To start downloading books

Please sign in or create an account.

Faridon Delsoz Niazai 2 years ago 869
پوستکی یا جلد ساتنه

پوستکی یا جلد ساتنه

پوستکی(جلد) #ورځنۍ_ساتنه
پوستکی د بدن تر ټولو ستر غړی دی (2feet  مربع) او 3,6-4kg  وزن لري او پوستکی نه يواځې دا چې بدن پوښوي او د بهرنيو مايکروبونو فزېکي عواملو او التراويلت وړانګو پر وړاندې د بدن ساتنه کوي بلکه يو شمير نورې اړينې دندې هم لري
 #لکه
د بدن د مايعاتو د ضياع مخنيوی حسيت د غړو د حرکاتو آسانول افرازې دنده معافيتي دنده اندوکرايني دنده(ويټامين ډي جوړښت)او د بدن د حرارت معين ساتل او زمونږ د ښکلا ساتل نو دا چی دا ښکلا لا نوره هم پياوړې کړو اوس به راشو د پوستکي ورځنۍ پاملرنې په اړه څو اړينو ټکو ته
1- لومړې بايد د جلد ډول معلوم کړو چی کوم ډول دی او د هغې مطابق د خپلو محصولاتو ټاکل
.حساس چی د  محصولاتو د کارولو سره سوروالی او سوی  پيدا کوي
.نورمال چې صاف او غير حساس وي
.وچ چې زيږ او خارښت ولري
.غوړ چې ځلا دار او غوړ وي
. مختلف چې ځينی ساحی وچی او ځينې غوړې وي 
. د لمر ضد کريمونو ورځنۍ استفاده چی spf ېې له 30 څخه لوړ وي چې دا د پوست د ښه ساتنې اړينه برخه ګڼل کيږي چی له دې سره پوست د التراويلت د مضره وړانګو څخه محافظه کيږي او د جلدي سرطانونو کچه راټيټيږي او بل دا چې د مخکې له وخته زړښت مخه نېسي
او له دې سره سره کوشش وکړې له پټو جامو د لمر خولۍ او چترۍ کار واخلۍ ( am10-pm4  بجې) 
.لمر ته له ډيرې ناستې ډډه کول (مګر د اړتېا په بڼه ) خصوصا د 10 نه تر 4 ځکه دې ساعاتو کې د مضره  شعاع ګانو کچه لوړه وې
.د محصولاتو د استفادې وختونه مو منظم کړۍ مثلا سهار مو د  کلنزر يا پاکوونکې لمر کریم د سترګو کرېم انتي اوکسيدانت تونر وکاروۍ او د شپې له خوا مو د ميک اپ پاکولو کلينزر مرطوبونکي اسيد سېروم د مخ غوړ او نايت کريم يا شپنې کريم او د څيرې صافونکي کريمونه 
.د شونډو پاملرنه ځکه جلدي سرطانونه په شونډو کښې هم رامنځته کيږي نو د ورځې په لړ کی کوشش وکړۍ له spf لروونکو غوړوونکو څخه ګټه واخلۍ او د وچوالي په صورت کې د شپې له خوا   غوړول
.پر مخ د لاس وهنې څخه ډډه کول ځکه له يوی خوا  پوستکی ته د مايکروبونو د انتقال سبب ګرځي او بل دا چې که مخ مو بخار لري د داغونو د جوړولو لامل ېې ګرځي 
.د پوستکی منظم چک کول او که څه نوې غير معموله وده  او يا په پخوانېو خالونو يا داغونو کښې ولری نو مونږه سره په تماس شی
 هغه وګړي چې غوړ پوستکی او ځوانکۍ لري د لبنياتو خوړلو کښې د افراط نه کوي ځکه د حيواني هرمونونو کچه يي لوړه وي او  د  جلدي غدواتو او مساماتو د راپرځونې او په پايله کښې د ځوانکيو د شدت سبب کيدلی شی او همدارنګه خواږه خواړه هم د لوړ کاربوهايدريت کچه لري چي  په خوړو کښې يې افراط نه دی پکار ځکه دا هم په  غوړ پوستکی لرونکو وګړو کښې  د بخار د شدت لامل ګرځي
.دزړښت ضد د  بعضې محصولات څخه ګټه اخيستنه شروع کړۍ لکه رتينول او رسويراټول چې يو قوي انتي اوکسيدانت دی او دوۍ د پوستي حجراتو او کولاجن د نورمالې ودی  سبب او د غير نورمالې ودې مخنيوی کوي خصوصا هغه حجرې چې د لمر د وړانګو له کبله غير عادي کيدو خوا ته روانې وي او سرطاني حجرو ته ليواولتيا ولری
.په کافي اندازه خوب ولرۍ ځکه د شپې استراحت پوستکی ته د وينې د جريان د ډيروالي او د کافی اوکسيجن او مغذي موادو  د اخيستلو اجازه ورکوي او که کولې شې دشپې محال  د مرطوبو لوشنونو او سيرومونو ګټه واخلي ترڅو پوستکی مو تازګي او رطوبت تر لاسه کړي
.د پوستکي مسامات (واړه سوري)  بايد په يوې طبي طريقې بند شي لکه پیل کول (د خفيفو اسيدو پواسطه د پوست سطحې مړه طبقه لرې کول او د نوېو کولاجن الیافو راپرځول) چې په نتيجه کښې مسامات چې د اضافي غوړ ,مړو ژوندکيو او مړو اليافو ذخيره ګاه ده له منځه وړلې شو او همدا راز بايد فيس واش (مخ مينځونکې)  مو بايد اسيدي ترکيب ولري لکه ګلايکولېک اسيد,ساليسليک اسيد يا لکتيک اسيد 
.د حد نه ډيرې سرې اوبه د مخ او ځان مينځلو لپاره مه کاروۍ ځکه د پوستکی د وچوالي او ګنځو لامل کيږې
.د لمر ضد عينکو څخه کار واخلې ځکه د لمر د وړانګو د تاثير لاندې مو د سترګو شاوخوا پوستکی ګونځې پيدا کوي څکه دا ساحه تر ټولو نازک او حساس  پوستکی لري
.ډيرې اوبه وڅکی ځکه د ډيرو اوبوڅکلو سره مايعات مغذي مواد او اوکسیجن په آسانه پوستکی کې جذبيږي او تر ټولو غوره  دا چی په پوستکي کې د هيالورونيک اسيد د کچې د ډيروالي لامل کيږی چی دا ماده خپله د پوست د ځوانې سبب کيږي
.که پوستکی مو ستړی خړ او بی ځلا وي ممکن د وجود د زينک کچه مو ټېټه وي چی بايد ورته پاملرنه وشي

Related Articles

کومې کړنې مو د پرمختګ مخنیوی کوي؟

کومې کړنې مو د پرمختګ مخنیوی کوي؟   ټول انسانان هڅه کوي چې د ژوند په هر اړخ کې بریالي وي. که هغه کړنې د کور دننه، لکه د کور کارونه او یا له کور څخه بهر، لکه  زده کړې، سپورټ، پلورل او پېرل، دنده او داسې نور وي، خو ځینې وخت موږ له دومره هڅو سره سره بیا هم ځان پرمختګ او بریا ته نه شو رسولای.  نن په دې لیکنه کې په دې اړه معلومات درکوو چې څنګه پرمختګ...

هغه جملې چې ژوند مو بدلولای شي!

ليکنه ـ رياض مقامزی دا ځل به د فرانسې هېواد نوبل جايزه ګټونکي ليکوال اناتول فرانس ((Anatole France)) په ويناوو کې د ژوند درسونه وڅېړو. “خطا او اشتباه يو انساني کار دی، مګر تکرار يې حيواني کار دی.” که د وينا ژورو ته ځير شو، نوموړی انسانانو ته دوه پيغامه لري. په لومړۍ برخه کې هغوی ته ډاډ ورکوي، چې په کوچنۍ خطا سره ځورېږي او تل ورته خپل زړه خوري. م...

مرد در ادبیات لنده غران || Man in the literature of loafers

نام نویسنده: محمدمصطفی محمدیار (کارشناس ارشد در رشته حقوق خصوصی) Writer’s name: Mohammad Mustafa Muhammadyar مرد از نگاه لغوی و حقیقی به معنای شخص مذکر است و در معنای مجازی که در مقابل حقیقی قرار می‏گیرد، مرد به معنای شخص شجاع و دلیر و همچنین شخصی دارای صفات و حسنات جمیله و ستوده است و این معنای اخیر، از آن جای که صفت است، برعلاوه‏ی جنس مذکر، شام...

Recommended Articles

که جرأت نه لرئ، مه خفه کېږئ! دلته يې لاملونه او حللارې لوستلای شئ

 ژباړه: هدایت الله همت ارواپوهانو له نظره، بې جراتي او پر ځان نه باور له هغو ستونزو دي، چې ځوانان د ماشوم والي له دورې ورسره لاس و ګرېوان کېږي. دوی ته دا حق نه ورکول چې له خپلو حقه حقونو ساتنه وکړي او که کله دوی دا کار کوي نو د کورنۍ د مشرانو له خوا رټل کېږي او د جرات ماده یې په هماغه کوچني والي کې مړه کېږي.   ځينې خلک بیا خپل جرات په هماغه کوچني...

که مو ویښتان تویږي دا درې خواړه وخورئ

مهمه نه ده چې ويښتان مو اوږده، لنډ، صاف یا ګالګووتي او یا په هر شکل چې وي خو د ویښتانو تویدل یو داسې افت دی چې په ټولو راتللی شي. یوازېنۍ د خلاصون لاره ترې همدا ده چې اندیښنه کمه او کار ډیر وکړو. د ویښتانو تویدلو تر ټولو ستر او عام لاملونه اندیښنه، په بدن کې د ویښتانو پورې اړوند ویټامینونو کمښت، هورمونيکي ستونزې، بې کیفیته شامپو او نورو تولیداتو ک...

په ځوانۍ کې د ويښتانو سپينېدل او درملنه

د ويښتانو سپينېدل اکثراً د زړښت معنا ورکوي نو ځکه خو انسان د خواشينۍ احساس کوي؛ مګر دا لا ډېره خواشينوونکې وي، چې په ځوانۍ کې مو ويښتان سپين شي. په طبیعي توګه د سپين پوستو ويښتان نسبت تورپوستو ته ژر سپینېږي. معمولاً په سپين پوستو کې د ويښتانو سپينېدل د ژوند د څلورمې لسیزې په لومړيو کې پيلېږي، مګر په نورو نژادونو کې دا حالت د څلورمې لسیزې په وروستيو...