To start downloading books

Please sign in or create an account.

د کریسمس جشن په اړه پوه شئ!

د کریسمس جشن په اړه پوه شئ!

ژباړه ـ ریاض مقامزی  

د میلادي کال د پای په را نږدې کېدو سره په ټولنیزو رسنیو کې له ګڼو پوسټونو، انځورونو او لیکنو سره مخ کېږو، چې د کریسمس جشن په اړه خبرداری راکوي. شاید تاسو ته هم ددې جشن په اړه ګڼې پوښتنې پیدا شوې وي. موږ همدې ضرورت ته په کتو دا لیکنه چمتو کړه، چې ستاسو په عمومي معلوماتو کې به یوه ښه اضافه وي.  

د کریسمس کلمه  

دا کلمه د لومړي ځل لپاره په "۱۰۵۰ز" کال کې "د مسیح جشن" په بڼه پخوانۍ انګلېسي ژبې ته داخله شوه. په هغه وخت کې د "Christes maesse" په شکل لیکل کېدله؛ مګر د تاریخي څېړنو پر اساس ویل شوي، چې کوچنۍ شوې بڼه یې (Christmas) د لومړي ځل لپاره په دیارلسمه میلادي پېړۍ کې وکارول شوه. البته هېره دې نه وي، چې هماغه پخوانۍ معنا یي ساتلې ده او اوس هم د مسیح جشن/اختر معنا لري.  

د کریسمس جشن

په حقیقت کې له دې جشن څخه د مسیحیانو (عیسویانو) موخه دا ده، چې د حضرت عیسی "ع" د زوکړې ورځ ولمانځي. اصلا دا جشن د عیسویانو اختر بلل کېږي. که څه هم ددې دین اکثریت پیروان دا جشن د ډیسمبر په پنځه ویشتمه نېټه لمانځي؛ خو بیا هم توپیرونه شته. په دې معنا چې ځينې داسې ډلګۍ هم شته، چې دا جشن د ډیسمبر په څلرویشتمه نېټه، همدارنګه بعضي نور بیا آن د جنورۍ په درېيمه ـ څلورمه لمانځي؛ خو د څېړنو له مخې ویلای شو، چې نږدې ۹۰ سلنه عیسویان د ډيسمبر په پنځه ویشتمه نېټه دا جشن ترسره کوي.

دا چې ولې دوی اکثریت د ډیسمبر په پنځه ویشتمه دا جشن لمانځي، دقیقه منشأ یې نده معلومه؛ خو داسې انګېرل کېږي، چې شاید د لومړني عیسوي تاریخ لیکونکي (سکستوس ژولیوس افریکانوس) له لیکنو څخه په الهام دا ورځ ټاکل شوې وي. هغه پخپلو لیکنو کې د ډيسمبر پنځه ویشتمه د حضرت عیسی "ع" د زوکړې ورځ بللې ده. نو ځکه دا نېټه د کریسمس جشن لپاره ځانګړې شوې ده. ځینې نور څېړونکي بیا وايي، چې په لرغوني روم کې په همدې نېټه یو بل جشن موجود و، چې وروسته کریسمس د هماغه جشن ځای ونیوه. په لنډ ډول ویلای شو، دا موضوع لا دقیقه نده واضح شوې.

عیسویان د کریسمس د جشن پر مهال خوښي ښيي او یو بل ته ډالۍ ورکوي. البته په دې جشن کې بابا نوئيل یو خیالي کس دی. ددوی د باور پر اساس یو چاغ سپین ږیری سړی دی، چی سور لباس یې پر تن وي، د کریسمس پر ورځ یا یوه شپه وړاندې راځي او ددوی کوچنیانو ته ډالۍ راوړي. همدارنګه پر دې ورځ دوی په کورونو کې یوه ونه هم دروي، چې معمولا ستنې ډوله پاڼې لري، البته دې ونې ته په بېلابېلو رڼاګانو ښکلا وربخښي. له دې ورهاخوا د خوندورو خوړو چمتو کول او شراب څښل هم ددې جشن برخه ګرځېدلي.  

د کریسمس په اړه نور مهم/جالب ټکي

ـ د کریسمس په شپه ماشومان خپلې جرابې د خپل خوب تخت له پاسه ځوړوندوي، ترڅو بابانوئیل ددوی ډالۍ په هغه کې واچوي.  

ـ د ونزویلا خلک پر دې ورځ پر سکېټ مزل کوي او دا دومره مهمه ګڼي، چې اکثریت لارې ورته تړل کېږي، ترڅو د سکېټ لپاره فضا مناسبه کړي.  

ـ عام باور دا دی، چې بابا نوئیل د کریسمس په شپه د بخارۍ د سوري له لارې کورونه ته ننوځي او ډالۍ وېشي.

ـ په کاناډا کې ماشومان او آن ځينې وخت لویان د بابا نوئیل په نوم لیکونه لېږي. دا چې نوموړی یو خیالي کس دی، نو معلومه ده، چې هېڅکله لیکونه ورته نه رسېږي؛ خو کله ناکله د پوسته خانو کار کوونکي په داوطلبانه شکل دا لیکونه ځوابوي.  

ـ په چیک جمهوریت کې خلک پر دې باور دي، چې که پر دې ورځ نجوني خپل بوټان/څپلکې له اوږو پورته وغورځوي نو ژر به واده شي. خو په دې شرط، کله چې بوټ/څپلۍ پر ځمکه ولګي او مخ یې د یاد په طرف وي.

Related Articles

د لویو بریاوو لپاره کوچني ګامونه!

ليکنه ـ ریاض مقامزی   تاسو چې خپل شاوخوا ته کوم بريالي کسان وينئ، هغوی هم ستاسو په څېر انسانان دي؛ خو توپير مو دومره دی، چې هغوی بریالي او تاسو افسوس کوونکي یئ. افسوس مکوئ! يوازې ځينې کوچني عادتونه خپل کړئ، ترڅو يوه ورځ د هغوی په څېر تاسو هم بریالي او کاميابه کسان اوسئ. که غواړئ پخپل ژوند کې ژر مثبت بدلون حس کړئ او د بریا تر لوړو پوړیو ورسېږئ؛ نو...

وروستۍ ورځ له پندَ ډکه کیسه

یوه ورځ مرګ د یو سړي پر لور ورغی (لاړ) او ورته یې وویل: نن ستا وروستۍ ورځ ده. سړي وویل: خو زه تېار (آماده) نه یم! مرګ وویل: نن ستا نوم؛ لومړی کس زما په نوم لړ (لیست) کې دی. . . سړي وویل: ښه! راځه کېښنه مخکې له تللو څخه یو ځای به سره قهوه وڅښو. مرګ وویل: سمه ده! “حتما” ولې نه! سړي مرګ ته قهوه ورکړه او په قهوه کې یې ورته څو د خوب ګولۍ واچولې. . ....

د امریکا ګرین کارت لاټری

# دامريکا متحده ایالاتو د ګرین کارت لاټري راجسټریشن مرکز🇺🇸دقيق، سريع او باوري نوم ليکنه.  ✅ د متحده ایالاتو د شنه کارت د ثبت شرایط  1. لږ تر لږه 18 کلن وي. 2. ډیپلوم 3.  2 کلنه کاري تجربه ولري. 4. د وړ هیوادونو څخه اوسئ.  ✅ د لاټري معلوماتو ته اړتیا ده: لاندې معلومات باید د آنلاین لاټري په کور کې چمتو شي:  1. د پاسپورټ عکس؛ 2.  د اصلي غوښتونک...

Recommended Articles

کوم ډول خلک بايد کېله ونه خوري

که څه هم کېله ځيني ګڼې ګټي لري خو دغه ميوه ځينې عورايض او تاووانونه هم لري.چې په لاندي ډور ورته اشاره کوو. دغه خوږ ميوه د خپل ځانګړي خوند، او نرموالي له امله په ټوله نړۍ کې مشهوره ده. ګېله کوم ډول زيانونه لري. ۱: د وزن زياتوالی دـ ځينو نورو خوړو په څير کېله هم پريمانه کالوري لري چې د وزن د زياتوالي لامل کيږي په هره متوسطه کېله کې ۱۰۵ ګرامه کالو...

د وينا پر مهال د وېرې او فشار ختمول

لیکنه ـ ریاض مقامزی دا چې موږ انسانان ټولنيز ژوند لرو، نو اړ یو چې د خپلو اړتياوو او مفکورو د وضاحت لپاره وغږېږو. خبرې کول زموږ د ژوند په هره برخه کې لیدل کېږي. په کور، کلي، دکان، ښار، مکتب، ښوونځي او ګڼو نورو ځايونو کې موږ خبرې کوو او خپل پپغام نورو ته رسوو.   ځينې خلک بیا د خبرو او وينا پر مهال تر وېرې او فشار لاندې وي. نه شي کولای خپل پيغام او...

خرمهره؛ تاسو یې په اړه څومره پوهېږئ!؟

 لیکوال: لطیف یاد په پخوانیو وختونو کې به خرو ته اوربشې ورکول کیدلې، چې ددغو اوربشو د خوړلو په پایله کې به تر څو کلونو وروسته د خرو د ژبې لاندې  وینه ټینګه  او غلیظه شوه او د یوه مرغېړي (غُدې) بڼه به یې ونیوله. وروسته به یې دغه مرغېړي (غُده) د خرو د ژبې د لاندینۍ برخې نه  د جراحي عملیاتو (آپریشن) په تر سره کولو وویستله او په جوشو شیدو (پیو) کې به...