To start downloading books

Please sign in or create an account.

هګۍ کومې روغتیايي ګټې لري؟

هګۍ کومې روغتیايي ګټې لري؟

ژباړه ـ ریاض مقامزی

د هګيو روغتيايي ګټې له هغه ډېر زیات دي، چې تاسو یې په اړه کوم فکر لرئ.  په دې لیکنه کې به د هګيو پر ګڼو روغتيايي ګټو پوه شئ!

هګۍ یو له هغو ګوتو په شمار خوراکي توکو څخه ګڼلای شو، چې "قوي خواړه" یې بولو. هګۍ له هغو مغري توکو څخه ډکه ده، چې ټول انسانان ورته په خپل غذايي رژيم کې اړتیا لري.

له دې وړاندې چې د هګيو پر روغتيايي ګټو مفصلې خبرې وکړو، لومړی به هغه مواد وپېژنو چې په هګيو کې موجود وي. 

۱ ـ هګۍ له مغذي موادو ډکه منبع ده

د چرګو هګۍ له هغو غذايي موادو څخه ګڼل کېږي، چې ډېری مغذي مواد لري. په یوه هګۍ کې لاندې توکي شامل دي: 

ـ ويټامين ای: ۶ سلنه

ـ فولاد: ۵ سلنه

ـ ويټامين بي۷: ۵ سلنه

ـ ویټامین بي ۹: ۱۲ سلنه

ـ ویټامين بي ۱۲: ۲ سلنه

ـ فسفر: ۹ سلنه

ـ سلنیوم: ۲۲ سلنه

همدارنګه تر یوې اندازې ويټامين ډي، ويټامين اي، ويټامين کا، ويټامين بي ۶ او کلسیم هم لري. ددې ترڅنګ ۷۷ کالوري انرژي، ۶ ګرامه پروټين او ۵ ګرامه سالم غوړ هم د هګۍ برخه جوړوي.

۲ ـ لوتئين او زاکسانتين

دغه دوه ډوله انتي اکسيدان د سترګو د روغتيا لپاره ډېر ګټور دي، چې دواړه یې په هګيو کې موجود دي. د عمر په تېرېدو سره د سترګو ضعيف والی طبیعي خبره ده، خو که په مناسبه اندازه هګۍ وخورئ، له دې ستونزې ژغورل کېدای شئ.

۳ ـ د ويټامين ای ښه منبع ده

په نړۍ کې د نابینايۍ د ناروغۍ له اصلي علتونو څخه یو هم د ويټامين ای کمښت دی. د کورنيو چرګو هګۍ ددې ويټامين د پوره کېدو لپاره مناسب انتخاب دی.

باید ووایو، چې د ويټامين ای شتون په هګيو کې توپير لري. ځکه چې دا کار د چرګانو د خوراک پورې اړه لري.

۴ ـ د سکتې او زړه د ناروغيو ګواښ کموي

د څو لسیزو په اوږدو کې د هګيو پر ګټو شوي قضاوتونه نا عادلانه و. ادعا شوې وه، چې د زیاد کلسترول له کبله کېدای شي، د زړه لپاره ښه نه وي. چې وروستيو او نویو څېړنو دا ادعا ناسمه ثابته کړه. نوې څېړنې ښیي، چې د چرګې د هګۍ او د زړه ناروغيو ترمنځ اړيکه بېخي په نيشت حساب ده. برعکس هغوی چې په مناسبه اندازه هګۍ خوري، د زړه پر ناروغيو د اخته کېدو ګواښ یې د پام وړ کمېږي.

۵ ـ د وزن په کموالي کې مرسته کوي

يوه څېړنه چې په ۳۰ ډېر وزن لرونکو ښځو ترسره شوه، ښيي چې په سهارني کې د هګيو خوړل هغوی له ډېر خوارکه وګرځول او د مړښت احساس یې کاوه. دا چاره ښيي، چې د ډېرې کالري انرژۍ له کبله تاسو له ډېر خوارک ژغورل کېږئ او دا کار مو د وزن په کموالي کې مرسته کوي.

۶ ـ د هډوکو پياوړتيا

د هګيو بله ځانګړنه دا ده، چې هډوکي له زیان څخه ساتي. دا ځکه چې هګۍ ويټامين ډي او سي لري. دا دواړه ويټامينونه د هډوکو لپاره حیاتي ارزښت لري.

۷ ـ کم خوني 

هګۍ د فولیک اسيد درلودونکي دي، چې د وينې د کمښت ستونزه حلولای شي. نو هڅه وکړئ، په خپل غذایي رژيم کې هګۍ ته حتماً ځای ورکړئ. 

۸ ـ د زړښت پروسه کمزورې کوي

ويټامين E موثر انتي اکسيدان دي، چې د آزادو راډيکالونو پر وړاندې مقاومت پياوړی کوي. آزاد راډيکالانه د بدن حیاتي برخو ته زیان رسوي. نو که تاسو غواړئ ژر زاړه نه شئ، په سهارني کې د هګيو خوړل مه هېروئ!

Related Articles

چین ته د لویو پروژو ورکولو تاوانونه

توجوو توجوو!زه چین ته د لویو پروژو ورکولو یا ورسره ډیر اقتصادي تعلقاتو جوړولو مخالف یم. چین داسې یو هیواد دی چې ښه ډیر قرض درکوي خو وروسته دې د هیواد مهم ځایونه لکه معدنیات او بندرونه په قرض کې درنه نیسي. په همدې تخنیک یې نیمه افریقا نیولې. همدارنګه چین چې چیرته پروژې جوړوي خپل چینايي کارګر ورلیږي (افغانستان کې مو ولیدل). پدې چل ډیری سرمایه بیرته خ...

د ماشومانو ترمنځ په شخړو او جگړو کې د والدینو رول

ډېر وخت داسې پیښیږي چې ماشومان د لوبو په اوږدو کې د خپلو همزولو ماشومانو سره په شخړو او جگړو لاس پورې کړي، حتی تر دې چې خبره وهلو او ټکولو ته رسیږی.نو دا وخت ماشومان د خپلو همزولو څخه د کورنیو غړو او خپلو والدینو ته شکایت کوي، او دا هیله له هغوی څخه لري چې د همزولو په مقابل کې به د هغوی دفاع کوي، خو اصلي خبره دا ده چې په دې جریان کې به يې والدین څن...

له واده وړاندې عجیب رواجونه

د انسان په ژوند کې ځينې شېبې او پېښې نه هېرېدونکي وي، چې له دغو شېبو څخه واده او له واده وړاندې مراسم هم د یادولو دي. ددې مراسمو ځانګړنې په بېلابېلو هېوادونو کې توپير لري. حتی په یوه هېواد کې د مختلفو قومونو ترمنځ هم ددې مراسمو توپير ډېر ليدل کېږي. په دې لیکنه کې به تاسو د ځينو حیرانوونکو رواجونو څخه خبر شئ.  هند | د زوم له یوې خور څخه د بوټ/چپلکې...

Recommended Articles

د خپل مخ پوستکی څنګه ښکلی کړو

د خپل مخ پوستکی څنګه ښکلی کړو، چې د هرچا د خوښې وړ وګرځي؟پر پوستکي مختلف داغونه د مختلفو عواملو له امله پیدا کېدی شي لکه د لمر د وړانګو له امله، د ځینو درملو د استعمال له امله او یا کېدای شي د عمر په زیاتېدا سره هم ځینې نښې نښانې را څرګندې شي. په همدې اساس د هر عامل له وجې د پوستکي د داغونو درملنه هم په جدا ډول سره کېږي، چې باید توپیر یې وشي، لکه...

له مطالعې سره څنګه ځان عادت کړو؟

لیکنه ـ ریاض مقامزی د هر لوستي ځوان لپاره دوامداره مطالعه ډېره اړينه او مهمه ده. که تاسو دوامداره مطالعه کوئ، ذهن به مو فعال وي او هېڅکله به په وینا کې له بندښت سره مخ نه شئ. ددې ترڅنګ مطالعه ګڼې نورې ګټې هم لري. موږ نه غواړو، چې تاسو ته د مطالعې پر ارزښت وغږېږو. یوازې غواړو، تاسو ته ددې لارښوونه وکړو، چې څنګه دوامداره مطالعه خپل عادت وګرځوو. آیا...

وړیا PDF کتابونو معتبر سایټونه

وړیا pdf کتابونه چیرته پیدا کړو؟ ځواب: 👇 دلته میلیونونه کتابونه موندلی شئ  دا چې یو زیات شمیر کتاب لوستونکو او څېړونکو هیواد پریښی او له بده مرغه نورو هیوادونو کې د پښتو او فارسي کتابونو چاپي نخسې نه موندل کیږي او ددې ترڅنګ د هیواد په دننه کې هم د کتاب بازار سوړ شوی، له بهر څخه واریدیدونکي کتابونه محدود شوي دی نو ځکه مې لازمه وبلله د کتاب د نړیو...