To start downloading books

Please sign in or create an account.

imranghani 3 years ago 1,461
د نړۍ ښکلې ماڼۍ( قصرونه) کوم دي؟

د نړۍ ښکلې ماڼۍ( قصرونه) کوم دي؟

 ليکنه- عمران غني ساپی،د نړۍ ښکلې ماڼۍ کومې دي؟

 

تاسو به د ماڼۍ نوم ډېر اورېدلی وي او ډېر به په ماڼۍ کې د اوسېدلو ارمان لرئ او د ډېرو خو لا د ماڼۍ له اوسېدونکو سره يو ډول کينه په زړه کې وي چې ولې هغه په ماڼۍ او زه په جونګړه کې اوسېږم، خو رښتیا دا دي چې تخت او بخت د الله تعالی له لوري دی چې چا ته تخت او چا ته بخت ورکوي خير په هر صورت چې خبرې اوږدې نه شي نن درته د نړۍ په کچه څو مشهورې ماڼۍ در پېژنم، خو د خوښۍ خبره دا ده چې دغو ماڼیو ته عام وګړي هم ورتلی شي او ليدنه ورنه کولای شي که تاسو هم د دغو ماڼیو د ليدلو هيله لرئ، نو د پېژندنې وروسته د خپلې خوښې له ماڼۍ څخه ليدنه وکړئ.

 

۱. باکينګم ماڼۍ

دا ماڼۍ په انګلستان کې موقعیت لري چې د انګلستان سلطنتي کورنۍ غړي پکې اوسېږي د انګلستان د ملکې نوم به مو اورېدلی وي هغه دلته اوسېږي د انګلستان د ملکې او عامو خلکو ژوند ډېر ستر توپير لري، نو همدا ده چې ملکه او د هغې کورنۍ په داسې ځانګړې ماڼۍ کې اوسېږي، په دغې ماڼۍ کې د اوسېدلو د خونو تر څنګ داسې خونې هم شته چې د انګلستان فرهنګي ميراثونه او نور تاريخي اثار پکې ساتل کېږي له دغې ماڼۍ څخه د ليدلو تر ټولو ښه وخت د اوړي موسم دی.

 که تاسو غواړئ چې یوازې د دغې ماڼۍ له بڼ څخه ليدنه وکړئ، نو ټیکټ يې ان تر ۱۶ يورو دی او که د بڼ تر څنګ د دغې ماڼۍ له خونو  هم ليدنه کوئ، نو بيایې ټیکټ ان ۶۰ يورو کېږي.

 

۲. هوا محل ماڼۍ

هوا محل ماڼۍ هم يو له غوره او ښايسته ماڼيو څخه ده، دا ماڼۍ د هندوستان هېواد په جيپور کې موقيعت لري په دغې ماڼۍ کې د سور رنګ لګول شويو کاشيانو د دغې ماڼې د ښکلا په زياتېدو کې اړین رول لوبولی دی او د دغې ماڼې ظاهري ښکلا يې څو برابره زياته کړې ده که د اوړي په موسم کې هندوستان ته لاړئ، نو له دې ماڼۍ ليدنه وکړئ دا ماڼۍ په داسې ډول ډيزاين شوې ده چې تل يې په اطاقونو کې باد چلېږي او اطاقونه يې یخ دي د دغې ماڼۍ څخه د ليدنې ټیکټ يوازې ۲۰۰ هندي کلدارې دی.

 که هندوستان ته سفر کوئ، نو د دغې ماڼۍ نوم در سره ياداښت کړئ.

 

۳. جال محل يا د اوبو ماڼۍ

دا ماڼۍ د هوا محل ماڼۍ څخه لږ وړاندې د سان ګار بهیرې په منځ کې  ودانه ده. دغه ماڼۍ ټول پینځه پوړه ده کله چې اوبه زياتې وي، نو د دغې ماڼۍ پوړه په اوبو کې ډوب وي په اوس وخت کې د دغې ماڼۍ له دننې برخې څخه ليدنه نه شي کېدلای او د لنډ وخت لپاره یې دروازه د ليدونکو پر مخ بنده ده، خو ليدونکي کولای شي د کښتيو په واسطه د دغې ماڼۍ خواته ورشي او له بهر څخه ورنه ليدنه وکړي په اوس وخت (مني) کې د ليدلو تر ټولو ښه وخت د سهار له ۶بجو د ماښام تر ۶ بجو پورې دی، د دغې ماڼۍ په هکله ښه خبره دا ده چې ټیکټ نه لري.

 

۴. وراسا ماڼۍ

و وارسا ماڼۍ او وارسا تړون نوم به مو د تاريخ په کتابونو کې اورېدلی او لوستلی وي دا ماڼۍ د فرانسې په هېواد کې موقعیت لري د نړۍ په کچه دا ښکلې ماڼۍ د فرانسې له انقلاب څخه وړاندې د شاهي کورنۍ د اوسېدلو ځای و. 

وراسا ماڼۍ د پاريس ښار سوېل لویديځ لور ته په ۲۰کيلو مېټرۍ کې پروت دی مجلل او ښايسته باغونه او د اوبو فوارې بل هغه څه دي چې د دغې ماڼۍ ښکلا يې ډېره کړې او ګڼ شمېر ليدونکي ورنه ليدنه کوي وارسا ماڼۍ ته د ورتګ وخت له سه شنبې تر يکشنبې د سهار له ۹ بجو وروسته ښودل شوی دی د دغې ماڼۍ څخه د ليدنې د ټیکټ بیه ۴۰ يورو ده چې په دې ۴۰ يورو باندې د ماڼۍ له ټولو برخو او پروګرامونو (موسيقۍ...) نه ګټه اخيستلی شئ.

 

۵. کنزينګتون ماڼۍ

دا ماڼۍ د انګلستان هېواد په لندن ښار کې موقعیت لري او شاوخوا ۳۰۰ کاله تاريخي مخينه لري دا ماڼۍ هغې سيمې کې ده چېرته چې د انګستان ملکه ويکټوريا خاپوړې کړي دي که  د دغې ودانۍ تعميراتي او هنري ښکلا ستاينه ونه کړو، نو دلته يو شمېر نور عوامل شته چې دغې ماڼۍ ته يې ښکلا وربښلې ده چې يو له هغو څخه په دغې ماڼۍ کې د انګلستان د سلطنتي کورنۍ د شهزاده ګانو اوسېدل دي، دا ماڼۍ هره ورځ د سهار له ۱۰ بجو څخه د مازيګر تر ۶ بجو پورې د ليدونکو پر مخ خلاصه وي او هر څوک ورنه ليدنه کولای شي دغې ماڼۍ ته په ټول کال کې دوې ورځې نه شئ ورتلای، ځکه چې په یوه کال کې  همدا دوې ورځې رخصت وي هغه دوې ورځې د ډېسمبر د مياشتې ۲۴مه  او ۲۶مه نېټه ده دغې ماڼۍ د ليدو ټیکټ وړيا دی خو ځينې له ځانګړو برخو څخه د ليدنې لپاره تاسو بايد ټیکټ وکړئ.

که څه هم یاده ماڼۍ د سلطنتي کورنۍ د اوسېدلو ځای دی، خو بيا هم عام خلک د ورتګ اجازه لري.

 

۶. پټرهوف ماڼۍ

دا ماڼۍ د روسيې هېواد په سنپيټرزبورګ ښار کې موقعیت لري د تزاري روسيې پادشاه پټر کبير د څوارلسم لوی د ښکلي او مجلل قصر  يا ماڼۍ (وارسا) د ليدو څخه وروسته د نوموړې ودانۍ په مقابل کې د دغې ماڼۍ د جوړولو امر وکړ پېټر هوف ماڼۍ چې د وارسا ماڼۍ سياله ګڼل کېږي، له هر اړخه نه له دغې ودانۍ نه کمه نه ده په دغې ماڼۍ کې باغونه، افشارونه، فوارې او... هغه ښايستونه او ښکلاوې دي چې زيات ليدونکي يې ځان ته ورمات کړي دي، د دغې ماڼي دروازه د سهار ۹ بجو څخه د شپې تر ۸ بجو پورې خلاصه وي خو په دننه کې بيا د هرې سيمې او برخې څخه د ليدو وخت توپیر کوي. د دغې ماڼې څخه د ليدلو د ټیکټ بیه ۴۵۰ روسي روبله دی.

Related Articles

آیا Chat GPT شعور لري؟

آیا Chat GPT شعور لري؟ لیک: قریب آرین عموماً انساني ذهن پۀ دوو برخو، شعور او لا شعور وېشل کېږي. شعور د ذهن هغه ویښه برخه ده، چې ټول کړۀ وړۀ د انسان د ارادې لۀ مخې ترسره کوي او لۀ پنځه ګونو حواسو سره تړاو لري. مثلاً: غواړئ لاس ته مو حرکت ورکړئ یا غواړئ کوم انتخاب ولرئ؛ نو دغه کړنې ستاسې د شعور پۀ مرسته ترسره کېږي. یا، هغه ذاتي قوه د کومې پۀ پرمټ چ...

د لاسونو رپېدل ددې وژونکو ناروغیو خبر راکوي!

ژباړه ـ رياض مقامزی   مختلفې ناروغۍ د انسان ژوند او روغتيا ګواښي. ددې ناروغيو د څرګندېدو او پېژندو لپاره ځينې علایم موجود وي. که دقیق ځیر شو، د لاسونو په شمول زموږ د بدن په بېلابېلو برخو کې د ناروغيو علایم ښکاري. که تاسو د لاسونو د رپېدو ستونزه لرئ، نو ددې ناروغیو د شتون امکان شته.   لومړی| مغزي سکته (فلج) دا حالت هغه وخت رامنځته کېږي، چې په وی...

د ښو عطرو اړوند

لږ د عطرو اړوند  زموږ په ټولنه کې د ښو عطرو معيار تيزوالی، زياتو خلکو پورې رسېدونکی او زيات وخت پاتې کېدونکې عطر يا سپری ګانې دي .همدا لامل دی چې اکثره استعمال کيدونکي عطرونه د شامپو يا صابونونو کيمايي مواد وي، يا هم جعلي عود ډېر زيات مشهوره دي . همدا لامل دی چې زياتره خلکو نه په ژوندون باندې د وفات شويو بنګاليانو بوي زي .شل ديرش کاله مخکې به عربو...

Recommended Articles

که دا عادتونه خپل کړئ له غربت څخه خلاصېږئ!

لیکنه ـ ریاض مقامزی دا به سمه خبره وي، چې شتمني له قسمت سره تړلې ده؛ خو دا خبره هم هېڅکله غلطه نه ده، چې ستاسو عادات په دې برخه کې رغنده رول لري. که تاسو هر څومره ډېرې پیسې ولرئ؛ مګر پر مصرف، پانګونې او نورو لاروچارو پوه نه شئ ډېر ژر به مو غربت د کور تر دروازو ورسېږئ. یا که ډېر غریب هم یئ؛ مګر دا لارښوونې عملي کړي، نو ډېر امکان شته، چې له غربت څخه...

د خپل مخ پوستکی څنګه ښکلی کړو

د خپل مخ پوستکی څنګه ښکلی کړو، چې د هرچا د خوښې وړ وګرځي؟پر پوستکي مختلف داغونه د مختلفو عواملو له امله پیدا کېدی شي لکه د لمر د وړانګو له امله، د ځینو درملو د استعمال له امله او یا کېدای شي د عمر په زیاتېدا سره هم ځینې نښې نښانې را څرګندې شي. په همدې اساس د هر عامل له وجې د پوستکي د داغونو درملنه هم په جدا ډول سره کېږي، چې باید توپیر یې وشي، لکه...

کوم ډول خلک بايد کېله ونه خوري

که څه هم کېله ځيني ګڼې ګټي لري خو دغه ميوه ځينې عورايض او تاووانونه هم لري.چې په لاندي ډور ورته اشاره کوو. دغه خوږ ميوه د خپل ځانګړي خوند، او نرموالي له امله په ټوله نړۍ کې مشهوره ده. ګېله کوم ډول زيانونه لري. ۱: د وزن زياتوالی دـ ځينو نورو خوړو په څير کېله هم پريمانه کالوري لري چې د وزن د زياتوالي لامل کيږي په هره متوسطه کېله کې ۱۰۵ ګرامه کالو...