To start downloading books

Please sign in or create an account.

Hikmatullah Yousafzai 3 years ago 950
د یک ټلویزیون سره د ملي ثبات ټولنې بنسټګر او د ننګرهار پخواني والي ضیاءالحق امرخېل د مرکې مهم ټکي

د یک ټلویزیون سره د ملي ثبات ټولنې بنسټګر او د ننګرهار پخواني والي ضیاءالحق امرخېل د مرکې مهم ټکي

د یک ټلویزیون سره د ملي ثبات ټولنې بنسټګر او د ننګرهار پخواني والي ضیاءالحق امرخېل د مرکې مهم ټکي:
1. هغه کسان چې اوس په ښاغلي غني زیات انتقادونه کوي، د جمهوریت پر مهال تر ټولو زیاته چپلوسي همدوی کوله، موږ هغه وخت چپلوسي نه کوله او اوس پسې خبرې نکړو.
2. درې رنګه بېرغ یو قوم، قبیلې او ګوند پورې اړه نلري، بلکې یو ملت او د افغانستان ستر تاریخ پورې اړه لري، د افغانانو د ژوند یوه برخه ده، هیله مند یم چې دې برخه کې طالبان د ملت غږ واوري، ځکه دا بېرغ د افغانانو ویاړ او افتخار دی.
3. له هېواده بهر د شوراګانو جوړیدل هیڅ نتیجه نه ورکوي، ځکه د شوراګانو جوړونکي چې په وطن کې وو، څه یې وکړل؟
4. هره داعش سلفي دی، خو هر سلفي داعش ندی، نو باید طالبان دې برخې ته جدي پاملرنه وکړي.
5. زلمي خلیل زاد په اړه هیڅ افغان مثبت نظر نلري، متاسفانه افغانستان سره یې ډیر عقدوي برخورد یې کړی، تاریخ به یې په اړه قضاوت وکړي.
6. له افغانستان څخه چې کوم کسان ځي، ځینې یې ډوډۍ نلري، ځینې ژوند نلري او ځینې کار روزګار نلري، نو ځکه وطن پریږدې، خو مینه یې له وطن سره همېش شته.
7. زه په دې باوري یم چې دې شلو کالونو نظام کې چا کار کړی وي، مستقیم او غیرې مستقیم ورته ګټه رسیدلي وي، ټول د نیمګړتیاوو او لاسته راوړنو شریکان دي، یو کس ته هیڅکله مسؤلیت او امتیاز باید ورنکړل شي.
8. ولسمشر غني په کار پوه شخص وو، وطن سره یې مینه وه، خو متاسفانه په ټیم کې د تعهد کچه کمه او د فردي امتیازاتو برخه زیاته وه، اکثریتو یې غوښتل چې سیستم د ځآن لپاره وڅرخوي.
9. موږ هیڅکله د خپلو سرتېرو قربانۍ نشو هیرولی، دوی د نظام د ساتلو لپاره خپلې سینې سپر کړې وې.
10. ولسمشر په داسې حال کې افغانستان څخه ووت، چې ټول وطن سقوط کړی وو، که پاتې هم وو، نه ژغورل کېده، خو د پاتې کېدو طرفداره یې زیات وم، طالبانو هم باید اطمنان ورکړی وو.
11. جمهوریت د ماتې درې اړخونه وو.
لومړی : ملي او ولایتي شورا اکثریت غړو، سیاسیون، مدني ټولنو، احزابو، رسنیو او ځینو نورو تر وروستۍ ورځې پًورې د جمهوریت تخریب وکړ.
دویم : نړیوالې ټولنې وروستیو کې نظام ته د لاس ورکولو پر ځآی نظام له شاه څخه په چاړه ووهه.
درېیم : په افغانستان کې شکست او د جمهوریت ماتېدل درېیم لامل د دوحیې تړون څخه پیل شو.
12. داعش افغانۍ پدیده نده، داعش افغاني فکر نلري، افغانانو کې نفوذ نلري، داعش وحشت کوي، وژنه کوي چې افغانان ورسره سخت مخالفت لري، په څو ولایتونو کې ستونزې شته، خو د افغانستان لپاره یې لویه اندېښنه نه ګڼم.
13. افغانستان باید د نورو د ګټو قرباني نشي، طالبان باید د ګاونډیو، سیمې او نړۍ هېوادونو ترمنځ توازون په نظر کې ونیسو، تر دې وړاندې موږ د نیمګړې توازون قرباني شوي وو.
14. تر دې وروسته د نظامونو د لمنځه وړلو پر ځای باید د نظامونو تقویت لپاره کار وشي، ځکه نظام څخه لباس ندی، چې د جامو په څېر یې بدل کړو، نور باید نظامونه بدل نه، د اصلاح لپاره یې کار وکړو.
15. نړۍ د افغانستان له جګړې ستړې ده، د حکومت او نړۍ ترمنځ اړیکې نږدې شوي، پیل شوی تګ راتګ مثبت ټکی دی، طالبان هم باید نړۍ سره تعامل وکړي، ځکه فقر ورځ تر بلې زیاتیږي او فقر دی چې ولس نورو لارو ته ګرځوي، خو نړۍ هم باید افغانان هیر نکړي.
16. طالبانو ته مشوره ورکوم چې د سیستم د ښه پرمخ وړلو لپاره زموږ مثبتې کړنې پیاوړې کړي او نیمګړتیاوې حل کړي، خو که پاملرنه ونکړي، نو ستونزې زیږیدلی شي.
17. د بون په کنفرانس کې که طالب او حزب اسلامي دعوت شوی وو، نن به ملي ځواک او نظام نه وو لمنځه تللې، نو طالبان دې هم تجربه واخلي او هیڅ افغان ته دې هم په عادي نظر نه ګوري.
18. اوسنۍ سرپرسته کابینه د قومي اړخ له مخې همه شموله ده، خو د سیاسي اړخ څخه همه شموله نده، ځکه یواخې د طالب ایډیالوژۍ ته ځآی ورکړل شوې.
19. د نجونو د تعلیم بحث باندې موږ خفه یو، هیله لرم چې په دې برخه کې چې څومره ژر کیږي، ښوونځي په ټولو ولایتونو کې په پوره توګه پرانیستل شي.
20. نړۍ طالبانو باندې شرط اېښي چې بیان ازادۍ، نورو جنګیالیو سره د اړیکو نه لرلو، بشر حقوقو ته درناوي او همه شمول حکومت رامنځته کېدو برخه کې اقدامات وکړي.
21. په تېرو درې میاشتو کې په ټول هېواد ک ېنسبي امنیت رامنځته شوی، خو د خدماتو برخې ته له درې میاشتې نور انتظار هم پکار دی، خو طالبان هم باید دې برخه کې هڅه وکړي، ځکه جوړ سیستم ورته پرېښودل شوی دی.
22. زه د یوې متوسطې کورنۍ پورې ارتباط لرم، دې ولس ماته عزت را کړی، کله چې په ښه ورځ کې له دوی سره وم، نو ژمن یم چې په هر حالاتو کې د همدې هېوادوالو په خوا کې اوسم، که هر چرته لاړ شو، زړونه مو له وطن او افغانانو سره تړلي دي.
23. نوې حکومت کې را ته د دندې وړاندیز ندی شوی او اراده هم نلرم، خو د نظام ملاتړ کوم، ځکه زه د وسله والې جګړې سخت مخالف یم، دا ځکه چې افغانستان درې ځلې جوړه اردو لمنځه تللې، نه غواړم چې بیا جګړې ته لاړ شو، نو هڅه کوم چې د منلو، زغملو او تفاهم لاره تعقیب کړم.
24. ننګرهار کې مې طالبانو ته په ټوکه کې وویل چې جوړ ولایت او سیستم مې در وسپاره، هیله ده خراب یې نکړئ، له دوی سره مې په لومړیو خبرو کې په ملي وحدت، افغانستان د ټولو ګډ کور، امنیتي ځواکونو درولو او تعلیم باندې ټینګار وکړ.
25. د هغه ورځې په هیله یم چې طالبان خپلې سینې پراخه کړي او د سیاستمدارانو په ګډون ټول افغانان وطن ته را وګرځي او پّه ګډه د افغانستان د ابادۍ لپاره کار وکړو.
د لوستلو څخه مو مننه!
عطاالله خوږیاڼی

Related Articles

مکانیزم‌های انتقال انرژی در ساختمان هدایت حرارتی

👷مکانیزم‌های انتقال انرژی در ساختمان هدایت حرارتی: اولین میکانیزم انتقال انرژی هدایت حرارتی یکی از اصلی‌ترین روش‌های انتقال انرژی در ساختمان است که به طور مستقیم با مصالح ساختمانی ارتباط دارد.  این پدیده زمانی رخ می‌دهد که گرما از طریق تماس مستقیم بین اجزای جامد ساختمان منتقل می‌شود.  برای درک بهتر این مفهوم، می‌توان به تجربه لمس یک فنجان چای دا...

آیا وېره رواني ستونزه ده؟

ژباړه ـ ریاض مقامزی   آيا پوهېږئ، چې وېره څه ده؟ وېره د فشار پر وړاندې د انسان د طبیعي غبرګون یو ډول دی. موږ ټولو د ژوند په ځینو حالاتو کې وېره تجربه کړې ده؛ مګر په دې لیکنه کې پر دې طبیعي وېرې خبرې نه لرو. بلکې هغه اظطراب (وېره) به وپېژنئ، چې رواني ناروغي ده.  وېره (اظطراب) څه ډول ناروغي ده؟ د ناڅاپي غږ په اورېدو، د وېرونکي څېرې په ليدو، له ازم...

د وینې ټيټ فشار؛ نښې، لاملونه او درملنه

ژباړه ـ ریاض مقامزی له ګڼو نورو فکټورونو ور هاخوا ناروغۍ هغه څه دي، چې د انسان ژوند ګواښي. یو له دغو ستونزو د وینې ټيټ (ښکته) فشار دی. په دې لیکنه کې به تاسو د وينې د ټيټ فشار په اړه معلومات ولولئ. د وینې ټيټ فشار که په لنډ ډول یې ووایو، د وينې ټيټ فشار (Hypotension) داسې یو حالت دی، چې د انسان زړه په کافي اندازه وينه نه پمپموي. دا حالت تقریباً...

Recommended Articles

که جرأت نه لرئ، مه خفه کېږئ! دلته يې لاملونه او حللارې لوستلای شئ

 ژباړه: هدایت الله همت ارواپوهانو له نظره، بې جراتي او پر ځان نه باور له هغو ستونزو دي، چې ځوانان د ماشوم والي له دورې ورسره لاس و ګرېوان کېږي. دوی ته دا حق نه ورکول چې له خپلو حقه حقونو ساتنه وکړي او که کله دوی دا کار کوي نو د کورنۍ د مشرانو له خوا رټل کېږي او د جرات ماده یې په هماغه کوچني والي کې مړه کېږي.   ځينې خلک بیا خپل جرات په هماغه کوچني...

د خپل مخ پوستکی څنګه ښکلی کړو

د خپل مخ پوستکی څنګه ښکلی کړو، چې د هرچا د خوښې وړ وګرځي؟پر پوستکي مختلف داغونه د مختلفو عواملو له امله پیدا کېدی شي لکه د لمر د وړانګو له امله، د ځینو درملو د استعمال له امله او یا کېدای شي د عمر په زیاتېدا سره هم ځینې نښې نښانې را څرګندې شي. په همدې اساس د هر عامل له وجې د پوستکي د داغونو درملنه هم په جدا ډول سره کېږي، چې باید توپیر یې وشي، لکه...

په ځوانۍ کې د ويښتانو سپينېدل او درملنه

د ويښتانو سپينېدل اکثراً د زړښت معنا ورکوي نو ځکه خو انسان د خواشينۍ احساس کوي؛ مګر دا لا ډېره خواشينوونکې وي، چې په ځوانۍ کې مو ويښتان سپين شي. په طبیعي توګه د سپين پوستو ويښتان نسبت تورپوستو ته ژر سپینېږي. معمولاً په سپين پوستو کې د ويښتانو سپينېدل د ژوند د څلورمې لسیزې په لومړيو کې پيلېږي، مګر په نورو نژادونو کې دا حالت د څلورمې لسیزې په وروستيو...