To start downloading books

Please sign in or create an account.

Yasir Takal 4 years ago 2,021
دخوشحاله ژوند لاري چاري

دخوشحاله ژوند لاري چاري

هر څوک غواړي چې خوشحاله اوسې او له خوښۍ ډک ژوند ولري،او د خوشحاله ژوند د هیلې درلودل واقعا یوه مشروع هیله ده. په دي لیکنه کې په څو هغه لارو چارو غږیږو چي په عملې کولو سره یې، یادې هیلې ته رسیدلې شو:

وزګار مه کېنئ : تل ځان مصروف وساتئ او په همغه کار کې دځان لپاره دخوښئ دلایل ولټوئ، تل دا وایه چې له تیارو او ستونزو څخه وروسته حتماً رڼا شته، په الله ج کامل باور ولرئ او دهر مصیبت راتګ دهغه امتحان وګڼئ، له چا څخه دمننې تمه مه کوئ او مه کوم کار دمننې کولو لپاره کوئ، دالله ج ذکر کوئ او تل یې عبادت کوئ، په مصیبتونو زغم ولرئ او دراتګ پر وخت یې چغې مه وهئ، دالله ج په وېش خوښ اوسئ او په درکړل شوې برخې شکر اداء کړئ.

هېڅ وخت بل چا ته سترګې مه پټوئ: د هغه څه لپاره چې د اخیستو توان یې نه لری او یا ورته کافي پانګه نه لری، د بل قرض او دین ته غاړه مه ږدئ. د ژوند له کوچنیو خوښیو لکه پلي تګ، له دوستانو سره ناسته ولاړه او په طبعیت کې له یوې ښې ورځې تېرولو خوند واخلئ.

تل نورو ته خیر رسوونکي اوسئ : په دې سره به مو نورو سره مرسته هم کړې وي او تاسې به هم په روحي ډول خوښې ترلاسه کړئ او په راتلونکي کې به مو خپل وجدان ته ملامت هم نه یاست.

تفریح وکړۍ او پارک ته ولاړ شئ: د پوهنتون يو پروفیسور استاد میتیو وایټ وايي، په اونۍ کې دوه ساعته په پارک کې تیرول ښکاره اثرات لري خو که له دې ډیر وخت تېر کړئ لا زیات اثرات لري، دغه استاد زیاتوي، که تاسو د هر قوم نه يي هر نژاد نه يئ دوه ساعته په پارک کې تیر کړئ، منډې ووهۍ ، چهل قدمي وکړۍ که عمر مو زیات وي او دا هم نشئ کولائ نو بیا پر چوکۍ کښینۍ او د شنو بو ټو نظاره وکړۍ.

د يوه بل کس لپاره يو مهم کار تر سره کړئ : که هره ورځ نشئ توانېدلی دا کار په اونۍ کې يو ځل وکړئ، مثلا په ملي بس کې خپل څوکۍ هغه کس ته خوشې کړئ چې تر تاسې زيات ستومانه دی او سر يې د ملي بس په منځ کې ولاړه ميله لګولی دی.

موسکي اوسئ : د خلکو سره په ناسته پاسته کې موسکي اوسئ؛ په دې کار به خلک ښه احساس وکړي او تاسې سره به ښه سلوک وکړي؛ نو د نورو خلکو سره د موسکي اوسېدو لپاره مخکې اوسئ.

دینې احکام پر ځای کړئ : تل هڅه وکړئ پنځه وخته لمونځ، تلاوت او دالله ج ذکر وکړئ، ژوند به مو ډېر ښکلی شي او له اندېښنو او غمونو څخه به خلاص شئ.

په اوسني مهال کې ژوند وکړئ : دا د خوشحاله ژوند د تیرولو لپاره تر ټولو مهم راز دی، تیر وخت تیر شوی دی، راتلونکی هم تر اوسه نه ده راغلی، یواځینئ لحظې چې تاسي یې لرئ همدا اوسنئ لحظې دي نو؛ خوند ترې واخلئ.

د نويو شيانو منل : نوي شيان کولی شي د خوشحاله ژوند په لرلو کې له تاسې سره مرسته وکړي؛ يوه نوې سندره واورئ، يو نوی فلم وګورئ او يا يو نوی ورزش تجربه کړئ. دا نړۍ د بې شمېره داسې جالبو شيانو نه ډکه ده چې ستاسې د موندلو په تمه دي. که له خپلې ساحې يو څه فاصله واخلئ او نوې تجربې تر لاسه کړئ؛ نو خامخا به ښه احساس ولرئ.

دوه دقيقې خندا : د فشار کمولو او يا له منځه وړلو لپاره تر ټولو ساده لاره خندا ده چې ستاسې لپاره يو خوشحاله ژوند رامنځته کولی شي. کولی شئ د خندا وړ واړه کلېپونه وګورئ او يا مو د ملګرو ټوکو ته غوږ ونيسئ.

غوسه مو وباسئ :که چېرته غوسه یاست او غواړئ چې هیڅوک درسره خبرې ونه کړي، غوره به وي چې خپله غوسه په یوه بالښت یا په کوم نرم شي باندې په فشار راوستلو سره سړه کړئ. او یا هم کوم فزیکي تمرین وکړئ، داسې چې ستړې مو کړي.

ټول ژوند مو دندې او کار ته مه بیلوی: کار د انسان جوهر دی، دا ښه خبره ده خو بېخي زيات کار هم ښه ندی، ښه داده چې کوم کار کوئ له عوايدو يې هم خوند واخلئ ، ډېری خلک د ځنکندن په وخت وايي کاش ژوند مې ډېر کولی او کار لږ.

غوره ملګري وټاکۍ: د ځان لپاره د ښه او غوره ملګرو په لټه کې شئ او داسې ملګري ومومئ چې ستاسو هم فکره،هم ذوقه،او هم مثاله اوسي،تر څو هغه مو په هر حالت کې درک کړي.

ورزش او تمرین وکړئ : ځکه تمرین کول زموږ د فزیکي صحت او ښه احساس کولو لپاره ډیر مهم دی، په دې سره مو عضلات قوي کېږي او اکسیجن په بدن کې ښه عمليه هم کولی شي. نو که تر اوسه مو ورزش نه وي کړی، نو شروع یې کړئ، که منډه وهل وي، ټوپ کول وي، د ټینیس لوبه او نور… یعنې سپورټ ستاسې د صحت کیلي ده، چې هر وخت یې کوې ویې کړئ.

دنورو د قظاوتونو په کیسه کي مه کیږئ: هغه څه چې نور یې ستاسو په اړه وایې او یا فکر کوي له سره یې په کیسه کې مه کیږئ او ځان مه پرې اندیښمن کوئ، د هغو ټاپو په اړه فکر مه کوئ چې نور یې پر تاسو لګوي او د هغو کسانو په اړه فکر مه کوئ چې تاسو غواړي کم راولي. تر ټولو تیر شئ او د هغو کسانو خبرې زړه ته واچوئ او قدردانی یې وکړئ چې تاسو په هره برخه کې هڅوي او ستاسو په بریا خوشحاله او په غم خفه وي. خپلي خوښئ له نورو سره شریکي کړئ، کله چې تنها یې نو په تنهایي سره به د نړۍ له تر ټولو ښکي ځای څخه هم خوند وانه خلي، تر هغو چې دا خوښئ او خوندونه دې له بل چا سره شریک کړي نه وي، د خوښیو شریکول له نورو سره د خوشحالئ او رضایت واقعي احساسات له ځانه سره لري، نو له نورو سره د خپل ژوند او خوښیو په پایله کې به تاسو واقعي خوشحالۍ احساس کړئ.

دټولې نړۍ غمونه په سر مه اخلئ : دومره یې یوسئ چې توان یې لرئ، وخانده او هرې ستونزې ته لکه زمري غوندې ورغاړې ووځئ، په بې وزلۍ مه خفه کېږئ دا په یاد ولرئ چې دقیامت په ورځ دډېرو حساب ډېر دی، دهر څه بدله له الله ج څخه غواړئ، کتاب غوره ملګری وګڼئ او په مطالعه کولو یې دځان سمونه وکړئ، کینه مه کوئ او تل مینه ووېشئ، نن دخپل ژوند وروستئ ورځ وګڼئ او هر څومره خوښي چې کولی شئ همدا نن یې وکړئ، ځکه دسبا د راتللو پته هیچا ته هم نه شته.

Related Articles

(د نړۍ اووه حیرانوونکي ځایونه(دوهمه برخه

لېکنه: شکېبا نادري،د نړۍ اووه نوي حیرانونکي ځایونه  دویمه برخه د چین دېوال لکه څنګه مو چې په تېره لیکنه کې په دې اړه معلومات درکړل چې د نړۍ اووه حیرانونکي ځایونه په دوو برخو وېشل شوي دي: ۱. اووه نوي حیرانونکي ځایونه  ۲. اووه پخواني حیرانونکي ځایونه په نننۍ لیکنه کې د اووه نویو حیرانونکو ځایونو چې یو له هغوی څخه د چین دېوال دی خبرې کوو هیله ده...

لس کاله که شل کاله!؟

ليکنه ـ ریاض مقامزی   یو حکايت دی، چې شاګرد خپل استاذ ته وویل: په څومره وخت کې به دا کسب په بشپړ ډول زده کړم؟ ځواب یې ورکړ: لس کاله.  شاګرد بیا وپوښتل: که زه شپه او ورځ په ځان یوه کړم؛ ډېر زحمت وباسم. سهار ملا آذان کار شروع کړم او ماسختن ناوخته یې بس کړم؛ بیا به یې په څومره وخت کې زده کړای شم!؟  استاذ یې وویل: په شلو کلونو کې!   د حکایت درسونه...

په سرمایه ګزاري کې ولې تاوان کوو؟

هر سرمایه ګزار غواړي چې د خپلې سرمایې له لګولو زیاته ګټه وکړي. د سرمایه ګزاري یو تر ټولو مهم هدف همدا دی چې ګټه وکړي خو له ګټې مخکې باید په دې فکر وکړي چې سرمایه څه ډول او په کوم ځای کې په مصرف ورسوي چې ګټه تر لاسه کړي.په د لیکنه کې یوازې په د رڼا اچوو چې ولې زموږ سرمایه ګزاري زموږ په تاوان تمامیږي خصوصا د افغانستان په ټولنه کې چې زیات خلک له سرمای...

Recommended Articles

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته بيا بېرته خپل ټول تاثير له لاسه ورکړي، د هورمونونو تاثير د زيات وخت لپاره دوام کوي. د انسان په بدن...

له مطالعې سره څنګه ځان عادت کړو؟

لیکنه ـ ریاض مقامزی د هر لوستي ځوان لپاره دوامداره مطالعه ډېره اړينه او مهمه ده. که تاسو دوامداره مطالعه کوئ، ذهن به مو فعال وي او هېڅکله به په وینا کې له بندښت سره مخ نه شئ. ددې ترڅنګ مطالعه ګڼې نورې ګټې هم لري. موږ نه غواړو، چې تاسو ته د مطالعې پر ارزښت وغږېږو. یوازې غواړو، تاسو ته ددې لارښوونه وکړو، چې څنګه دوامداره مطالعه خپل عادت وګرځوو. آیا...

خرمهره؛ تاسو یې په اړه څومره پوهېږئ!؟

 لیکوال: لطیف یاد په پخوانیو وختونو کې به خرو ته اوربشې ورکول کیدلې، چې ددغو اوربشو د خوړلو په پایله کې به تر څو کلونو وروسته د خرو د ژبې لاندې  وینه ټینګه  او غلیظه شوه او د یوه مرغېړي (غُدې) بڼه به یې ونیوله. وروسته به یې دغه مرغېړي (غُده) د خرو د ژبې د لاندینۍ برخې نه  د جراحي عملیاتو (آپریشن) په تر سره کولو وویستله او په جوشو شیدو (پیو) کې به...