To start downloading books

Please sign in or create an account.

Hikmatullah Yousafzai 3 years ago 1,421
د پاکستان اوسنی اقتصادي وضعیت

د پاکستان اوسنی اقتصادي وضعیت

په دې لیکنه کې د پاکستان په اوسني اقتصادي وضعیت او د هغې پر عواملو مو بحث کړی، که وخت لرئ را سره پاتې شئ.!
پاکستان د سیمې هغه هېواد دی چې د اقتصاد له پلوه، تر بل هر وخت زیات ځپېدلی او سولیدلی دی، دا هېواد د لسیزو په اوږدو کې په دې نه دی توانیدلی چې اقتصادي ریفورم یا اصلاحات راوړي او د چین، بنګله دېش او هندوستان په څېر په تولیدي سکټور کې په ارزانه نرخ لوړ کیفیت توکي تولید کړي
ددې ترڅنګ پاکستان په دې نه دی توانیدلی چې د خپل صنعت لپاره د ارزانه او متداومې انرژۍ وسیلې برابرې کړي چې په دې سره ددې هېواد د تولید نرخ لوړیږي او په نړیوال بازار کې سیالي هم نشي کولی
په پاکستان کې سیاسي او امنیتي وضعیت بې ثباته شوی، چې په دې سره په دې هېواد کې بهرنۍ پانګه اچوونه هم کمه شوې ده، په دې هېواد کې د صادراتو او وارداتو تر مینځ کسر لوړ شوی دی، چې نږدې وخت کې دا کسر ۴۰،۶ ته لوړ شوی دی، دې هېواد ته په ډېره کمه اندازه ډالر راځي او په زیاته اندازه ترې بهر کیږي
په پاکستان کې بیې ډیرې لوړې شوي دي او انفلېشن یې هم پورته روان دی، دې حالت هلته د عامه وګړو په ژوند او عاید هم اغېز کړی دی، په دې مانا چې د عامه هوساینې په برخه کې ستونزې راولاړې شوي دي
په پاکستان کې د کورنۍ او بهرنۍ پورونو کچه هم لوړه شوې ده، نږدې څو ورځې وړاندې ددې هېواد رسنیو خپاره کړل چې پر دې هېواد د بهرني پور مجموعه څه د پاسه ۱۲۲ ملیارده ډالرو ته رسېدلې ده
پاکستان وروسته تر دې چې د خپل مالي وضعیت د سمون په خاطر د پیسو د نړیوال صندوق یا IMF څخه د پور غوښتنه وکړه، د نورو شرطونو ترڅنګ یو شرط دا هم و چې د پاکستانۍ د روپۍ ارزښت به د ډالر پر وړاندې ټیټ ساتي چې بیا پاکستانۍ روپۍ په بې ساري توګه ولوېده، ددې ترڅنګ مرکزي بانک یې په زیاته اندازه روپۍ نشر کړې، کله چې په بازار کې ډالرو ته تقاضا زیاته شوه، نو پاکستانۍ روپۍ خپل ارزښت لا نور د لاسه ورکړ په داسې حال کې چې مرکزي بانک یې په کافي اندازه ډالر نه درلودل ترڅو بازار ته یې وړاندې کړي او روپۍ پرې راونیسي چې په مصنوعي ډول د روپو ارزښت ساتلو کې هم پاتې راغلل
همدارنګه وروسته تر دې چې پاکستان د سیپک پروژې موضوع مرموزه ساتلې وه یاد هېواد د امریکا د سختو فشارونو سره مخ شو چې بیا د پیسو نړیوال صندوق هم د امریکا د غوښتنې مطابق نه غوښتل دا پورونه د سیپک پروژې لپاره چې د چین او پاکستانو د ګټو پروژه ده مصرف شي، بیا یې سعودي، چین، امارت او مالیزیا ته د پور اخیستلو په خاطر مخه کړه خو هغې هم چندان ګټه ونه کړه
دا چې د پاکستان صادارتي سکټور په نړیواله سطحه د سیالۍ وړتیا نه لري، بې کچې پوره وړی هم دی او د تاریخ د تر ټولو بد اقتصادي وضعیت تجربه کوي، اړ دی چې خپل نظامي او پرمختیایي لګښتونه کم کړي او د نورو ګاونډیو په څېر مثبت، سوله ییز او پرمختیایي سیاست خپل کړي ترڅو اقتصادي ثبات خپل کړي، که داسې ونشي ددې سخت حالت جبران یې ظاهراً سخت او ان ناشونی بریښي.

درنښت

حکمت الله یوسفزی

Related Articles

د قوشتپي کانال

د قوشتپي کانال!دا څنګه کانال او چیرته دی؟ اوږدوالی یې څومره دی، پلنوالی او نورې ډېري پوښتنې به دلته ځواب شې.دا قوشتیپه کانال دی👇دا کانال د افغانستان په درو ولایتو بلخ، جوزجان او فاریاب کي تیریږي.دا کانال 286 کیلومیتره اوږدوالی، 102 میتره پلنوالی او شاوخوا 8.5 میتره ژوروالی لري.دا وخت یاد کانال کي 3200 ماشینرې مصروفه ده او تقریباً 5500 کارېګر پکي ل...

دا عادتونه به مو ژوند بدل کړي!

لیکنه ـ رياض مقامزی د برياليو او ناکامو انسانانو ترمنځ یوازې د ځینو عادتونو توپیر وي. معنا دا چې بریالي انسانان د بعضو خویونو له کبله بریالي او ناکام هم د بعضو عادتونو له کبله ناکام وي؛ نو که غواړئ پخپل ژوند کې مثبت تغییر ووينئ، د برياليو خلکو دا ځانګړنې پخپل ځان کې راولئ.  همېشه سهار وخته پاڅېږئ! کوچنۍ برياوې او خوښۍ ونمانځئ. هره ورځ مطالعه...

هغه وخت رایاد شو خو اوس هغه شور او هاها نشته!

یو وخت مو داسې شورماشور او هاها جوړه وه چې نن یې ارمان راشي پلار به را ګټله موږ به خوړه خو نن د زده کړو او دندو له امله، ورورنه له ما، زه له ورورنو او پلار له زموږ ټولو، داسې سره لرې لرې شوو چې اوس یې راته زغمل سخت دي په یاد مو وي چې کورنۍ تر هر څه ارزښتمنه ده زه بیا شکر تر ټولو شتمن یم پلار مې ژوندی، دوه میندې، شپږخویندي او شپږ ورونه لرم هېر مې نه...

Recommended Articles

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته بيا بېرته خپل ټول تاثير له لاسه ورکړي، د هورمونونو تاثير د زيات وخت لپاره دوام کوي. د انسان په بدن...

د وينا پر مهال د وېرې او فشار ختمول

لیکنه ـ ریاض مقامزی دا چې موږ انسانان ټولنيز ژوند لرو، نو اړ یو چې د خپلو اړتياوو او مفکورو د وضاحت لپاره وغږېږو. خبرې کول زموږ د ژوند په هره برخه کې لیدل کېږي. په کور، کلي، دکان، ښار، مکتب، ښوونځي او ګڼو نورو ځايونو کې موږ خبرې کوو او خپل پپغام نورو ته رسوو.   ځينې خلک بیا د خبرو او وينا پر مهال تر وېرې او فشار لاندې وي. نه شي کولای خپل پيغام او...

په ځوانۍ کې د ويښتانو سپينېدل او درملنه

د ويښتانو سپينېدل اکثراً د زړښت معنا ورکوي نو ځکه خو انسان د خواشينۍ احساس کوي؛ مګر دا لا ډېره خواشينوونکې وي، چې په ځوانۍ کې مو ويښتان سپين شي. په طبیعي توګه د سپين پوستو ويښتان نسبت تورپوستو ته ژر سپینېږي. معمولاً په سپين پوستو کې د ويښتانو سپينېدل د ژوند د څلورمې لسیزې په لومړيو کې پيلېږي، مګر په نورو نژادونو کې دا حالت د څلورمې لسیزې په وروستيو...