To start downloading books

Please sign in or create an account.

خپله اراده داسې پیاوړې کړئ

خپله اراده داسې پیاوړې کړئ

لیکنه ـ ریاض مقامزی

په شخصي، اقتصادي او ټولنیز ژوند کې د بریا له شرطونو څخه یو هم د پیاوړې ارادې لرل دي. که تاسو پیاوړې اراده ولرئ پرته له شکه کولای شئ خپلې موخې ترلاسه کړئ او ډېر ژر به پخپل ژوند کې د بریا خوند ووینئ؛ مګر که برعکس کمزورې اراده لرئ. شاید ډېر اسانه کارونه هم و نه شئ کولای.

موږ همدې ستونزې ته په کتو هڅه کړې ده، چې تاسو ته د ارادې د پیاوړتیا تګلاره وښيو. دا ځکه چې ستاسو بریا زموږ هیله ده.

پیاوړې اراده ولې مهمه ده؟

د ارادې د پیاوړتیا پر ګټو خورا ډېرې خبرې کېدای شئ؛ خو که موږ یې په لنډ ډول ووایو، د هرې کامیابۍ لپاره د ارادې پیاوړتیا حیاتي ارزښت لري او پرته له پیاوړې ارادې تر بریا نه شئ رسېدلای؛ نو که په ژوند کې د بریا او کامیابي غوښتنه لرئ خپلې ارادې حتما پیاوړې کړئ.

کمزورې اراده څنګه معلومه کړو؟

شاید ځينې خلک پوه نه شي چې د ارادې کمزوري لري؛ نو د همدې لپاره په لنډ ډول وايو، چې د خپلې ارادې کمزوري څنګه معلومه کړئ. لومړی وګورئ که هیلې او اهداف لرئ خو کار ورته نه کوئ یا یې د ترلاسه کولو لپاره هڅه نه کوئ، نو پوه شئ چې د ارادې کمزوري لرئ.

دویمه نښه دا ده، چې د کار له پیلولو وروسته یې په نیمه کې پرېږدئ. که دا دواړه نښې لرئ. نو د خپلې ارادې د پیاوړتیا لپاره دا لارښوونې عملي کړئ.

لومړی| کوچني اهداف وټاکئ!

روانپوهان د ارادې د پیاوړتيا لپاره لومړنۍ لارښوونه دا کوي، چې تاسو لنډمهالي او کوچني هدفونه وټاکئ. په دې سره ستاسو اراده پیاوړې کېږي. مثلا ووایئ، چې په دې اونۍ کې درې نوي حدیثونه زده کوم، یا د انګلېسي ژبې سل لغاتونه زده کوم او ورته نورې موخې چې په کم وخت او لنډه موده کې ترلاسه کېږي. کله چې تاسو یاد هدف ترلاسه کوئ، دا کار مستقیما ستاسو د ارادې پر پیاوړتيا تاثیر کوي او دا په حقیقت کې د ځان تشویقولو یوه بهترینه تګلاره هم ده.

دویم| ځان منظم وساتئ!

د دویمې لارښوونې په توګه ویلای شو، چې همېشه ځان منظم وساتئ. پاک کالي پر تن کړئ، حمام کوئ او همدارنګه ويښتان مو ږمنځ ساتئ. په دې توګه ستاسې ورځنۍ چارې هم منظمېږي او په پای کې د یوې پیاوړې ارادې خاوند کېږئ.شاید تاسو ته دا کارونه عادي ښکاره شي؛ خو په حقیقت کې ډېرې ښې پایلې یې لیدلای شئ.    

درېیم| یو ساعت خاموشي اختیار کړئ!

د خاموشۍ اختیارولو دا تګلاره خورا ګټوره ده او د نړۍ په بېلابېلو ځايونو کې له دې طریقې ګټه اخیستل کېږي. دا میتود داسې دی، چې تاسو به هره ورځ د یوه ساعت لپاره مطلقه خاموشي اختیاروئ او له هېچا سره به نه غږېږئ. دې کار ته یوه میاشت دوام ورکړئ، چې ډېرې ښې پایلې به ووینئ. البته د خاموشۍ په وخت کې حتما مثبت فکر کوئ.

څلورم| ورزش وکړئ!

د ورزش له روغتيايي ګټو به ټول خبر یئ؛ مګر دا به مو نه وې اورېدلي چې ورزش ستاسو د ارادې په پیاوړتیا کې هم خورا ګټور ثابتېږي.

کوښښ وکړئ هره ورځ ورزش وکړئ. اړینه نه ده، چې تاسو دې کلب ته ورشئ، په ډېره ساده بڼه هم ورزش کولای شئ. پخپلې حویلۍ، کوڅه او یا بل ځای کې د ورځې نیم ساعت ـ یو ساعت قدم وهل هم ستاسو په ورزش کې حسابېدای شي.

پنځم| هڅوونکي ویناوې/کتابونه واورئ/واورئ!

د تشویقوونکو ویناوو اورېدل هم د ارادې په پیاوړتیا کې ګټور ثابتېږي. په دې برخه کې تاسو کولای شئ له هغو کسانو سره ووینئ چې تل مو هڅوي. ورسره کښېنئ، خبرې یې واورئ او مجلس ورسره وکړئ. همدارنګه هڅوونکي/انګېزه بخښوونکي کتابونه ولولئ او یا هم په ټولنیزو رسنیو کې انګېزه بخښوونکو ویناوو ويډيوګانې ولټوئ او هره ورځ یې اورئ.

شپږم| خوب مو پوره کړئ!

وروستیو ترسره شوو څېړنو ښودلې ده، چې بې خوبي د ارادې له کمزورو کوونکو عواملو څخه ده. که تل بنډارونه کوئ او یا هم د شپې تر ناوخته ويښ پاتې کېږئ؛ نو ډېر ژر به د ارادې له کمزورۍ سره مخ شئ او تل به پخپلو چارو کې ناکامي تجربه کوئ؛ نو تل هڅه وکړئ چې خوب مو پوره او منظم وي.

اووم| پر شهوت برلاسي شئ!

د یوې بلې سروې موندنې ښيي، چې شهوت کې پاتېدل او د جنسي اړیکو په اړه فکر کول، یا هم د بربنډو فلمونو لیدل د ارادې د مطلقې کمزورۍ سبب کېږي. نو هڅه وکړئ پر شهوت مو برلاسي شئ. دا سمه ده، چې په ځوانۍ کې دا چاره ضروري ده؛ خو که ستاسو ذهن د جنسي اړیکو پر لور ځي، پاڅېږئ، قدم ووهئ، د ملګرو خواته لاړ شئ، لوبې وکړئ او ... په دې توګه مو پر شهوت برلاسي کېدای شئ.

اتم| روغتيا ته مو پام وکړئ!

د ارادې له کمزوري کوونکو عواملو څخه یو هم ناروغي ده. نو زموږ توصیه دا ده، چې خپله روغتيا بابیزه مه ګڼئ. تل خپل صحت ته لومړيتوب ورکړئ او هېڅکله د خپلې روغتيا په اړه مه بې غوره کېږئ.

نهم| ځان ته په کم نظر مه ګورئ!

ځان کمزوری او عبث ګڼل پخپله د ارادې د کمزورۍ سبب کېږي. ددې لپاره چې خپل ځان متفاوت او پیاوړی ووینئ دا کار وکړئ.

  • خپلې لاسته راوړنې په یاد راوړئ.
  • له ځانه کمزورو خلکو ته وګورئ.
  • همدا اوس له میلیونونو هغو کسانو غوره یئ، چې لوستل یې نه دي زده
  • تل له ځان سره وایئ "زه یې کولای شم"، پیاوړی یم او...

لسم| مناسبه غذا وخورئ!

تاسو به فکر کوئ، چې غوښې، کبابونه او نور قیمتي خواړه به مناسبه غذا وي؛ خو داسې نه ده، روانپوهان وايي چې د ارادې د پیاوړتيا لپاره هغه خواړه خورئ، چې په بوټو پورې اړوند وي. سابه، ګلپي، زردک او ورته نور خواړه. دا ټول کولای شي ستاسو اراده پیاوړې او بریا مو تضمینه کړي.

Related Articles

سیه روی شود هر که در او غش باشد!

سیه روی شود هر که در او غش باشد! شفیق الله تُرک اوغلو از دیرباز دغدغهء اکثریت و اقليت بر سر زبان ها بود و تیکه داران قومی از اقوام مختلف، ادعای اکثریت و اقلیت را سر می دادند. بعضاً تمام بار ملامتی بر شانهء پشتون ها گذاشته می شد و چنین پنداری وجود داشت که پشتون ها عامل اصلی تبعیض سیستماتیک بوده و در تمام سرشماری ها دست باز داشته اند و اطلاعات را د...

بي دوه پنځوس" څه ډول الوتکې دي؟"

ژباړه ـ ریاض مقامزی په هېواد کې د جګړو له پراخوالي سره سم امریکايي ځواکونو اعلان وکړ، چې د بي.۵۲ الوتکو پر مټ به پر تالبانو هوايي بریدونه وکړي؛ همداسې وشول او په بېلابېلو سیمو کې یې د وسله والو تالبانو ډلې په نښه کړې. خو اوس پوښتنه دا ده، چې بي ـ ۵۲ څه ډول الوتکې دي او کومې ځانګړتیاوې لري؟  ددې لیکنې تر پايه به مو دواړه پوښتنې حل شي.    ځانګړتي...

په روژه کې کومو ټکو ته پام وکړو؟

د روژې مبارکې مياشتې په را رسېدو سره ځينې خلک د ناسمو خوړو او ځينو نورو لاملونو له کبله خپلې روغتيا ته زیان رسوي. دلته به پر ځينو لارښوونو پوه شئ.   ۱ ـ خپل خواړه درې وخته کړئ اکثره خلک په روژه کې دوه وخته "روژه ماتی او پیشنمی" خواړه خوري. د روغتیاپالانو له نظره دا کار نامناسب دی. تاسو هڅه وکړئ، دا وختونه درې کړئ. مه حیرانېږئ، طریقه یې اسانه ده....

Recommended Articles

څنګه کولای شو ښه شخصيت ولرو؟

 په دې لیکنه کې به تاسو هغه لارښوونې ولولئ، چې تاسو ځانګړي کوي او خلک به مو شخصيت ته درناوی لري.   خپل ظاهر ته ارزښت ورکړئ د هرې اړیکې په شروع کې ظاهري شکل خورا اړین فکټور ګڼل کېږي. په هاروارډ پوهنتون کې ترسره شوې څېړنه ښيي، چې انسانان ظاهر ته په کتو په لومړۍ ليدنه کې د مقابل لوري په اړه له ۳ نه تر ۷ ثانيو پورې  قضاوت کوي.  ددې لپاره چې ځانګړي و ا...

د وينا پر مهال د وېرې او فشار ختمول

لیکنه ـ ریاض مقامزی دا چې موږ انسانان ټولنيز ژوند لرو، نو اړ یو چې د خپلو اړتياوو او مفکورو د وضاحت لپاره وغږېږو. خبرې کول زموږ د ژوند په هره برخه کې لیدل کېږي. په کور، کلي، دکان، ښار، مکتب، ښوونځي او ګڼو نورو ځايونو کې موږ خبرې کوو او خپل پپغام نورو ته رسوو.   ځينې خلک بیا د خبرو او وينا پر مهال تر وېرې او فشار لاندې وي. نه شي کولای خپل پيغام او...

وړیا PDF کتابونو معتبر سایټونه

وړیا pdf کتابونه چیرته پیدا کړو؟ ځواب: 👇 دلته میلیونونه کتابونه موندلی شئ  دا چې یو زیات شمیر کتاب لوستونکو او څېړونکو هیواد پریښی او له بده مرغه نورو هیوادونو کې د پښتو او فارسي کتابونو چاپي نخسې نه موندل کیږي او ددې ترڅنګ د هیواد په دننه کې هم د کتاب بازار سوړ شوی، له بهر څخه واریدیدونکي کتابونه محدود شوي دی نو ځکه مې لازمه وبلله د کتاب د نړیو...