To start downloading books

Please sign in or create an account.

Yasir Takal 4 years ago 2,338
د بریالیتوب رازونه!

د بریالیتوب رازونه!

هر څوک غواړي بریالې اوسې، دا ډیره ښه او عالې هیله ده، دغه هیلي ته رسیدل کوم نابغه توب، جادو، منتر یا معجزه نه غواړي، یوازې یو څه زحمت او د یو څو ساده کارونو ترسره کول غواړي.

دلته په څو هغه لارو چارو غږیږو که عملې شي د بریالیتوب تضمین مو کیدلی شې:

ویره او ډار له زړه وباسئ؛ یو عالم وایې" کله چي د ممکن په معني وپوهیدم نو پوه شوم چي ناممکن هیڅ معني نه لري" نو که کله په ژوند کي له ډیرو سختو کارونو سره مخ شئ، هیڅکله داسې مه وایې چې دا کار سخت دی یا کیدل یې ناممکن دي، یا زه یې نشم کولای.

ارادې قوي وساتئ:که غواړئ، چې په ژوند کې بریالي اوسئ، نو تل پر ځان باوري اوسئ او خپل هوډ کلک وساتئ. کوم څه چې تیر شوي د هغه په اړه فکر مه کوئ، تیر هیر کړﺉ او د نوي ژوند په اړه فکر وکړئ.

نن هغه کار وکړئ چی مهم دی: تاسو ته به ډیر کوچني کارونه پراته وي، خو کوچني کارونو لپاره کم وخت ورکړئ او په بېړه یې ترسره کړئ تر څو وخت مو زېرمه شې. مهم یعنی؛ چی سبا نه تکراریږي او همدا نن یی ورځ وي. نو هغه کار نن وکړئ چی سبا ورته لاسرسی نه کیږی.

خپلې غلطۍ ومنئ: هیڅکله نور د خپلو ماتو په خاطر مه ملامتوئ. بلکې پر نورو دملامتیا اچولو پر ځای فکر وکړئ چې څه ډول کولای شئ ترسره يې کړئ. عادي انسانان تل هڅه کوي خپل مسولیت د نورو په اوږو ور واچوي اما بریالي کسان تل د خپلو کړنو مسؤلیت په غاړه اخلي. لاندي منفي شیان له ځانه لري کړئ:

- په خپل ځان شک مه کوئ 
- منفي فکرونه شاته وغورځوي
- د ناکامۍ ویره مو له ذهنه وباسئ 
- په نورو انتقاد کول کم کړئ
- کارونو ته نن او سبا کول او د هغو ځنډول پریږدئ 
- برياليتوب ته اندیښنه کول پریږدئ او پر ځای یې د بریا لپاره مبارزه وکړئ 
- د ناکامۍ په اړه اندیښنه مه کوئ؛ بلکې د هغه فرصتونو په اړه اندیښنه وکړئ چې له لاسه مو ورکړل او یوځلې مو هم د هغو د ترسره کولو هڅه هم ونه کړه.

لومړنئ ماتې مو د دوهم ځل لپاره فرصت وګڼئ: که په لومړي ځل پاتي راغلئ نو مه ناهیلي کیږئ ځکه لومړنئ ماتې د دوهم ځلې پیل لپاره ښه فرصت دی، دا ځل یې ښه په هوښیارئ پیل کړئ، دلومړئ ماتې تر ټولو غوره ټکی دا دی چې دا ځل موږ تر لومړي ځل په خلاصو سترګو پرېکړه کوو او لوری ټاکو. له ماتې وروسته باید موږ تیار اوسو او د هغو درسونو له مخې حرکت وکړو، چې له ماتې څخه مو زده کړي دي. کله،کله خپله لاره بدله کړئ: ډیر شمیر کسان فکر کوی په هغه لار چې مخکې پرې روان و د بریا لپاره یواځینئ ده، او پرته له دې لارې نه شي کولای خپلو هدفونو ته ځان ورسوي. مګر بریالي خلک تر ډيره دا ډول نه دي او دوی نړۍ په هماغه بڼه چې ده مني یې. دوی ټول هغه بدلونونه چې مخې ته یې راځې قبلوي او له ټولو شته امکاناتو د خپلې بریا لپاره استفاده کوي. دا هم سمه ده چې بدلون باید په دوامداره او هر اړخیزه توګه نه وي، خو مه هیروئ چې بدلون او انعطاف د بریا کلي ده.

خپل هدفونه معلوم کړئ: تاسې چې په هر ځای او هره برخه کي کار کوئ حتمي ده چي خپل اهداف وټاکئ، ځکه بې هدفه کسان مجبور دي چې د تل لپاره د هدف لرونکو کسانو لپاره کار وکړي. دسترو هدفونو ترڅنګ وړي موخې هم وټاکئ که چېرته لوړو هدفونو ته ونه رسیدئ نو وړوکي خو به ترلاسه کړئ.

د بریا لپاره په ذهن کي تصورات جوړ کړئ: تاسو چې هر ډول فکر کوئ، په حقه یاست له ډیره وخته دا تصور عام شوی چې ټولې بریاوې په اصل کې له ذهنه پیلېږي. په عمومي ډول دغه تصور اوس په یو واقیعت بدل شوی چې بریا او ماتې دواړه لومړی زموږ په ذهن کې جوړښت مومي، ان تر هغه مخکې چې پر واقعیت بدل شي. په دي اړه افلاطون ویلي: «هر شی دوه ځله خلق کېږي. یو ځل په ذهن کې او بل ځل له ذهنه د باندې. نو د بریالي حرکت لپاره لومړۍ موخه باید دا وي چې له ذهني اړخه باید ورته د یوه بریالي حرکت په سترګه وکتل شي. هغه مسیر په خپل ذهن کې ترسیم کړئ. دغه کار به درته د مثبتې پایلې ضمانت وکړي».

بهانه مه کوئ: بهانه کول ځان ته په یو قسم دوکه ورکول او په خپله د خپل ځان تیریستل دي. دا عات لري کړئ ځکه دا عادت د بریالتوب په وړاندي ستر خنډ دی، کامیاب خلک بهانه نه کوي او نه هم د نورو د ملامتولو کوښښ کوي، بلکي د دي هر څه پر ځای هغوې مسولیت مننونکي وي او د بیځایه بهانو او دلایلو په ځاې، خپلې نیمګړتیاوې درک کوي او د هغې د اصلاح لپاره وسایل لټوي.

پوه شئ چې له ژونده څه غواړئ: کله چي وپوهیږئ چي له ژونده څه غواړئ او غواړئ چې په راتلونکې کې څه جوړ شئ، دا کار د بریالیتوب یو راز دی، کله چې دا کار ترسره کړئ په ځان کې نوې او ځواکمنې وړتیاوې پيدا کوئ چې تاسو د بریا په لور رهنمایې کوي.

له ستونزو مه ویریږئ: لیدلي به مو وي هرکله چي قلفونه جوړيږي ورسره یې کیلۍ هم جوړیږي، همدې ته ورته خدای پاک څوک په داسې مشکلاتو کې نه ایساروي، چې حل لاره ونه لري؛ فقط دومره ده چي چې صبر ولرو تر څو حل لاره یې پیدا کړو.

د خپل قوت او کمزورتیا ټکې وپیژنئ: هر څوک د خپل ځان قوي او کمزورې نقطې پیژني او دا هغه څه دي چې د چا په استعداد او یا سخت کار او مطالعې پورې اړه نه لري. ځکه هیڅوک هم بشپړ او کامل نه وي. پوه او هوښیار خلک کولای شي، خپل کمزوري ټکي مشخص کړي او په ډیره آسانۍ سره یې د خپل ځان د قوت په توګه راښکاره کړي. نو باید خپل کمزوري ټکي مو د خجالت لامل ونه ګرځي، بلکې ځینې وختونه کمزوري ټکي د قوت له ټکو سره همکاري کوي. له پورته ذکر شوو لارو پرته نوري هم ډیري لارې، چارې شته،که په سمه توګه عملي شي؛ د بریالتوب هیله مو په حقیقت بدلولی شې.!

Related Articles

فسانچه (د اللّٰه په لار کښې ځان وقف کول )

د‌ امير صيب  رور  د‌ غربت د لاسه ډير تنګ وو ټوله ورځ به غريب محنت مزدوري اوکړه خو ګراني دومره ډيره وه چي ګوزاره ئي نه کيده . او چي امير صيب ته به ئې کله اووے چي روره ګزاره مي نه کيږې په جائداد‌کښې چي زما څومره  حصه کيږې که هغه دي راکړه نو زما حالت به لږ ښه شي - امير صيب چي به د‌ غريب رور دا خبره واوريده نو  وبه ئې خاندله او رور ته به ئې اووے چي زه...

بورسونو لپاره تحصیلي هدف Study Object څه دی؟

7. د بورسونو لپاره تحصیلي موخه یا هدف څه دی؟ What is a Study/Research Objective?له هغه ځایه چې تحصیلي موخه (هدف تحصیل/تحقیق) د ماسترئ بورسونو د غوښتنلیک یا اپلیکیشن له خورا مهمو برخو څخه شمیرل کیږي، نو ومې غوښتل چې په دې برخه کې یو لنډ لارښود او یوه بیلګه درسره شریکه کړم.د تحصیلي موخې لیکل آسانه کار ندی ځکه له یوې خوا کافي وخت ته اړتیا لري او له ب...

له افغانستانه د مغزونو فرار

له افغانستانه د مغزونو فرار عمران اختر د مغزونو فرار یوه اصطلاح ده چې د لوړ مهارت لرونکي اشخاصو د  هغه پیښو روښانه کولو لپاره کارول کیږي چې خپل هیواد پریږدي ترڅو بل چیرې غوره فرصتونه ولټوي. په افغانستان کې له څو کلونو راهیسې د مغزو فرار یوه مهمه مسله ده. د روانو جګړو، سیاسي بې ثباتۍ او محدودو کاري فرصتونو له امله ډېری لوستي افغانان د ښه ژوند په ل...

Recommended Articles

که دا عادتونه خپل کړئ له غربت څخه خلاصېږئ!

لیکنه ـ ریاض مقامزی دا به سمه خبره وي، چې شتمني له قسمت سره تړلې ده؛ خو دا خبره هم هېڅکله غلطه نه ده، چې ستاسو عادات په دې برخه کې رغنده رول لري. که تاسو هر څومره ډېرې پیسې ولرئ؛ مګر پر مصرف، پانګونې او نورو لاروچارو پوه نه شئ ډېر ژر به مو غربت د کور تر دروازو ورسېږئ. یا که ډېر غریب هم یئ؛ مګر دا لارښوونې عملي کړي، نو ډېر امکان شته، چې له غربت څخه...

بي دوه پنځوس" څه ډول الوتکې دي؟"

ژباړه ـ ریاض مقامزی په هېواد کې د جګړو له پراخوالي سره سم امریکايي ځواکونو اعلان وکړ، چې د بي.۵۲ الوتکو پر مټ به پر تالبانو هوايي بریدونه وکړي؛ همداسې وشول او په بېلابېلو سیمو کې یې د وسله والو تالبانو ډلې په نښه کړې. خو اوس پوښتنه دا ده، چې بي ـ ۵۲ څه ډول الوتکې دي او کومې ځانګړتیاوې لري؟  ددې لیکنې تر پايه به مو دواړه پوښتنې حل شي.    ځانګړتي...

د خپل مخ پوستکی څنګه ښکلی کړو

د خپل مخ پوستکی څنګه ښکلی کړو، چې د هرچا د خوښې وړ وګرځي؟پر پوستکي مختلف داغونه د مختلفو عواملو له امله پیدا کېدی شي لکه د لمر د وړانګو له امله، د ځینو درملو د استعمال له امله او یا کېدای شي د عمر په زیاتېدا سره هم ځینې نښې نښانې را څرګندې شي. په همدې اساس د هر عامل له وجې د پوستکي د داغونو درملنه هم په جدا ډول سره کېږي، چې باید توپیر یې وشي، لکه...