To start downloading books

Please sign in or create an account.

Ketabton 4 years ago 1,727
د مڼې سرکې هغه لس حیرانونکې ګټې چې تاسو ترې ناخبره یاست

د مڼې سرکې هغه لس حیرانونکې ګټې چې تاسو ترې ناخبره یاست

د مڼې سرکه په ځانګړي ډول د روغتیایي موخو لپاره خورا ګټوره ده، د ایټکې مخنیوي سربېره د ټوخي او زکام له منځه وړلو کې خورا مرسته کوي.
دلته د مڼې سرکې هغه ګټې وړاندې کوو چې ډېر کم خلک یې په اړه خبر دي:

۱. ایټکې له منځه وړي
ایټکې یوه داسې ناروغي ده چې د انسان زړه او سینې ته زیان رسوي، کله نا کله په طبیعي ډول د زیات مرچک او یا زیاتې خوږې خوړلو سره هم د یوې شیبې لپاره رامنځته کیږي، د مڼې سرکې تروش خوند د ایټکې له منځه وړلو کې مرسته کوي، په اصل کې دغه سرکه د اعصابو هغه حجرې بندوي له کومه چې ایټکې رامنځته کیږي.


۲. د ستوني درد ښه کوي
که له ستوني درد څخه په تکلیف یاست نو د مڼې سرکه مو دغه ستونزه له منځه وړي، په سرکه کې موجود تیزابي ځانګړتیاوو په وړاندې مکروب نه شي پاتې کیدلی، د دې لپاره د ګیلاس څلورمه برخه سرکه او څلورمه برخه اوبه واچوئ او هر یو ساعت وروسته یې غرغړه کړئ.


۳. کولیسترول کموي
د یوې څيړنې له مخې ویل شوي چې په سرکه کې د ایسټک ایسډ ماده بدن کې کولیسترول له منځه وړي، همدا ډول د یوې بلې څیړنې له مخې د ورځې په اوږدو کې لږه اندازه سرکه استعمالول بدن کې د کولیسترول کچه ټيټوي.


۴. خارخښت له منځه وړي
د مڼې سرکه د هغو کسانو لپاره چې بدن یې خارخښت کوي ګټوره ده، د سرکې څو قطرې په مالوچ واچوئ او بیا یې په هغه ځایونو چې خارخښت کوي ووهئ، په سرکه کې شته تیزابي ماده خارخښت له منځه وړي.


۵. د معدې تیزابیت ختموي
که تاسې په معده یا سینه کې سوی محسوسوئ، نو ددې له منځه وړلو لپاره د اوبو ګیلاس کې دوه کاشوغې مڼې سرکه واچوئ او د خوراک پر وخت یې وڅښئ، د معدې سوی به مو له منځه ولاړ شي.

۶. د هاضمې سیستم ښه کوي
د مڼې سرکه په خوړو میده کولو کې مرسته کوي، څه اندازه سرکه اوبو کې ګډه کړئ او له خوراک وروسته یې وڅښئ، په دې سره مو د هاضمې سیستم ښه کیږي او قبضیت له منځه ځي.

۷. زکام ښه کوي
د زکام پر وخت د سرکې استعمال وازمویئ، په یو ګیلاس کې یوه کاشوغه سرکه ګډه کړئ او بیا یې وڅښئ، په دې سره مو زکام ښه کیږي، سرکه کې شته پوټاشیئم بنده پوزه پرانیزي، او په دې کې شته ایسټک ایسډ ماده د مکروب کچه ټيټوي، چې په مرسته یې زکام له منځه ځي.

۸. وزن کموي
د مڼې سرکه د نورو ګټو سربېره د وزن کموالي کې خورا مرسته کوي، د دې لامل دا دی چې په سرکه کې د ایسټک ایسډ ماده د خوراک تمه کموي او میټابولزم چټکوي، چې ورسره د هاضمې سیستم هم چټکیږي او په پایله کې په وینه کې کالوریز لوړه کچه پاتې کیږي.


۹. د ویښتانو پخه له منځه وړي
په سرکه کې موجود تیزابیت د پخې له منځه تلو لامل کیږي، د ګیلاس څلورمه برخه سرکه په همدومره اوبو کې ګډه کړئ، او د سپری بوتل کې یې واچوئ، او بیا یې په سر وشیندئ، له دې وروسته سر په جان پاک پټ کړئ، تر ۱۵ دقیقو یې پریږدئ او بیا یې پریمنځئ، د ښې پایلې لپاره په اوونۍ دغه کار دوه ځل تکرار کړئ.


۱۰. بدبویه تنفس له منځه وړي
که چیرې مو د خولې بدبویي په یوه لاره هم له منځه نه ځي، نو د مڼې سرکې استعمال وکړئ، ددې لپاره یوه کاشوغه سرکه یو ګیلاس اوبو کې ګډه کړئ او بیا پرې غرغړه وکړئ، دغه کار په اوونۍ کې څو څو واره تکرار کړئ، په دې سره مو د بد بویئ پیدا کولو باکتریاوې له منځه ځي.


سربېره پر دې د غاښونو پاکولو، د وینې فشار کچه نورمال ساتلو او یو شمېر نورو ناروغیو مخنیوي لپاره د مڼې سرکه په زړه پورې ګټې لري.

Related Articles

د الوبالو حیرانوونکي روغتيايي ګټې

ژباړه ـ ریاض مقامزی الوبالو یو له هغو مېوو څخه ګڼل کېږي، چې په ټوله نړۍ کې ګڼ شمېر مینوال لري. دا مېوه د افغانستان په ګډون په ډېرو هېوادونو کې پيدا کېږي. خلک یې د خوند ترڅنګ د زیاتو روغتيايي ګټو لپاره هم خوري. تاسو به په دې لیکنه کې ددې مېوې پر غذايي ارزښت، روغتيايي ګټو او نورو اړوندو مسایلو پوه شئ.  د الوبالو غذايي ارزښت د مېوو روغتيايي ګټې د...

د قربانۍ اړوند مسايل

اړینه ده، چې د قربانۍ څاروی: اوښ د ۵، غویی/ غوامېښه د ۲کالو، مږ/ مېږه د ۱ کال، وزه/ ووزګوړی هم د ۱ کال باید وي. وری یا ورۍ که له یو کلن (پشرلي) موږه / مېږې سره په تنه کې برابرو، بیا که د شپږو ۶ میاشتو وي هم پرې قرباني رواده.   یادونه: په څارویو کې عمر ته اعتبار ده، د غاښونو را وتلو ته د پام وړ اعتبار نشته، البته، چې نن - سبا د دوکې او چل کچه لوړه...

د کور عایق کول  House insulation

د کور عایق کول      House insulationایا غواړۍ چې په ګرمۍ کې مو کور یخ وي ؟  ایا غواړۍ په یخنۍ کې مو کور ملایم ګرم وي ؟ که داسې کور غواړۍ نو ددې ستونزې حل ډیر اسانه او ارزانه دي ،دداسې کور د  د جوړولو پرمهال په کې عایق وکاروۍ .د عایق په کارولو سره انرژي تولید ته اړتیا کمیږي چې له امله نه یواځي مالي سپما کیږي بلکې ددې سربیره چاپیریال ته د مضره ګازونو...

Recommended Articles

د وينا پر مهال د ويرې ختمولو 27 ګټورې لارې

هغوى چې په سټيج باندې عونډو، سيمنارونو، ټولګي او حتى د ملګرو سره په مخامخ خبرو پر مهال ويره احساسوي دوى عمومآ د Glossophobia په اروايي ناروغۍ اخته دي، چې د خبرو دغه ويره د مرګ له ويرې هم سخته ده چې ستاسو مسلکي او شخصي ژوند زيان رسولى شي. ددغې ويرې پر مهال ستاسو بدن ريږدي، لاسونه مو خولې کيږي، زړه ضربان مو زياتيږي، چې په تجارت او د ژوند په نورو اړخ...

د حافظې د پیاوړتیا څو لارې

هغه حقیقت چې د عمر په زیاتېدو سره حافظه له منځه ځي، دلیل نه شي کېدای چې ونه شو کولی د له منځه تللو طریقه یې ډېره سسته کړو. څېړنو ښودلې ده چې موږ کولی شو د امکان تر حده حافظه وساتو، اجازه راکړئ دغه عملي لارې وسپړو.  د حافظې د قوي کېدلو څو لارې  ژور فکر وکړئ چې فعاله حافظه مو بهتره شي: فعاله حافظه تقریباً ستاسو د مغز د یادښت کتابچه ده، چېرته چې نوي...

له مطالعې سره څنګه ځان عادت کړو؟

لیکنه ـ ریاض مقامزی د هر لوستي ځوان لپاره دوامداره مطالعه ډېره اړينه او مهمه ده. که تاسو دوامداره مطالعه کوئ، ذهن به مو فعال وي او هېڅکله به په وینا کې له بندښت سره مخ نه شئ. ددې ترڅنګ مطالعه ګڼې نورې ګټې هم لري. موږ نه غواړو، چې تاسو ته د مطالعې پر ارزښت وغږېږو. یوازې غواړو، تاسو ته ددې لارښوونه وکړو، چې څنګه دوامداره مطالعه خپل عادت وګرځوو. آیا...