To start downloading books

Please sign in or create an account.

Shamshad Zaheer 3 years ago 1,103
د تور چای په اړه درې ناسم او څلور سم معلومات

د تور چای په اړه درې ناسم او څلور سم معلومات

د تور چای په اړه ګڼ شمېر ناسم معلومات یا خرافات ورکول کیږي، خو دغه چای د بدن داخلي برخو سربېره خارجي برخو ته هم خورا زیاته ګټه رسوي، دلته هغه ناسم او سم معلومات وړاندې کوو چې د تور چای په اړه خپاره شوي:
ناسم معلومات
شین چای له تور چای څخه زیات ګټور دی
دا یو ناسم تاثر ورکول کیږي چې شین چای له تور چای څخه غوره دی.
په وروستیو کلونو کې ګڼ شمېر څیړنو او مطالعو موندلې چې چای د بدن لپاره ګټور څښاک دي، ځکه چې دا د زړه ناروغي، د وینې رګونو او د ځینې سرطان ناروغیو ګواښ کموي، دغه راز چای په مزاج او خوب ښه کولو کې هم مرسته کوي، هغه که تور چای وي یا شین.
د چای کڅوړه خطر دی
ویل کیږي، د چای کڅوړه (ټي بیګ) کې پلاستیکي کیمیاوي مواد موندل کیږي چې انسان ته ضرر رسوي، خو یوې لیکوالې په روسي ورځپاڼه کې ذکر کړي چې د ټي بیګ یا چای کڅوړې په اړه ګڼ شمېر پوښتنې راولاړې شوي، خو د باور لپاره یې طبي پوهان کوم کره دلیل نه لري، د چای کڅوړه او د پولیمور کاغذي کڅوړې د استعمال پرمهال کوم ډول کیمیاوي عکس العمل نه ورکوي.
د خوړلو ترڅنګ چای د هاضمې پروسه سوکه کوي
ګڼ شمېر وګړي باور لري چې د خوراک کولو سره چای څښل د هاضمي سیستم پروسه سوکه کوي، مګر چای او نور څښاک د خوړو ترڅنګ څښل کیدی شي، دا د معدې په انزایمونو او تیزابیت په اړه کوم اغیز نه لري.
خو بلخوا ګڼ شمېر څیړنې په دې باور لري چې له خوړو وروسته لږ تر لږه تر ۲۰ دقیقو باید له اوبو یا چای څښلو څخه ډډه وشي، ځکه دا پر معده او هاضمې سیستم ناسم اغیز کوي.
د تور چای په اړه څلور سم معلومات
د تور چای په اړه د سمو معلوماتو له مخې ګرم چای نه څښل دي، د چای په اړه پوهان سپارښتنه کوي چې باید ډیر ګرم ونه څښل شي، ځکه چې دا د مرۍ سرطان ګواښ زیاتوي، د ګرم چای څښونکي کسان دې د مرۍ سرطان انتظار وباسي.
هغه تور چای چې څو ورځې وړاندې چمتو شوی وي څښل یې نه دي په کار، باید هغه چای وڅښل شي چې تازه جوش شوی وي، لکه څنګه چې ویل کیږي، «زوړ چای د مار له زهرو ډیر خطرناک دی».
تور چای بدن کې په کلسیم او وسپنې اغیز کوي
له اندازې زیات چای څښل بدن کې د کلسیم او وسپنې کچه کمولی شي، دا د ګڼ شمېر ستونزو سربېره هډوکي کمزوري کوي.
غوره ده چې د شپې لخوا تور چای ونه څښل شي، ځکه چې دا د خوب ستونزې رامنځته کولی شي، چای د وګړو ترمنځ ډول ډول نسبي اغیز لري، (یعنې پر یوه کس بد اغیز کوي په بل نه)، هغه کسان چې د شپې تور چای څښل یې پر خوب ناسم اغیز کوي باید ډډه ترې وکړي.
 

Related Articles

مسعود پیژنۍ؟

مسعود پیژنۍ؟ (معرفی کتاب) نوشته ی مصطفی عمرزی در تنازع سیاسی، بهترین شناخت از آشکارایی طرف هایی ست که عملاً در برابر هم قرار گرفته بودند. با پشت سر گذشتاندن حکومت چپی، پی آمد آن بدتر از قبلی شد. در این نوبت، درگیری تا حذف وجدان، کشور ما را بر باد فنایی سپرد که دایماً می وزد. چنین مامول، به این دلیل نیز صورت می گیرد که کسانی علاقه دارند مقدرات ما...

لانګ فیلو وپېژنئ!

لیکنه ـ ریاض مقامزی   د نړۍ او په ځانګړې توګه د نوموتو امریکايي شاعرانو/لیکوالو په قطار کې لانګ فیلو هم د یوه خاص مقام/ځای خاوند دی. تاسو به په دې لیکنه کې د نوموړي په اړه مختصر خو مهم معلومات ولولئ.   د لانګ فیلو لنډ ژوندلیک د امریکا ددې منلي شاعر/لیکوال بشپړ نوم "هینري واډزورس لانګفیلو ـ Henry Wadsworth Longfellow" دی. نوموړي په "۱۸۰۷" زیږدیز...

د واده لپاره مناسب عمر کوم دی؟

لېکنه: شکېبا نادري، د واده لپاره مناسب عمر کوم دی؟   د انسان د پیدایښت موخه د الله عبادت او د انساني نسل زیاتوالی دی، د انساني نسل د زیاتوالي یوازینۍ سرچینه واده کول دي. واده کول په هره ټولنه کې په بېلابېلو عمرونو او بېلابېلو رواجونو ترسره کېږي، ځینې کورنۍ په ډېر کم عمر کې د خپلو اولادونو ودونه کوي، خو ځینې بیا بېخي له دې نظر سره مخالف دي، نه غوا...

Recommended Articles

که دا عادتونه خپل کړئ له غربت څخه خلاصېږئ!

لیکنه ـ ریاض مقامزی دا به سمه خبره وي، چې شتمني له قسمت سره تړلې ده؛ خو دا خبره هم هېڅکله غلطه نه ده، چې ستاسو عادات په دې برخه کې رغنده رول لري. که تاسو هر څومره ډېرې پیسې ولرئ؛ مګر پر مصرف، پانګونې او نورو لاروچارو پوه نه شئ ډېر ژر به مو غربت د کور تر دروازو ورسېږئ. یا که ډېر غریب هم یئ؛ مګر دا لارښوونې عملي کړي، نو ډېر امکان شته، چې له غربت څخه...

په ځوانۍ کې د ويښتانو سپينېدل او درملنه

د ويښتانو سپينېدل اکثراً د زړښت معنا ورکوي نو ځکه خو انسان د خواشينۍ احساس کوي؛ مګر دا لا ډېره خواشينوونکې وي، چې په ځوانۍ کې مو ويښتان سپين شي. په طبیعي توګه د سپين پوستو ويښتان نسبت تورپوستو ته ژر سپینېږي. معمولاً په سپين پوستو کې د ويښتانو سپينېدل د ژوند د څلورمې لسیزې په لومړيو کې پيلېږي، مګر په نورو نژادونو کې دا حالت د څلورمې لسیزې په وروستيو...

اعصاب په کومو شيانو کمزوري کېږي

د انسان په وجود کي اعصاب تر ټولو مهمه برخه ده، د انسان ټولي چاري او فعالیتونه د همدغي ناحیې څخه کنټرولېږي.لاندي ځیني مهم ټکي دي چي په پام کي نیول یې د ذهن په سالم ساتلو کي مرسته کو. - د سهار چای نه چیښل:هغه خلک چې د سهار چای نه چیښي په بدن کي یې د شکري اندازه راکښته کېږي، په نتیجه کي یې دماغ ته په کافي اندازه مواد نه ور رسېږي او دماغ کمزوری کېږي....