To start downloading books

Please sign in or create an account.

Obaidullah Ahmadzai 3 years ago 958
په ټولنيزو رسنيو کې د فعاليت کولو آداب

په ټولنيزو رسنيو کې د فعاليت کولو آداب

1- هر مطلب، فیلم یا عکس بايد ژر له نورو سره شريک نه کړو، په دقت يې وګورو او په اړه يې يو څه فکر وکړو، که زموږ لپاره د منلو، باوري اوګټور و، له نورو سره هم يې شريک کړو او که نه، نو له شريکولو يې ډډه وکړو.

2- هر څه بياځلي خپاره نه کړو، هڅه وکړو چې زموږ د مطالبو سرچينې، حقيقي شخص او مرجع پېژندل شوې، باوري او د استناد وړوي.

  3- د هغو خبرونو حجم په خوداګاه ډول کنټرول کړو چې خپروو يې او د نورو د وخت مهموالي ته پام وکړو.

4 – شايعات، بې لاسليکه او د ناباوري سرچينې مطلب خپاره نه کړو.

5 – ځينې وخت غوره ده چې يوازې لوستونکي او ليدونکي اوسو او د هغه پوسټ په اړه هيڅ غبرګون ونه ښييو چې لولو او وينو يې.

 

6 – تل مو پام وي چې کوم شی د چا لپاره بياځلي خپروو.

7 – مطالب له مخاطب، عنوان او د ګروپ له غړو سره مناسب پوسټ کړو.

 

8 – ځينې وختونه غوره‌ ده چې د کلمه په زياتولو يا کمولو سره ترلاسه شوی پېغام اصلاح يا بشپړ کړو او بيا يې خپور کړو.

9 – پام وکړو چې د فساد، فحشا او بې عدالتۍ خپروونکي نه اوسو او د ظلم او بې انصافۍ توجيه ونه کړو (حتا په ټوکو کې هم).

10- د اشخاصو اړوند مطالبو، خصوصي حريم او د ښاروندۍ حقوقو په تړاو ټول مطالب په پام کې ونيسو او د چا سپکاوی ونه کړو.

11- د نورو د شخصي او خصوصي ويډيوګانو او عکسونو له شریکولو ډډه وکړو.

12 – پام مو وي چې نن سبا زموږ د شخصيت پېژندنې يو راز همدا ټولنيزې رسنۍ دي.

13 – پر نورو د نيوکې پر وخت بايد انصاف ، عدالت و احترام  رعایت کړو.

14- د نورو د نظرونو او کړنو په ارزونه او نقد کې له انصاف او سړيتوبه ونه وځو، نظرونه او کړنې وارزوو او د اشخاصو پر شخصيتحمله ونه کړو.

15- له دين نه‌ د وسيلې په توګه ګټه وانخلو او خرافات دود نه کړو.

16- ځينې وخت غوره‌‌ ده چې د دروغجنو، بې انصافه او غیرحقيقي پوسټونو پر وړاندې غبرګون وښیيو او مناسب ځواب ورته چمتو او خپورکړو.

17- د کتاب لوستنې د فرهنګ د دودولو او لېوالتیا په موخه د هغو ګټورو کتابونو مطالب خپاره کړو چې موږ لوستي دي، څو نور خلک ترېهم ګټمن شي.

18- د غوره، مثبتو او هيله بښونکو خبرونو خپروونکي اوسو او د امکان تر بريده د منفي مطالبو له خپرولو ډډه وکړو.

د ټولنې روغتيا زموږ ټولو روغتيا ده

بايد يو بل ته پام وکړو

Related Articles

څنګه کولای شو هدف ته ورسېږو؟

 تاسو به ډېر داسې کسان لیدلي وي او یا به مو په اړه معلومات لوستي وي چې په ژوند کې بریالي دي، موخو ته رسېدلي او تر نورو یې ژوند جوړ او خوشحاله دي. خو دا چې دوئ څنګه ځان دې ځای ته رسولای؟دا خو معلومه خبره ده چې انسانان، پوهان او شتمن خلک څنګه چې دي دغه شان له مور نه نه دې زېږېدلي بلکې په خپل فکر، خپل زیار او خپلو هڅو یې ځانونو دغه ځای ته رسولي. هر ان...

د الیوت لنډ ژوندلیک

لیکنه ـ ریاض مقامزی   د نړیوالو ادبیاتو په فهرست کې د "الیوت" نوم هم خورا روښانه دی. موږ پدې لیکنه کې تاسو د الیوت د پېژندنې، آثارو او ویناوو په اړه معلومات درکوو. د لیکنې تر پایه به یې په ښه شکل وپېژنئ.   د الیوت لنډ ژوندلیک د نړېوالو او په ځانګړې توګه د انګلېسي ادبیاتو ددې نامتو کره کتونکي او ليکوال پوره نوم توماس الیوت "T.S Eliot" دی. نوموړی...

صابئین دین چی قران کی تری یادونه شوی

دهغه دین پیروان چې په قرآن شریف کې ترې یادونه شوې ده ، خو  ډیر لږ خلک ترې خبر دي : صابئین چې مندائیان هم ورته ویل کیږي  دهغه دین پیروان دي چې په قرآن شریف کې ترې یادونه شوې ده او زیاتره په عراق ، سوریه او دایران د خوزستان په اهواز   کې استوګنه لري اوځانونه دحضرت یحیی علیه السلام پیروان بولي، خو دیحیی علیه السلام نه سربیره دوی پر حضرت آدم ، حضرت شی...

Recommended Articles

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته بيا بېرته خپل ټول تاثير له لاسه ورکړي، د هورمونونو تاثير د زيات وخت لپاره دوام کوي. د انسان په بدن...

ملا نصرالدین څوک و؟

ملا نصرالدين ته ترکان حواجه يا خواجه نصرالدين وايې، افغانان او اير انيان يې ملا نصر الدين (ملا نصرودين) بولي،عربان يې دجحا نصرالدين او افندي نصرالدين په نامه پيژني٠  ملا نصرالدين د يوه روايت پر بنسټ په اوومې هجري پېړۍ کې چې د١٢٠٩ زېږدېز/میلادي کال سر ه سمون خوري دسلجوقي واکمنۍ په زمانه کې دتر کيې دخورتو په ښار ګوټي کې دې نړۍ ته سترګې پرانيستلي دي...

که مو ویښتان تویږي دا درې خواړه وخورئ

مهمه نه ده چې ويښتان مو اوږده، لنډ، صاف یا ګالګووتي او یا په هر شکل چې وي خو د ویښتانو تویدل یو داسې افت دی چې په ټولو راتللی شي. یوازېنۍ د خلاصون لاره ترې همدا ده چې اندیښنه کمه او کار ډیر وکړو. د ویښتانو تویدلو تر ټولو ستر او عام لاملونه اندیښنه، په بدن کې د ویښتانو پورې اړوند ویټامینونو کمښت، هورمونيکي ستونزې، بې کیفیته شامپو او نورو تولیداتو ک...