To start downloading books

Please sign in or create an account.

د معدې روغتيا مو داسې وساتئ!

د معدې روغتيا مو داسې وساتئ!

ژباړه ـ ریاض مقامزی

معده د هاضمي سیسټم تر ټولو مهم غړی بلل کېږي. خواړه چې له ستوني تېر شي معدې ته رسېږي او هملته یې د هضم نور مراحل طی کېږي. د معدې روغتيا ځکه مهمه ده، چې د ناروغۍ په صورت کې یې انسان ګڼې نورې ستونزې پیدا کوي. راځئ، چې ددې مهم غړي د روغتيا پر لارو چارو پوه شو. 

 

د معدې روغتيا

که چېرې ستاسو معده کومه ستونزه پیدا کوي؛ نو ددې ترڅنګ چې ښه احساس به نه لرئ، سر درد، زړه بدوالی، سر ګرځېدل او نورې ناروغۍ به هم تجربه کوئ. بهترینه لاره ده، چې د معدې د سلامتیا لپاره وقایوي لارې چارې وسنجوو. ددې لپاره روغتياپالان ځینې سپارښتنې لري. نو که تاسو هم غواړئ سالمه معده ولرئ دا لارښوونې عملي کړئ. 

 

لومړی| خواړه سم وژوئ 

روغتياپالان تر هر څه وړاندې پر دې ټينګار کوي، چې خواړه باید سم وژول شوي. که تاسو هر څومره ضرور کار لرئ، هڅه مه کوئ چې خواړه یا ډوډۍ پرته له سم ژولو معدې ته ورسوئ. دا چاره په اوږدمهال کې ستاسو معده له ګڼو ستونزو سره مخ کولای شي. ددې ترڅنګ له "ژر ـ ژر" خوراک څخه هم ځان وساتئ. 

د خوړو سم ژول ددې ترڅنګ چې ستاسو د معدې روغتيا تضمينوي د خوړو د اصلي او سم خوند په درک کولو کې هم مرسته کوي. یعنې که تاسو خواړه سم ژوئ تر هغو چې سم یې نه ژوي له خوړو ښه خوند اخیستلای شئ. 

 

دویم| له خوړو وروسته سمدستي مه ویده کېږئ!

ځینې خلک دا عادت لري، چې د خوړو له خوړلو وروسته ژر ویدېږي. په داسې حال کې چې ډاکټران دا چاره د معدې د روغتيا لپاره خورا خطرناکه بولي. له خوړو وروسته سمدستی ویده کېدل، ددې ترڅنګ چې ستاسو معده له ناروغیو سره مخ کوي د خولې بدبويي هم پیدا کولای شي. نو که د معدې روغتيا مو غواړئ له خوړو وروسته ژر مه ویدېږئ.

 

درېيم| سهار مو په اوبو پیل کړئ

په سهار کې د اوبو څښل ګڼې روغتيايي ګټې لري، چې یو یې هم همدا د معدې سلامتیا ده. هر سهار له خوبه تر پاڅېدو وروسته اول خوله کنګال کړئ او بیا اوبه وڅښئ. په دې توګه به مو د معدې روغتيا پر ځای وي. همدارنګه په سهار نهاره د اوبو، لیمو او وېلني محلول څښل هم ګټور دي. د وزن په مناسب والي کې هم مرسته کوي. 

 

څلورم| له ګاز لرونکو مشروباتو لرې اوسئ!

اکثره خلک پر دې باور دي، چې له خوړو وروسته د ګاز لرونکو مشروباتو څښل ګټور دي او له معدې سره د خوړو په هضم کې مرسته کوي. دا به سمه وي، چې په لنډمهال کې به ستاسو له معدې سره مرسته وکړي؛ مګر څېړنو ښودلې ده، چې ګاز لرونکي مشروبات په اوږدمهال کې ستاسو معدې ته سخت تاوان رسوي. روغتياپالان پر دې باور دي، چې د معدې د روغتيا لپاره باید له دا ډول مشروباتو لرې اوسو.

 

پنځم| ګرم خواړه مه خورئ!

ځينې خلک دا عادت لري، چې څنګه خواړه له اوره را واخیستل شي سمدستي یې خوري؛ خو دوی نه پوهېږي، چې دا کار ددوی معده له تباهۍ سره مخ کوي. کله ناکله د ګرمو خوړو خوړل دومره زیان رسوونکي نه وي؛ مګر همېشه والی یې جدي روغتيايي ستونزې پېښوي.

 

شپږم| ورزش وکړئ!

د ورزش له ګټو ټول خبر یو. د ورزش ښه والی په دې کې دی، چې د بدن ټولو غړو ته په مستقیم او غیر مستقیم ډول ګټه رسوي، چې په دې کې معده هم شامله ده. که تاسو هم د خپلې معدې روغتيا غواړئ، په خپل مهالوېش کې ورزش ته هم ځای ورکړئ.

 

اووم| مساله لرونکې خواړه مه خورئ!

دا سمه ده، چې مساله د خوړو خوند ډېروي. مګر هېڅکله باید خوند د بدن د تاوان په بیه وانخلو. کوشش وکړئ پخپلو کورونو کې سپارښتنه وکړئ، چې په پخلي کې دې د مساله جاتو اندازه کمه کړي.

 

اتم| د شپې ډوډۍ کمه خورئ!

د شپې لخوا د کم ډوډۍ خوړلو حکمت په دې کې دی، چې اکثرا انسانان د شپې لخوا استراحت کوي. نو کله چې کوم فزیکي کار نه وي، خواړه ژر نه هضمېږي او که هضم هم شي ترلاسه شوې انرژي نه مصرفېږي په دې توګه د انسان معده له ستونزو سره مخ کېږي او هم د وزن د ډېرېدو سبب کېږي. نو تل هڅه وکړئ د شپې لخوا کمه ډوډۍ وخورئ. یا د استراحت له وخته یې ډېر مخکې وخورئ تر څو معده یې د هضم کولو وخت ومومي.

Related Articles

افغانستان له جمهوریت تر امارته!

لیکنه ـ بهرام بهیر  سریزه: په پرمختللو ټولنو کې د دولتونو په راس کې د مشرانو تغیر او تبدیل د یو لړ خاصو پروسو پر بنسټ تر سره کېږي، اما په افغاني ټولنه کې له بده مرغه تر دې دمه د دې اصل بنسټ ندی نهادینه شوی، ځکه نو زمونږ اکثریت نظامونه پداسې ډول منځته راغلي، چې په راتګ سره یې پخواني نظامونه په مکمل ډول له منځه تللي، هیواد له سره وران شوی او هر ځل د...

نشریه ها، مجله ها و کتاب های پشتو

نشریه ها، مجله ها و کتاب های پشتو مصطفی عمرزی پرداختن به زبان و ادبیات پشتو در افغانستان، به چند دلیل، بسیار مهم است. نخست این که استمرار قرائت اجتماعی، سیاسی و فرهنگی آن با اکثریت کشور(پشتون ها) با ذهنیت تحفظ تمامیت ارضی،  توام می شود. به هر روی، افغانستان با بیش از 600 سال طرح سیاسی و حدود 300 سال جغرافیای ای که وجاهت بین المللی دارد، بیشتر جزو...

تاريخ څه ته وايې؟

تاريخ څه ته وايې؟د تاريخ کلمه لاتيني ريښه لري. د لومړي ځل له پاره د هرودت ( د تاریخ پلار ) له خوا وکارول شوه. معنا يې د تيرو پيښو څيړنه او سپړنه ده. په همدې توګه تاریخ د بشري پيښو مجموعي ته هم وايي. په بل عبارت تاريخ د تيرو پيښو يادول او یا د تیرو خلکو امتحان اخيستل دي، په همدې توګه کولای شو تاریخ په ساده او اسانه توګه معنا او د انسانانو د ټولنیز...

Recommended Articles

د وينا پر مهال د ويرې ختمولو 27 ګټورې لارې

هغوى چې په سټيج باندې عونډو، سيمنارونو، ټولګي او حتى د ملګرو سره په مخامخ خبرو پر مهال ويره احساسوي دوى عمومآ د Glossophobia په اروايي ناروغۍ اخته دي، چې د خبرو دغه ويره د مرګ له ويرې هم سخته ده چې ستاسو مسلکي او شخصي ژوند زيان رسولى شي. ددغې ويرې پر مهال ستاسو بدن ريږدي، لاسونه مو خولې کيږي، زړه ضربان مو زياتيږي، چې په تجارت او د ژوند په نورو اړخ...

د حافظې د پیاوړتیا څو لارې

هغه حقیقت چې د عمر په زیاتېدو سره حافظه له منځه ځي، دلیل نه شي کېدای چې ونه شو کولی د له منځه تللو طریقه یې ډېره سسته کړو. څېړنو ښودلې ده چې موږ کولی شو د امکان تر حده حافظه وساتو، اجازه راکړئ دغه عملي لارې وسپړو.  د حافظې د قوي کېدلو څو لارې  ژور فکر وکړئ چې فعاله حافظه مو بهتره شي: فعاله حافظه تقریباً ستاسو د مغز د یادښت کتابچه ده، چېرته چې نوي...

خېټه څنګه کوچنۍ کړو؟

د نارینه او نجونو لپاره تر ټولو بد مرض د خېټې د وازدو ډېرېدل او غټېدل دي چې نه یې یوازې ښکلا ته زیان رسوي، بلکې صحت ته یې هم ستونزې جوړوي. نن درته د خېټې د کوچني کولو داسې طریقې در ښیوو چې د ډېر ورزش ستړیا به هم نه ورسره ګالۍ او په تکلیف به هم ورسره نه شئ. د ورځې پیل د لیمو په جوسو وکړئ، نیم لیمو په یو ګیلاس اوبو کې زبېښل او څښل یې په حجراتو کې...