To start downloading books

Please sign in or create an account.

هغه نزاکتونه چې مېلمه باید پام ورته وکړي!

هغه نزاکتونه چې مېلمه باید پام ورته وکړي!

لیکنه ـ ریاض مقامزی  

انسان د خپل ټولنیز ژوند له کبله مجبور وي، چې په بېلابېلو مجالسو کې ګډون وکړي او له بېلابېلو خلکو سره اړیکې ولري. له همدې امله ځينې وخت د نورو کره مېلمه کېږي هم؛ خو دا باید هېره نه کړو، چې هر ځای تلل خپل اصول، آداب او نزاکتونه لري. نو که تاسو هم چا کره مېلمانه کېږئ، دا لارښوونې حتما عملي کړئ.  

لومړی| ځان ډاډه کړئ!

تر هر څه لومړی باید د کوربه پر وضعیت ځان ډاډه کړئ. په دې برخه کې څو خبرې مهمې دي. لومړی باید وپوهېږئ، چې مېلمه په اقتصادي لحاظ دې ته چمتو دی او که نه، چې ستاسو کوربتوب وکړي. که مقابل لوری بد اقتصادي حالت لري، نو له ورتللو ډډه وکړئ او یا هم په داسې وخت کې ورشئ، چې پر مصارفو مجبور نه شي.

په دویم قدم کې د مېلمه پر اوزګارتیا/نا اوزګارتیا ځان وپوهوئ. ددې ګټه دا ده، چې تاسو به د نورو ورځني فعالیتونه له خنډ او ځنډ سره نه وي مخ کړي. همدارنګه پر دې هم پوه شئ، چې کوربه مو د مېلمنو لپاره ځای لري او که نا. دا ټول هغه مسایل دي، چې باید له وړاندې پرې ځان پوه کړئ.  

دویم| یو څه ور وړئ!

که تاسو چا کره مېلمانه کېږئ، نو حتما یو څه له ځان سره یوسئ. په ځانګړې توګه که مېوې وروړئ نو ډېره به ښه وي؛ خو په دې شرط چې ستاسو اقتصادي وضعیت هم لږ ښه وي او دا چاره ستاسو نور مهم کارونه له خنډ سره نه مخ کوي. نو د یو ښه مېلمه په توګه تش لاس مه ورځئ!  

درېیم| کور ته په داخلېدو کې احتیاط وکړئ!

کله چې د کوربه مېنې (کور) ته ورسېدئ، نو کور ته یې په داخلېدو کې باید پام وکړئ. لومړی پرېږدئ چې کوربه داخل شي. د نوموړي له داخلېدو وروسته تاسو راسا مه ځئ. باید وپوښتئ "درشم؟" که ځواب یې هو وي نو بیا ورشئ؛ خو پرته له دې چې هاخوا دېخوا نظر واچوئ. راسا د مېلمه پل تعقیب کړئ او په هغه پسې ولاړ شئ.  

څلورم| د کوربه په خوښه ځای وټاکئ!

کله چې حجرې/کوټې ته داخل شوئ، نو منتظر شئ، چې کوربه تاسو ته د کښېناستلو ځای وټاکي. کله چې کوربه له تاسو څخه په کوم ځای کې د کښېناستلو غوښتنه وکړي هملته کښېنئ. ددې کار حکمت دا دی، چې شاید کوربه غواړي د کور ځینو ساحو ته ستاسو شا کړي او ستاسو د سترګو له نظره لرې وساتي؛ نو پر دې اساس پرېږدئ چې کوربه درته ځای وټاکي.  

پنځم| تجسس مه کوئ!

په حجره کې تر ناستې وروسته، هغه پوښتنې هېڅکله مه کوئ، چې مهمې نه وي. "کور مو خپل دی؟"، "ولې مو دلته کور جوړ کړی؟"، "د کوټې رنګ ولې داسې دی؟" او ورته نورې پوښتنې مه کوئ. شاید د اعتماد/اړیکې په جوړېدو سره کوربه پخپله دا ټولې پوښتنې درځواب کړي. همدارنګه خپل نظر تر کنټرول لاندې وساتئ. په ځانګړې توګه هغه طرف ته بېخي مه ګورئ، کومه خوا چې د کور خونې/اطاقونه وي.  

شپږم| د خوړو ستاینه وکړئ!

که ډوډۍ مو وخوړه؛ نو د خوړو د خوند ستاینه حتما وکړئ. دا کار کوربه ته خوښي ورکوي او ستاسو د بیا راتلو هیله به کوي. که د خوړو ستاینه کوئ ستاسو هېڅ هم نه کمېږي؛ مګر برعکس یو یا څو انسانانو ته خوښي ورکوئ.  

اووم| مننه ترې وکړئ!

د تللو په وخت کې د کوربه د ټولو زحمتونو قدردانی وکړئ او ډېره مننه ترې وکړئ. همدارنګه د زحمتونو بخښنه هم ترې وغواړئ. دا کار فقط په څو ساده الفاظو کېږي؛ خو اغېز یې خورا زیات دی. 

Related Articles

د کار د حقوقو اړوند ۱۵ مهم اصطلاحات!

موږ او تاسو د خبرو پر مهال ګڼ اصطلاحات کاروو. نو اړ یو، چې ددې اصطلاحاتو پر معنا او مفهوم هم پوه اوسو تر څو په مناسبو ځايونو کې یې وکاروو. د لیکنې تر پايه به د کار حقوقو اړوند ۱۵ مهمو اسطلاحاتو پوه شئ.   د کار حقوقو اړوند ۱۵ مهم اصطلاحات! ۱: مامور هغه کارکوونکی دی چې د کار د قانون د احکامو مطابق، د ملکي خدمتونو ادارې له لارې په دايمي توګه استخد...

د لوړو نرخونو د کنټرول یوویشت حللارې

1- تر ډیره بریده خلکو سره دا اندیښنه وي چې هر وخت افغانی ارزښت له لاسه ورکوي نو په همدې اساس دوی غواړي ډالر ځان سره سپما کړي کوم چې د نرخونو په لوړوالی کې مهم رول لري نو باید خلک له دغې کړنې لاس واخلي.   2- هیوادوال باید په ټولو راکړو ورکړو کې له افغانیو څخه استفاده وکړي.   3- دولت ته پکار دي چې د لویو تولیدي شرکتونو کلک حمایت وکړي او د دوی امن...

اولویت های رسانه یی

اولویت های رسانه یی مصطفی عمرزی از یکی از بزرگان فرهنگی ما پرسیدم که استاد محترم! در این اواخر، کمتر می نویسید؟ با تبسم گفت: نه، چنین نیست! حالم خوب است. منتها در نوبت ایستاده ام. وقتی توضیح خواستم، گفت که نوشته هایش را سر وقت می فرستد، اما مسوولان رسانه ها، آن ها را در نوبت می گذارند تا بدون در نظر داشت ترجیحات این که آثار یک نخبه هستند، به تعقی...

Recommended Articles

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته بيا بېرته خپل ټول تاثير له لاسه ورکړي، د هورمونونو تاثير د زيات وخت لپاره دوام کوي. د انسان په بدن...

څنګه کولای شو ښه شخصيت ولرو؟

 په دې لیکنه کې به تاسو هغه لارښوونې ولولئ، چې تاسو ځانګړي کوي او خلک به مو شخصيت ته درناوی لري.   خپل ظاهر ته ارزښت ورکړئ د هرې اړیکې په شروع کې ظاهري شکل خورا اړین فکټور ګڼل کېږي. په هاروارډ پوهنتون کې ترسره شوې څېړنه ښيي، چې انسانان ظاهر ته په کتو په لومړۍ ليدنه کې د مقابل لوري په اړه له ۳ نه تر ۷ ثانيو پورې  قضاوت کوي.  ددې لپاره چې ځانګړي و ا...

د حافظې د پیاوړتیا څو لارې

هغه حقیقت چې د عمر په زیاتېدو سره حافظه له منځه ځي، دلیل نه شي کېدای چې ونه شو کولی د له منځه تللو طریقه یې ډېره سسته کړو. څېړنو ښودلې ده چې موږ کولی شو د امکان تر حده حافظه وساتو، اجازه راکړئ دغه عملي لارې وسپړو.  د حافظې د قوي کېدلو څو لارې  ژور فکر وکړئ چې فعاله حافظه مو بهتره شي: فعاله حافظه تقریباً ستاسو د مغز د یادښت کتابچه ده، چېرته چې نوي...