To start downloading books

Please sign in or create an account.

imranghani 3 years ago 1,847
هغه تېروتنې چې ستاسو د موبایل د خرابېدو لامل کېږي

هغه تېروتنې چې ستاسو د موبایل د خرابېدو لامل کېږي

لیکنه: شکېبا نادري

هغه تېروتنې چې ستاسو د موبایل د خرابېدلو لامل کېږي

 

موبایل د نړېوالو د پرمختګ تر ټولو اسانه لار ده، اوس مهال د نړۍ په هره برخه کې خلک له بېلابېلو ځیرک موبایلونو څخه د خپلو ورځنیو او کاري ستونزو د حل لپاره ګټه اخلي، خو ځینې کسان ډېری وخت داسې کړنې ترسره کوي چې د دوی د موبایل د خرابېدو لامل کېږي.

موږ په نننۍ لیکنې کې تاسو ته د هغو تېروتنو په اړه معلومات درکوو چې په ترسره کولو یې ستاسو موبایل خرابېږي.

که تاسو هم غواړئ د دغو تېروتنو په اړه پوه شئ او له تر سره کولو یې ډډه وکړئ، زموږ لیکنه تر پایه ولولئ!

 

 

۱. هېڅکله د چارجر د ځای د پاکولو لپاره له ستنې څخه ګټه مه اخلئ!

ډېری کسان د دې لپاره چې د چارجر ځای له دوړو څخه پاک کړي، د اوسپنې له وسایلو لکه، ستن، سنجاق چاړې او داسې نورو وسایلو څخه ګټه اخلي. سربېره پر دې ځینې کسان د خپل موبایل د چارجر ځای پوف کوي، چې دا کار هم ستاسو د موبایل د خرابېدو لامل کېدلای شي، نو ښه ده چې د دغو کړنو له ترسره کولو څخه ډډه وکړئ.

 

۲. هېڅکله مو موبایل لمر ته مه ږدئ!

هېڅکله مو موبایل لمر ته مه ږدئ، ځکه چې د لمر وړانګې د دې لامل کېږي چې ستاسو د موبایل ښیښه ژر خرابه شي او هغه موبایلونه چې لمر ته پاتې شوي وي د عادي موبایلونو په پرتله پر سختۍ او ځند چارج اخلي، نو هېڅکله خپل موبایل لمر ته مه پرېږدئ.

 

۳. مه پرېږدئ چې د موبایل چارج مو صفر شي!

د موبایل د بټرۍ د چارجېدلو لپاره غوره حالت له شلو سلنو څخه تر اتیا سلنو پورې دی، نو هېڅکله مه پرېږدئ چې د موبایل چارج مو صفر شي، ځکه دغه حالت مو موبایل خرابولای شي.

 

۴. د ناسمو اپلېکشنونو له ډانلوډ څخه ډډه وکړئ!

ډېری اپلېکشنونه شته چې  ویروسونه لري او ستاسو د موبایل د خرابېدو لامل کېږي، نو ښه ده چې لومړی د اپلېکشن له ښه والي څخه ځان ډاډه کړئ او وروسته یې ډانلوډ کړئ.

 

۵. هېڅکله مو موبایل تشناب ته له ځان سره مه وړئ!

د الکټرونکي وسایلو په ځانګړي توګه د موبایل وړل تشناب ته ډېر خطرناک دي، که تاسو په تشناب کې خپل موبایل چارج ته کېږدئ د ډېرې کوچنۍ تېروتنې په ترسره کولو سره برښنا شارتي کولای شي، ځکه تشناب او شاوخوا ټول ځایونه لانده وي، نو د برښنا د نیولو خطر او وېره هم شته.

 

۶. هېڅکله د موبایل د پاکولو لپاره د کور د پاکولو له وسایلو څخه ګټه مه اخلئ!

ډېری کسان د خپل موبایل د ښیښې د پاکولو لپاره د هغې مایع څخه ګټه اخلي، چې د خپل کور ښیښې پرې پاکوي او یا د خپل موبایل د شاوخوا  د پاکولو لپاره د لوښو مینځلو له مایع څخه ګټه اخلي چې دا کړنه بېخي غلطه ده او ستاسو د موبایل د خرابېدو لامل کېږي.

نو که غواړی چې موبایل مو ژر خراب نه شي، نو د یادو کړنو له ترسره کولو څخه ډډه وکړئ، ډېری موبایلونه یو یا دوه کاله د ضمانت لپاره وخت لري، خو که موږ د یادو کړنو له تر سره کولو څخه ډډه وکړو کولای شو چې له دغې دوه کلن ضمانتي موبایل څخه اته کاله ګټه واخلو، نو ښه ده چې له یادو کړنو څخه ځانونه لرې وساتو تر څو له یو ښه موبایل څخه د ډېر وخت لپاره ګټه واخلو.

Related Articles

اوټوپسي یا وروسته له مرګ څخه ازموينه

ژباړنه ـ وړانـــــګه اکبر   اوټوپسي یا وروسته له مرګ څخه ازموینه چې د Necropsy په نوم هم یادېږي یو جراحي بهیر دی.په دې بهیر کې مړی څېړل کېږي چې د مړینې لامل، ډول، او دا چې مړینه په کومه لاره رامنځته شوې ده.په دې بهیر کې دا هم معلومېږي چې آیا مړینه خو به د کومې ناروغۍ له امله نه وي رامنځته شوې؟ یا دا مړینه خو به په بدن باندې د ټپ یا د وهل کېدو څخه...

د زده کړو او کاروبار تر منځ تعادل: د ځوانانو اړتیا

لیکوال: وحید زهیر په وطن کې د تېر نظام له سقوط او تحول وروسته د ځوانانو تر منځ یوبحث د زده کړو او د کاروبار په وخت دی. ځينې ځوانانو درسونو ته شا کړه، په وروستیو سمسټرونو کې یې پوهنځي پریښودل. یو شمېر نور چې د درسونو وخت یې دی، د ټولو امکاناتو سربېره، تحصیل یا رسمي زده کړې بې ګټې بولي او په هیڅ پوهنتون کې داخل نه شو. یوه عامه ستونزه چې زموږ څو نسلو...

د برنارډ شاو پېژندنه او غوره ويناوې

ددې ستر آیرلینډي لیکوال بشپړ نوم جورج برنارډ شاو "Georg Bernard Shaw" دی. د انګلېسي ادبیاتو په ډرامه لیکونکو کې د لومړي قطار له کسانو څخه شمېرل کېږي. نوموړی په "۱۸۵۶م" کال د آيرلینډ په مرکز دوبلین کې دې نړۍ ته سترګې وغړولې. دا چې کورنۍ یې ډېره غریبه او ناچاره وه نو تل به یې د مور او پلار ترمنځ شخړه وه، نو ځکه خو د برنارد شاو ماشومتوب له خواشينيو خل...

Recommended Articles

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته بيا بېرته خپل ټول تاثير له لاسه ورکړي، د هورمونونو تاثير د زيات وخت لپاره دوام کوي. د انسان په بدن...

د حافظې د پیاوړتیا څو لارې

هغه حقیقت چې د عمر په زیاتېدو سره حافظه له منځه ځي، دلیل نه شي کېدای چې ونه شو کولی د له منځه تللو طریقه یې ډېره سسته کړو. څېړنو ښودلې ده چې موږ کولی شو د امکان تر حده حافظه وساتو، اجازه راکړئ دغه عملي لارې وسپړو.  د حافظې د قوي کېدلو څو لارې  ژور فکر وکړئ چې فعاله حافظه مو بهتره شي: فعاله حافظه تقریباً ستاسو د مغز د یادښت کتابچه ده، چېرته چې نوي...

خرمهره؛ تاسو یې په اړه څومره پوهېږئ!؟

 لیکوال: لطیف یاد په پخوانیو وختونو کې به خرو ته اوربشې ورکول کیدلې، چې ددغو اوربشو د خوړلو په پایله کې به تر څو کلونو وروسته د خرو د ژبې لاندې  وینه ټینګه  او غلیظه شوه او د یوه مرغېړي (غُدې) بڼه به یې ونیوله. وروسته به یې دغه مرغېړي (غُده) د خرو د ژبې د لاندینۍ برخې نه  د جراحي عملیاتو (آپریشن) په تر سره کولو وویستله او په جوشو شیدو (پیو) کې به...