ژبې پيدا کېږي. نو اړينه ده، چې یاده ژبه کړئ. 

۲. اراده

که تاسو د انګلېسي ژبې پر اهميت پوه شوئ نو اوس اړينه ده، چې قوي اراده وکړئ. له قوي ارادې پرته د هر کار ترسره کول ستونزمن وي. کوښښ وکړئ د انګلېسي ژبې د پيل او زده کولو پخه اراده وکړئ. تر څو ژر وکولای شئ دغه ژبه زده کړئ. تاسو نور انتظار ته اړتيا نه لرئ، همدا اوس یې اراده وکړئ او پيل یې هم کولای شئ! 

۳. انګلېسي ویډيوګانې وګورئ

په درېيم قدم کې تاسو کوښښ وکړئ د انګلېسي ژبې د زده کړې ويډيو ګانې وګورئ. ددې کار ګټه دا ده، چې ستړی کوونکی نه تمامېږي. په دې توګه تاسو له ستړيا پرته په اسانۍ سره دغه ژبه زده کړئ. 
 د ويډيوګانو په برخه کې د فیلمونو، کارټونی ويډيوګانو، د انګلېسي برنامو، مناظرو، کميډيو او ورته نورو ويډيوګانو وړانديز کېږي.
 ددې کار بله ګټه دا ده، چې په دې توګه د ژبې د اصلي ويونکو د تلفظ انداز هم زده کېږي او د اورېدلو هنر هم پياوړی کېږي. تاسو بیا ډېر ژر کولای شئ د انګلېسي ژبې د ويونکو په خبرو پوه شئ. 

۴. ورته والی پيدا کړئ

کله چې تاسو انګلېسي ژبه زده کوئ، نو کوښښ وکړئ د انګلېسي ژبې له یوه لغات سره ورته نور لغاتونه هم زده کړئ. مثلا په انګلېسي کې "Pen" قلم ته وايي، خو که د منځ "e" توری په "I" بدل شي نو "Pin" ترې جوړېږي، چې د مېخ کولو، ټومبلو، نښلولو او یا ټک وهلو معنی ورکوي. همدارنګه که له همدې "Pin" سره په وروستۍ برخه کې یو "K" زیات شي، "Pink" ترې جوړېږي، چې د ګلابي رنګ معنا ورکوي.
 که پورته ځير شئ په یوه لنډه شېبه کې تاسو څو لغاته زده کړل. په انګلېسي کې د داسې لغاتونو ګڼې بېلګې موندلی شو، په دې توګه تاسو ډېر ژر نوي او زیات لغاتونه زده کولای شئ. 

۵. د لغاتونو کورنۍ پيدا کړئ

په انګلېسي ژبه کې د لغاتو کورنۍ ډېره مهمه برخه ده. دا هم تاسو سره مرسته کوي، چې زیات لغاتونه په کم وخت کې زده کړئ او هم په مناسبو ځايونو کې د یادو لغاتونو په کارولو وپوهېږئ. 
 مثلا "Beatiful" ښکلي ته وايي، چې صفت دی. خو که همدا "Beauty" شي د ښکلا معنی ورکوي، چې یو اسم دی. ددې ترڅنګ "Beautify" فعل دی د ښکلي کولو معنا ورکوی.
 که تاسو پورته لغات زده کړل نو ژر به ورته لغات زده کړئ او هم په خبرو کې له غلطۍ ژغورل کېدای شئ.

۶. ډله ييز لغاتونه زده کړئ

د ډله ئيزو لغاتونو څخه مو موخه د یوې برخې د لغاتو زده کول دي. ددې کار ګټه دا ده، چې دا ډول لغات ستاسو په ذهن کې ډېر ژر کښېني. 
 مثلا تاسو د کورنۍ د غړو لغات زده کوئ. یعنې مور، پلار، ورور، خور او نورو غړو ته په انګلېسي کې څه وایي. همدارنګه د رنګونو یا د خوړو نومونه زده کول هم د همدې برخه ده. 

۷. وغږېږئ!

تر ټولو مهمه دا ده، چې تاسو باید په انګلېسي ژبه وغږېږئ. که د انګلېسي ژبې په کورس کې یئ او یا هم په مکتب کې مو د انګلېسي مضمون ساعت وي نو کوښښ وکړئ له خپلو ټولګيوالو او ښوونکي سره په انګلېسي ژبه وغږېږئ. په دې توګه تاسو پر یادې ژبې د غږېدلو هنر هم زده کوئ. 

Related Articles

ناگفته های عرف های ناپسند || Untolds of unliked customs

نام نویسنده: محمدمصطفی محمدیار (کارشناس ارشد در رشته حقوق خصوصی) Writer’s name: Mohammad Mustafa Muhammadyar تا امروز هر زمان که عبارت »عرف‏های ناپسند« گفته می‏شود، اذهان عوام به طرف عرف‏های می‏رود که حقوق زن را نشانه گرفته و مورد تهاجم قرار می‏دهند. به همین سان، حتا زمان که به کتاب‏ها دارای عنوان مشابه به »عرف‏های ناپسند« مراجعه شود، فقط عرف‏های...

د کتاب اخیستلو پر مهال باید کوم ټکي په پام کې ونيسو!؟

لیکنه ـ ریاض مقامزی که تاسو هم له مطالعې سره علاقه لرئ او یا هم هره ورځ مطالعه کوئ، نو حتما به د کتاب اخيستلو پر مهال له ځينو پوښتنو سره مخ شوي یئ. مثلا: کوم کتاب واخلم؟ چېرته یې واخلم او ورته نورې پوښتنې به مو ذهن ته درغلي وي. دا ډېره ښه خبره ده او باید یادې پوښتنې ځواب شي.  په دې وروستيو کې اکثره خلک شکايت کوي، چې له کتاب اخيستلو وروسته پښېمانه...

هایبریډ یا برقی موټرونه

د هایبریډ موټرانو په باره کی د مشتریانو پوښتنی ؟ ۱:د هایبریډ موټر بټری د څومره وخت لپاره کوی؟✅جواب:اټکل کیږی چی د هایبریډ موټر بټری د 5څخه تر 10 کلونو پوری دوام وکړی.۲:ایا هایبریډ موټر ساتنی ته اړتیا لری کنه؟✅جواب:دا چی هایبریډ موټرانو جوړښت مغلق دی او په یوه وخت کی دوه انجنونه کار کوی نو ترمیم یی د عادی موټرانو په پرتله ګران دی په چلاو کی باید...

Recommended Articles

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته بيا بېرته خپل ټول تاثير له لاسه ورکړي، د هورمونونو تاثير د زيات وخت لپاره دوام کوي. د انسان په بدن...

کوم ډول خلک بايد کېله ونه خوري

که څه هم کېله ځيني ګڼې ګټي لري خو دغه ميوه ځينې عورايض او تاووانونه هم لري.چې په لاندي ډور ورته اشاره کوو. دغه خوږ ميوه د خپل ځانګړي خوند، او نرموالي له امله په ټوله نړۍ کې مشهوره ده. ګېله کوم ډول زيانونه لري. ۱: د وزن زياتوالی دـ ځينو نورو خوړو په څير کېله هم پريمانه کالوري لري چې د وزن د زياتوالي لامل کيږي په هره متوسطه کېله کې ۱۰۵ ګرامه کالو...

اعصاب په کومو شيانو کمزوري کېږي

د انسان په وجود کي اعصاب تر ټولو مهمه برخه ده، د انسان ټولي چاري او فعالیتونه د همدغي ناحیې څخه کنټرولېږي.لاندي ځیني مهم ټکي دي چي په پام کي نیول یې د ذهن په سالم ساتلو کي مرسته کو. - د سهار چای نه چیښل:هغه خلک چې د سهار چای نه چیښي په بدن کي یې د شکري اندازه راکښته کېږي، په نتیجه کي یې دماغ ته په کافي اندازه مواد نه ور رسېږي او دماغ کمزوری کېږي....