To start downloading books

Please sign in or create an account.

د حافظې د پیاوړتیا لارې چارې

د حافظې د پیاوړتیا لارې چارې

لیکنه ـ ریاض مقامزی  

په دې ورځو کې د خبرو، مسایلو او معلوماتو له یاده وتل یوه عامه ستونزه ګرځېدلې ده او ډېری خلک له دې ستونزې ځورېږي. همدارنګه ځينې نور خلک بیا شکایت کوي، چې له مطالعې وروسته نه پوهېږي چې څه یې ولوستل او په کتاب/مجله/لیکنه کې کومې خبرې وي.

موږ همدې ستونزو ته په کتو خپلو قدرمنو لوستونکو ته دا لیکنه چمتو کړې ده، ترڅو په دې برخه کې یې ستونزه حل او لا ډېر پوه شي.  

حافظه نه کمزورې کېږي!!!

شاید تاسو هم د نورو ډېرو خلکو په څېر پر دې باور اوسئ، چې حافظه مو کمزورې شوې ده؛ خو یوه ډله د نظر خاوندان له دې موضوع مطلق انکار کوي. دوی وايي چې حافظه نه کمزورې کېږي، بلکې د عمر په تېرېدو سره د ستونزو، کاري بوختیاوو او نورو مسایلو له کبله د انسان فکري تمرکز له منځه ځي او دوی د یو کار کولو پر وخت فکر یوازې هماغه کار/مطالعې/درس او ... ته نه نیسي. په دې توګه دوی مسایل مغزو ته نه سپاري او فکر کوي، چې حافظه یې کمزورې شوې ده.  

نو تاسو اوس خپل ځان ته فکر وکړئ، چې آیا ستاسو په ژوند کې ستونرې، ننګونې، نامعلوم برخلیک او نور مسایل ددې سبب شوي، چې فکري تمرکز مو ګډوډي شي؟

که ځواب مو "هو!" وي، نو د حافظې له کمزورتیا شکایت مه کوئ یوازې د مطالعې/کار/درس په وخت کې خپل فکر یوازې همدې یو فعالیت ته واړوئ او و به وینئ چې څومره عالي حافظه لرئ. مګر له دې سره ـ سره دا نظر هم حاکم دی، چې حافظه کمزورې کېږي؛ مګر لارې چارې شته چې ستاسو حافظه پیاوړې وساتي، ترڅو موضوعات، مسایل او خبرې مو تر ډېره په ذهن کې پاتې شي.  

لومړی| تمرکز سم کړئ!

روانپوهان تر هر څه وړاندې همدا وړاندیز کوي، چې د کار/مطالعې/بحث په وخت کې خپل فکري تمرکز ته پام وکړئ. ددې معنا دا ده، چې هر کار کوئ، فکر مو یوازې په هماغه کار ولرئ.  دا سمه ده، چې نامعلوم برخلیک، بد اقتصادي وضعیت او ګڼو نورو مشکلاتو به له موږ ذهني تمرکز اخیستی وي؛ خو په دې معنا نه ده، چې موږ او تاسو دې ورته ۲۴ ساعته اندېښمن اوسو.

که کار/بحث او یا مطالعه کوئ، خپلې نورې ستونزې هېرې کړئ او فکر مو یوازې پر همدې یوه کار متمرکز کړئ. ډېرې ښې پایلې به ووینئ او حافظه به مو هم پیاوړې شي.  

دویم| نوی مهارت زده کړئ!

د حافظې د پیاوړتیا لپاره بله لارښوونه دا کېږي، چې باید یو نوی مهارت زده کړئ. ددې معنا دا ده، چې تاسو باید هڅه وکړئ د یو نوي کار او فعالیت د زدکړې لپاره ملا وتړئ. مثلا انځور اخیستل، رسامي، خطاطي او ... مهارتونه زده کړئ. د نویو مهارتونو زدکړه ستاسو د حافطې په پیاوړتيا کې خورا ډېره مرسته کوي؛ نو هڅه وکړئ له خپل ذهن څخه کار واخلئ او یو نوی مهارت زده کړئ. د وخت په تېرېدو به ووینئ، چې حافظه مو څومره پیاوړې شوې ده.  

درېيم| بادام وخورئ!

دا منو چې په دې بد اقتصادي وضعیت کې به د بادامو اخیستل غیر مناسبه خبره وي؛ خو زموږ موخه دا نه ده، چې تاسو دې خورا ډېر بادام وخورئ. په دوامداره توګه د ورځې دوه ـ درې دانې بادام خوړل هم یوه ښه پایله لرلای شي. هغه پیسې چې پر نورو غیر صحي/غیر ضروري خوړو ورکوئ، بادام پرې را و نیسئ او هر سهار يې لږه اندازه خورئ. د وخت په تېرېدو سره به یې اغېز پخپله درک کړئ.  

څلورم| ورزش وکړئ!

له دې ټولو سره ـ سره ورزش هم د حافظې په پیاوړتیا کې بې اغېزې نه دی. که غواړئ، ښه حافظه ولرئ، زده کړي مسایل او خبرې مو هېرې نه شي؛ نو حتما ورزش کوئ.  روغتياپالان د ورزش د نورو ډېرو ترڅنګ یو هم د حافظې پیاوړتیا یادوي. که تاسو هم غواړئ د قوي حافظې خاوند شئ نو له ورزش څخه مه تېرېږئ. مهمه نده، چې تاسو دې په یو کلب یا بل لوکس ځای کې ورزش وکړئ. پخپله حویلۍ، کوڅه او سړک کې منډې او قدم وهل هم ستاسو په ورزش کې حسابېږي؛ خو په دې شرط چې هره ورځ یې ترسره کړئ.  

پنځم| پوره او منظم خوب وکړئ!

ترسره شوو څېړنو ښودلې ده، چې اکثریت هغو کسانو چې د حافظې له کمزورۍ یې شکایت درلود پوره او منظم خوب نه کاوه. که تاسو هم غواړئ د حافظې له کمزورۍ سره مخ نه شئ او یا مو حافظه پیاوړې شي؛ نو ډېره بې خوبي مه کوئ او تل هڅه وکړئ، چې بشپړ/منظم خوب ولرئ.  

شپږم| تفکر وکړئ!  

د یوې بلې لارښوونې په توګه ویلای شو، چې د ورځې یو ساعت تفکر ته بېل کړئ. د خدای په خلقت او نوره مثبته نړۍ کې اوسئ. وګورئ خدای څومره عالي مخلوقات پنځولي دي. همدارنګه ځان په هغه موقف او ځای کې تصور کړئ، چې غواړئ واقعا هم هملته اوسئ. د خپلو هوډونو او لاسته راوړنو په اړه فکر وکړئ. دا کار په سیستماتيکه توګه ستاسو حافظې ته قوت او پیاوړتیا وربخښي. له دې ورهاخوا دا لاندې چارې هم د حافظې په پیاوړتیا کې موثرې ګڼل کېږي.  

  • لمر ته کښېناستل
  • مطالعه
  • د هګۍ خوړل  
Related Articles

د چين دېوال حيرانوونکې کيسه!

ژباړه ـ فاطمه اعظم  پخواني چينایانو چې غوښتل د خپل هېواد ساتنه وکړي، د چين لوی ديوال يې جوړ کړ او داسې فکر يې کاوه چې ګواکې هېڅوک له دې دېوال څخه نه شي پورته کېدلای؛ خو له بده مرغه د دې دېوال له جوړولو وروسته په لومړیو سلو کلونو کې درې ځلې پر چين يرغل وشو. په داسې حال کې چې هر ځل اړتيا وه دښمن پر دېوال راواړوي؛ خو هغوی داسې نه کول. په ډېرې اسانۍ ی...

فیسبوک کمپنی مصنوعی ځیرکتیا څخه ډار

هغه پروژه چې د فيسبوک کمپنۍ د ډار او وهم لامله يو دم بنده کړه...😳په 2017 کې د فيسبوک کمپنۍ يو پروژه پيل کړه د FAIR په نوم په کومې کې چې دوي دوه د مصنوعي ځيرکتيا (AI) د خبرو ربوټونه جوړ کړه کومو چې ښه سمې خبرې او د هر پوښتنې ځواب ويلو مګر دوي غوښتل يو څه داسې حيرانونکې تجربه کړې چې تر دې دمخه نه وو تجربه شوي او هغه وو د دغو دوو ربوټونو د يو بل تر م...

د زده کړي غوره لاره

ما ډیر ځله اوریدلې چې یو زده کونکی یا هغه څوک چې مطالعه کوي وایي: زه نور د دې کتاب لوستلو حوصله نه لرم یا څومره چې يې وایم هغومره مي له یاده وځې یا ما لس ځله لوستلې او تکرار کړی، مګر لا مې هم نه دی زده کړی. په حقیقت کې ستونزه څه ده؟ ایا زه واقعاٌ باید د درس زده کولو لپاره 10 ځله کتاب ولولم؟ دقیقا، که داسې وي ، مطالعه سخت کار دی. مګر واقعیت بل څه د...

Recommended Articles

کوټه سنګي ته ولې کوټه سنګي وايي؟

ځینې کسان په دې اند دي چې د کوټه سنګي نوم اصلا د هغې ډبرېنې کوټې څخه اخیستل شوی دی چې یو وخت په میرویس میدان کې جوړه شوې وه.ویل کیږي کله چې د دغه ځای د سړکونو کرښې وکښل شوې د سړکونو د تقاطع په نقطه کې یعنې په څلور لارې کې د ساتونکي لپاره د ډبرو یوه خونه جوړه شوه له همدې امله دا سیمه په کوټه سنګي یا د ډبرو د کوټې په نوم ونومول شوه.خو اصلا د دې  سیمې...

له مطالعې سره څنګه ځان عادت کړو؟

لیکنه ـ ریاض مقامزی د هر لوستي ځوان لپاره دوامداره مطالعه ډېره اړينه او مهمه ده. که تاسو دوامداره مطالعه کوئ، ذهن به مو فعال وي او هېڅکله به په وینا کې له بندښت سره مخ نه شئ. ددې ترڅنګ مطالعه ګڼې نورې ګټې هم لري. موږ نه غواړو، چې تاسو ته د مطالعې پر ارزښت وغږېږو. یوازې غواړو، تاسو ته ددې لارښوونه وکړو، چې څنګه دوامداره مطالعه خپل عادت وګرځوو. آیا...

وړیا PDF کتابونو معتبر سایټونه

وړیا pdf کتابونه چیرته پیدا کړو؟ ځواب: 👇 دلته میلیونونه کتابونه موندلی شئ  دا چې یو زیات شمیر کتاب لوستونکو او څېړونکو هیواد پریښی او له بده مرغه نورو هیوادونو کې د پښتو او فارسي کتابونو چاپي نخسې نه موندل کیږي او ددې ترڅنګ د هیواد په دننه کې هم د کتاب بازار سوړ شوی، له بهر څخه واریدیدونکي کتابونه محدود شوي دی نو ځکه مې لازمه وبلله د کتاب د نړیو...