To start downloading books

Please sign in or create an account.

imranghani 3 years ago 1,931
څنګه د سپینو زرو له اصل توب څخه ځان ډاډه کړو؟

څنګه د سپینو زرو له اصل توب څخه ځان ډاډه کړو؟

 لیکنه: شکېبا نادري، څنګه د سپینو زرو له اصل توب څخه ځان ډاډه کړو؟

دا ښکاره خبره ده چې د ښځینه وو ګاڼې ډېر خوښېږي، که هغه سره زر وي، که سپین زر وي او یا د غمیو شیان وي، خو په اوس مهال کې د سرو زرو بیه دوه برابره لوړه شوې ده او ډېری خلک د دې وس نه لري چې ویې پېري، نو د سرو زرو پر ځای سپین زر اخلي.

 سپین زر د هغو ګاڼو له ډلې څخه دي چې د انسان پر لاس، ګوتې او غاړې د نورو ګاڼو په پرتله ښایسته ښکاري او ډېری ښځې یې خوښوي.

 د سپینو زرو پېژندل دومره اسانه کار نه دی، ځکه داسې مسلکي کسان شته داسې ګاڼې جوړوي چې د سپینو زرو سره یې په ډېرې سختۍ سره توپیر کېږي.

 موږ په دې لیکنه کې تاسو ته د سپینو زرو د اصل توب د پېژندلو څو لارې درښیو، که غواړئ چې څوک مو تېر نه باسي او د سپینو زر پر ځای درباندې اوسپنه ونه پلوري، نو زموږ دا لیکنه تر پایه ولولئ!

۱. په سپینو زرو کې لیکل شوې شمېره باید وګورئ!

د سپینو زرو د پېژندلو تر ټولو غوره لاره دا ده چې په خپلې پلورل شوې ګوتې، غاړکۍ او یا لاس بند کې لیکل شوې شمېره یا نښه وګورئ که دا شمېرې ۹۲۵، ۸۰۰، ۹۰۰ او یا د انګلیسي ژبې S توری و چې

silver یا sterling 

څخه اخیستل شوی دی او موږ ته د سپینو زرو اصل توب راښیي او ۹۲۵ شمېره هم د دې ښکارندویي کوي چې په دې ګوتې کې تر ۹۲.۵ سلنه پورې سپین زر کارول شوي دي، دا نښې موږ ته د سپینو زرو اصل توب را ښیي.

 

۲. د غږ په واسطه

 دویمه لاره د سپینو زرو د اصل توب د پېژندلو لپاره د هغو غږ دی. کله چې موږ غواړو د سپینو زرو ګوتې، لاس بند او یا د هر بل شي اصل توب معلوم کړو باید دا سپین زر په زور سره په یوې اوسپنې ووهو، په یوې اوسپنې باندې د سپینو زرو په وهلو سره موږ ته دا څرګندېږي چې دا سپین زر اصل دي او که نه، ځکه چې اصل سپین زر چې کله پر اوسپنې ووهل شي غږ یې اوږد او دروند وي او ان تر دوو ثانیو دوام کوي، خو د اوسپنې او نورو عادي شیانو غږ لنډ او سپک وي.  

 

۳. د اهنربا په واسطه

اصل زېورات لکه سره زر او سپین زر په اهنربا نه سریښېږي، کله چې غواړئ د سپینو زرو اصل توب څرګند کړئ باید هغه اهنربا ته نږدې کړئ که اهنربا ونیول نو باید پوه شئ چې دا سپین زر نه، کومه بله عادي اوسپنه ده. 

 

۳. د یخک یا یخ په واسطه

د سپینو زرو یوه ځانګړنه دا ده چې د نورو اوسپنو په پرتله یې د تودوخې کچه لوړه ده، نو کله مو چې غوښتل د سپینو زرو اصل توب معلوم کړئ باید له یخک یا یخ څخه ګټه واخلئ، یوه ټوټه یخک واخلئ او پر سر یې د سپینو زرو ګوته، لاکت او داسې نور توکي کېږدئ که سپین زر اصل وي نو ډېر ژر به دا یخک په اوبو بدل شي او که اصل نه وي نو په ډېرې اوږدې مودې کې به دا یخک اوبه شي.

 

۴. د سپینونکي یا وایټکس په واسطه

د سپینو زرو د معلومولو لپاره تر ټولو اسانه لاره دا ده چې پرې وایټکس واچوئ، که سپین زر وي خو په خپل حالت به پاتې شي او که اوسپنه یا کوم بل څه وي، نو رنګ به یې تور شي.

 

۵. د بوی په واسطه

کله مو چې غوښتل د سپینو زرو اصل توب څرګند کړئ باید هغه بوی کړئ، سپین زر کوم ځانګړی بوی نه لري، خو هغه شیان چې د سپینو زرو په شان له عادي اوسپنې څخه جوړ شوي وي، بیا یو ډول بوی لري، نو کله مو چې د خپلې ګوتې، غوږوالۍ، لاکت او داسې نورو بوی احساس کړ پوه شئ چې دا سپین زر نه، بلکې کومه عادي اوسپنه ده.

 

۶. له یوه مسلکي کس څخه مرسته وغواړئ!

که ټولې یادې شوې کړنې مو تر سره کړې، خو بیا هم پوه نه شوئ چې دا سپین زر اصل دي او که نه، نو اوس باید له یوه داسې کس څخه مرسته وغواړئ چې د سپینو زرو له جوړولو او پېژندلو سره بلد وي. هغه کس د سپینو زرو د اصل والي په برخه کې درسره مرسته کولای شي. 

پر دې سربېره داسې نورې کړنې هم شته چې موږ یې په ترسره کولو سره کولای شو د سپینو زرو په اصل توب پوه شو، خو تر ټولو اسانه او غوره لارې همدا دي چې پورته مو په لیکنې کې یادې کړې. هیله ده چې دا لیکنه د ټولو لوستونکو لپاره ګټوره او په زړه پورې وي!

لیکنه: شکېبا نادري

Related Articles

د خنزیر حلاله غوښه په اړه

د اروپا په شمول تقريبا په ټولو غير مسلم هيوادونو کي د خنزير غوښتنه هم خوړل کيږي او ورسره د خلکو خوښيږي او په دغو هيوادونو کي بي شميره د نوموړي ځناور د ساتنې فارمونه شتون لری.‌ يواځي په فرانسه کي 42000 څخه زيات فارمونه موجود ديخنزير د ټولو ځناورو په پرتله وازده زياته لري ليکن اروپايان او امريکايان د وازدي خوراک څخه پرهيز کوي..د خنزير وازده په څه کي...

امونېم ناېترېت

پرون د لبنان پاېتخت ( پلازمېنې) بيروت کې ېو ډېره زوروره چاودنه وشوه . وروستي مالومات ښيي چې ( تر اوسه) په دې چاودنه کې سل کسان وژل شوي او 4000 ټپېان دي .د نړېوالو خبري اژانسونو په وېنا چاودنه په هغه بندري ګودام کې شوې ، چېرته چې 2700 ټنه امونېم ناېترېت ساتل کېدل . امونېم ناېترېت څه دي ؟امونېم ناېټرېټ د ناېتروجني تېزابو څخه جوړه شوې مالګه ده چې د ل...

آشنایی با انواع قراردادها

💠 آشنایی با انواع قراردادها 💠 در بسیاری از پروژه هایی که برونسپاری میگردد، قراردادی بین دوطرف اصلی پیمان و یا دیگر عوامل منعقد میگردد. شرایط و ضوابط این قراردادها با یکدیگر متفاوت است و لازم است آشنایی با انواع و شرایط هریک از انواع قراردادها در تیم پروژه وجود داشته باشد. در ادامه به انواع مختلف قراردادهایی که نام آنها متداول است، اشاره میکنیم:...

Recommended Articles

ملا نصرالدین څوک و؟

ملا نصرالدين ته ترکان حواجه يا خواجه نصرالدين وايې، افغانان او اير انيان يې ملا نصر الدين (ملا نصرودين) بولي،عربان يې دجحا نصرالدين او افندي نصرالدين په نامه پيژني٠  ملا نصرالدين د يوه روايت پر بنسټ په اوومې هجري پېړۍ کې چې د١٢٠٩ زېږدېز/میلادي کال سر ه سمون خوري دسلجوقي واکمنۍ په زمانه کې دتر کيې دخورتو په ښار ګوټي کې دې نړۍ ته سترګې پرانيستلي دي...

د وينا پر مهال د وېرې او فشار ختمول

لیکنه ـ ریاض مقامزی دا چې موږ انسانان ټولنيز ژوند لرو، نو اړ یو چې د خپلو اړتياوو او مفکورو د وضاحت لپاره وغږېږو. خبرې کول زموږ د ژوند په هره برخه کې لیدل کېږي. په کور، کلي، دکان، ښار، مکتب، ښوونځي او ګڼو نورو ځايونو کې موږ خبرې کوو او خپل پپغام نورو ته رسوو.   ځينې خلک بیا د خبرو او وينا پر مهال تر وېرې او فشار لاندې وي. نه شي کولای خپل پيغام او...

اعصاب په کومو شيانو کمزوري کېږي

د انسان په وجود کي اعصاب تر ټولو مهمه برخه ده، د انسان ټولي چاري او فعالیتونه د همدغي ناحیې څخه کنټرولېږي.لاندي ځیني مهم ټکي دي چي په پام کي نیول یې د ذهن په سالم ساتلو کي مرسته کو. - د سهار چای نه چیښل:هغه خلک چې د سهار چای نه چیښي په بدن کي یې د شکري اندازه راکښته کېږي، په نتیجه کي یې دماغ ته په کافي اندازه مواد نه ور رسېږي او دماغ کمزوری کېږي....