To start downloading books

Please sign in or create an account.

د اوبو روغتيايي ګټې

د اوبو روغتيايي ګټې

ژباړه ـ ریاض مقامزی

اورېدلي به مو وي، چې اوبه یعنې ژوند. خو د افغانستان په څېر هېواد کې، چې د څښلو ډېرې پاکې اوبه لري د اوبو پر قدر پوهېدل سخت دي. په هغو سیمو کې چې د اوبو له کمښت سره مخ دي، خلک اوبو ته په ځانګړي اهمیت قایل دي. باید ووایم چې زموږ اصلي موضوع دا ده، چې د اوبو روغتيايي ګټې کوم دي. خو وړاندې له دې چې پر موضوع پوه شئ، باید د اوبو اهمیت ته هم قایل شئ. په نړېواله کچه د اوبو سطحه هر کال د ټيټېدو په حال کې ده، چې دې کړنې نړېوال شنونکي وارخطا کړي دي.

هڅه وکړئ، په کور، کلي، جومات او یا بل هرځای کې د اوبو په مصرف کې احتیاط وکړئ. همدارنګه خپلې کورنۍ، ملګرو او کلیوالو ته هم د اوبو د مناسب مصرف توصیه وکړئ. تاسو به ددې لیکنې تر پایه پوه شئ، چې اوبه زموږ بدن هه کومې روغتيايي ګټې لري او هره ورځ باید څومره اوبه وڅښو.

 

د اوبو اندازه

په ورځني ډول د اوبو څښلو اندازې په اړه روغتياپالان مختلف نظرونه لري. دا ځکه چې د هرشخص روغتيايي وضیعت، ورځني کارونو او د ژوند شرایطو ته په کتو باید د اوبو ځښلو اندازه وټاکل شي.

موږ هره ورځ د تنفس، خولو او ادرار له لارې یوه اندازه اوبه له لاسه ورکوو. دا چې یاده چاره په سمه توګه پرمخ لاړه شي، باید د اوبو په څښلو سره د بدن اوبه بېرته پوره کړو.

په عمر پوخ کس، چې په یوه معتدله سیمه کې ژوند کوي، نارینه د ورځې "۳،۷" لیتره او ښځينه یې "۲،۷" لیتره اوبو ته اړتيا پيدا کوي. 

باید پوه شئ، چې دا هغه اندازه اوبه دي، چې بدن یې د اوبو او خوړو له لارې پوره کوي. ددې اندازه اوبو "۲۰" سلنه د خوړو او پاتې "۸۰" سلنه یې د مایعاتو له لارې پوره کېږي. 

همداسې د سیمې، کار او نورو صحي شرایطو ته په کتو د هر چا لپاره د اوبو اندازه فرق کوي. خو په ټوله کې باید ووایو، چې هيڅکله تږي مه ګرځئ. د تندې په وخت کې حتمي اوبه وڅښئ او خپله تنده ختمه کړئ. که د تندې له ماتېدو وروسته یو ګيلاس نورې اضافي اوبه هم وڅښل شي، ستاسو روغتيا ته کوم زیان نه لري، بلکې لا ګټور ثابتېدای شي.

 

د اوبو روغتيايي ګټې

په مناسبه کچه د اوبو څښل ګڼ حيرانوونکي ګټې لري. دلته یې پر ځينو مهمو روغتيایي ګټو لنډې او مفصلې خبرې شوي دي.

 

  • د وزن کمښت 

د اوبو له ځانګړنو یو هم د وزن کمول دي. د اوبو څښل له تاسو سره مرسته کوي، چې د بدن اضافه وزن مو کم کړي. ځکه چې په بدن کې د غوړو له امله رامنځته شوي ترکیبات ختموي، همدارنګه ستاسو اشتها هم کموي، چې په پایله کې یې کم خواړه خورئ او وزن مو کمېږي. ددې ترڅنګ باید دا هم روښانه شي چې اوبه صفر کالوري انرژي لري.

 

  • د سر درد طبیعي درملنه

ځينې وخت د سر او ملا درد په بدن کې د اوبو د کمښت له امله هم وي. که ستاسو ستونزه هم له همدې امله وي، نو ډېر امکان شته، چې یاده ستونزه مو هم حل شي.

 

  • پوستکی مو تازه ساتي 

د اوبو سو له مهمو ګټو څخه دا دی، چې د بدن پوستکی تر او تازه ساتي. هغوی چې په کافي اندازه اوبه څښي، نسبت هغوی ته چې د اوبو کموالي سره مخ دي ډېر تازه وي او وروسته زړېږي.

 

  • د فکري تمرکز لپاره هم مهم دي 

د معزو زیاته برخه له اوبو تشکیل شوې ده. روغتيا پالان پر دې باور دي، چې په مناسبه اندازه د اوبو څښل د فکري تمرکز په رامنځته کېدو کې رغنده رول لري، چې دا چاره به ستاسو د ورځينو چارو د ښه ترسره کېدو لپاره خورا ګټوره تمامه شي.

 

  • د بدن فعالیتونه مو ښه کوي

له دې ټولو ګټو سره ـ سره اوبه مرسته کوي، چې ستاسو د بدن ټولې چارې منظمې وي. که د اوبو له کمښت سره مخ یئ، د دردونو او ستړيا احساس به کوئ، نو ورځنې چارې مو هم غیرمنظمې او ګډې وډې وي.

 

  • د هاضمۍ سیستم پياوړتيا کې مرسته کوي

 د اوبو په څښلو سره په بدن کې د میتابولېزم کچه پورته ځي او د خواړه په هضم کې خورا ګټور ثابتېږي. همدارنګه فیبر او اوبه یو ځای ستاسو د کولمو د فعالیت په ښه والي کې مرسته کوي. 

له دې ټولو ګټو سربېره، د سلامتۍ احساس، کم ناروغېدل، د ستړيا ختمېدل، د زغم زیاتوالی او د سرطان د ګواښ کمېدل هغه نورې ګټې دي، چې روغتيا پالان یې یادونه کوي.

Related Articles

د تور چای په اړه درې ناسم او څلور سم معلومات

د تور چای په اړه ګڼ شمېر ناسم معلومات یا خرافات ورکول کیږي، خو دغه چای د بدن داخلي برخو سربېره خارجي برخو ته هم خورا زیاته ګټه رسوي، دلته هغه ناسم او سم معلومات وړاندې کوو چې د تور چای په اړه خپاره شوي:ناسم معلوماتشین چای له تور چای څخه زیات ګټور دیدا یو ناسم تاثر ورکول کیږي چې شین چای له تور چای څخه غوره دی.په وروستیو کلونو کې ګڼ شمېر څیړنو او مطا...

د هغه چا پر وړاندې چې سپکاوی درته کوي باید څه وکړﺉ؟

لیکنه: شکېبا نادري د هغه چا پر وړاندې چې سپکاوی درته کوي باید څه وکړﺉ؟   انسان تل په یو حالت کې نه وي ځینې وخت انسان د یوه کس د خبرو پر وړاندې حوصله کوي او زغمي یې، خو ځینې وخت بیا انسان د نورو د خبرو حوصله نه لري او ارومرو یې ځواب ورکوي. موږ ډېری وخت له داسې کسانو سره مخ کېږو چې توهین کول او سپکې خبرې یې عادت شوی وي او تل یې کوي.  موږ په نننۍ...

ولی ساختمان کی د بیم ارتفاع له عرض زیات نیسو

#موضوع: ولې د Beam یا ګاډر ارتفاع نظر عرض ته زیات باید ونیول شي؟#ژباړه. پوهنیار استاد صابرشاه صابري منګلګادر یو ماتیدونکي عنصر دی چې په خاص ډول د مومنټ او ماتیدونکي فشار سره مخامخ دی ګادر عموم کې د ماتیدونکو فشارونو په مقابل کې مقاومت لپاره جوړیږی نو د ګادر مقطع باید داسې ډول سره طرحه شي چې کاملآ برداشت وړتیا د سختي مقابل کې ولري او انرشیا مومنت با...

Recommended Articles

د خپل مخ پوستکی څنګه ښکلی کړو

د خپل مخ پوستکی څنګه ښکلی کړو، چې د هرچا د خوښې وړ وګرځي؟پر پوستکي مختلف داغونه د مختلفو عواملو له امله پیدا کېدی شي لکه د لمر د وړانګو له امله، د ځینو درملو د استعمال له امله او یا کېدای شي د عمر په زیاتېدا سره هم ځینې نښې نښانې را څرګندې شي. په همدې اساس د هر عامل له وجې د پوستکي د داغونو درملنه هم په جدا ډول سره کېږي، چې باید توپیر یې وشي، لکه...

کوټه سنګي ته ولې کوټه سنګي وايي؟

ځینې کسان په دې اند دي چې د کوټه سنګي نوم اصلا د هغې ډبرېنې کوټې څخه اخیستل شوی دی چې یو وخت په میرویس میدان کې جوړه شوې وه.ویل کیږي کله چې د دغه ځای د سړکونو کرښې وکښل شوې د سړکونو د تقاطع په نقطه کې یعنې په څلور لارې کې د ساتونکي لپاره د ډبرو یوه خونه جوړه شوه له همدې امله دا سیمه په کوټه سنګي یا د ډبرو د کوټې په نوم ونومول شوه.خو اصلا د دې  سیمې...

په ځوانۍ کې د ويښتانو سپينېدل او درملنه

د ويښتانو سپينېدل اکثراً د زړښت معنا ورکوي نو ځکه خو انسان د خواشينۍ احساس کوي؛ مګر دا لا ډېره خواشينوونکې وي، چې په ځوانۍ کې مو ويښتان سپين شي. په طبیعي توګه د سپين پوستو ويښتان نسبت تورپوستو ته ژر سپینېږي. معمولاً په سپين پوستو کې د ويښتانو سپينېدل د ژوند د څلورمې لسیزې په لومړيو کې پيلېږي، مګر په نورو نژادونو کې دا حالت د څلورمې لسیزې په وروستيو...