په پښتنه ټولنه د ټیک ټاک اغېزې

تاج محمد رحيمي

لنډيز ټیک ټاک د نوي عصر او ټکنالوژۍ هغه وسیله یا اپلیکشن دی،چې په ډېر ه کمه موده کې یې د نړۍ پر هر ګوډ خپل سیوری غوړولی دی.د نړۍ په هره برخه کې مینه وال لري. دا اپلیکشن یا ټکنالوژي په ډېر کم وخت کې د ډېرو خلکو د پام وړ وګرځېدو.په دې وسیله هر څوک کولی شي،ځانله یو اکونټ جوړ او په هغې کې وړې وړې ویوډیوګانې جوړې او خپلو مینه والو ته یې ورسوي،په ټیک ټاک کې اسلامي،فرهنګي،ټولنیزې،سیاسي او د ژوند نورو برخو پورې تړلي ټول موضوعات راوړل کېږي.په ځینو هېوادونو کې د همدې لارې په میلینونو ډالر هم تر لاسه کېږي.په اوس وخت کې ټیک ټاک د ژوند یوه برخه ګرځېدلې ده.ټیک ټاک په پښتنه ټولنه هم خپل سیوری کړی او ډېری ځوانان که هغه په لر دي او که په بر د دې لارې په زړه پورې ویډویو ګانې جوړوي او خلکو ته یې وړاندې کوي.